2Rus 34:7 - Hdi

⁷ Ka dzaɓiŋtá tsi, ka seseʼanaptá gwirha, nda skwa wuyayha Asera, nda tsatsatá skwa wuyayha, ka niŋta kuzlup. Ka pasliŋtá tsi ta inda vla dra urdiha ta haɗika la Israʼila demdem. Tahula tsa, ka vraktá tsi da Ursalima.

2Rus 34:7 Mawu Ofanana

2Mgh 10:26

Ka klagaptá həŋ dzibil ta pala dzugwa lu ma həga Baghal, ka driŋta nda vu.

2Mgh 23:15

Ka dzaɓiŋtá Yusiya guli ta gwir ma Betel, vli tskala si dzihwaf Yaruvgham, zwaŋa Nəvat ta hladamtá la Israʼila da ga dmaku ya. Ka driŋtá tsi ta tsa vli tskala ya, ka ŋərɗiŋta ka hutiɗif, ka driŋtá tsi ta skwa wuyay Asera.

2Mgh 23:19

Ka hliŋtá Yusiya ta inda həgaha skwa wuyay ma vliha tskal tskala ma luwaha Samari, si babaf mghamha la Israʼila ta gufanaftá ŋuɗuf ta Yawe ya. Ka maganatá tsi ta həŋ ta inda skwi ya maga tsi ma Betel.

2Rus 14:2

Ka hliŋtá tsi ta gwirha sanlaha ma lazglaftaha nda vliha tskal tskala, ka dzaɓiŋtá tsi ta palaha dzagwa lu, ka ghwadiŋtá tsi ta udzuha skwa wuyay Asera.

2Rus 14:5

Ka babamtá tsi ta luwaha ma matsaka huzlu ma Yuda, kabga ma zɗaku tsa haɗik ya. Haɗ vulu ta slanaghata ma tsa vakuha ya wu, kabga vlaŋ vla Yawe ta mbiʼa vgha.

2Rus 31:1

Manda kɗiŋta lu ta tsa skalu ya, ka sliʼaftá la Israʼila si hada demdem, ka laghwi da luwaha la Yuda, ka dzaɓiŋtá həŋ ta dzagwatá palaha, ɓaliŋha həŋ ta skwa wuyayha Asera, ka zlazliŋta tesneʼ ta vliha skwa wuyay tskal tskala, nda gwirha ma inda luwaha la Yuda, nda la Biŋyamiŋ, mantsa ya da la Ifrayim, nda la Mənase. Tahula dzaɓiŋta inda la Israʼila nekwnekw, ka vraghutá həŋ da luwaha taŋ, dər wa ta haɗika za həga ni.

2Rus 34:1

Tghas ima Yusiya ta nzatá tsi ka mgham. Ka zatá tsi ta vaku hkən mbsak ndeŋ mida ta gá mgham ma Ursalima.

Sabi 34:13

Katək ná, ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ.

La Levi 26:30

Dzaʼa zaɗana zaɗa yu ta inda vla wuya skwa ghuni tskal tskala. Dzaʼa dzaɓiŋ dzaɓa yu ta gwirha urda ghuni. Dzaʼa babana baba yu ta mbliha ghuni ta skwa wuyayha ghuni kul haɗ hafu ma həŋ. Dzaʼa mbiɗay yu ta kaghuni.

Vrafta ta zlahu 9:21

Ka klaftá yu ta tsa mamakwa sla slraf kuni, slna dmakwa ghuni ya, ka driŋta nda vu. Ka ɓalanaptá yu, ka dzaɓanapta, ka huʼapta kəzlitit, ka dzaftá yu ta ŋərɗata ni ta zala ta saha ta ghwá.