2Rus 33:6 - Hdi

⁶ Ka daraftá tsi ta zwana ni ka skwa pla ghəŋ ta vu ma didiŋa Benʼhinum. Ka dzugu tsi ta zlazlra, nda vza mandaŋ, ka gwaɗ tsi ta gwaɗa ghwaɗaka sulkum, ka laghu tsi da gwal ta gwaɗa nda sulkuma gwal nda rwa, nda gwal ga ɗəgha. Ka dzaʼa tsi ta kəma ta kəma nda maga ghwaɗaka skwi ta kəma Yawe, ka gufanaftá ŋuɗuf.

2Rus 33:6 Mawu Ofanana

1Mgh 16:33

Ka tsaftá Ahav guli ta skwa wuyay Asera. Nda ma slna ni, ka ganaftá tsi ta ɓasa ŋuɗuf ta Yawe, Lazglafta la Israʼila, ka malaghutá ŋa inda mghamha la Israʼila ta tiŋlaghutá tsatsi.

2Mgh 17:17

Ka dadaraftá həŋ ta zwana taŋ nda kwagha taŋ ta vu, ka mag həŋ ta maɗəgha ɗəgha, ka vza mandaŋ. Ka vlatá hahəŋ ta ghəŋa taŋ ŋa maga ghwaɗaka skwi ta wa ira Yawe, ka gufanaftá ŋuɗuf.

2Mgh 21:6

Ka draftá tsi ta zwaŋa ni ka skwa pla ghəŋ ta vu. Ka dzugu tsi ta zlazlra, nda vza mandaŋ, ka laghu tsi da gwal ta gwaɗa nda sulkuma gwal nda rwa, nda gwal ga ɗəgha. Ka dzaʼa tsi ta kəma ta kəma nda maga ghwaɗaka skwi ta kəma Yawe, ka gufanaftá ŋuɗuf.

2Mgh 23:10

Ka dmanaftá Yusiya ta Tufet ma didiŋa Benʼhinum ya, ŋa kwala dər wati ma mndu vlatá zwaŋa ni ka makwa ni a tsi ka skwa pla ghəŋ ta vu ŋa vlaŋtá glaku ta Mulek.

2Mgh 23:24

Ta ghəŋa tsa, ka hlanatá Yusiya ta gwal ta gwaɗa nda sulkuma gwal ma haɗik, nda ɗəgha, nda lazglaftaha ma həga, nda skwa wuyay, nda inda skwiha ka manzakɗaway ta nghaŋta lu ta haɗika la Yuda nda ya ma Ursalima. Maga maga manda tsaya kada magata lu ta slna nda gwaɗa zlaha Musa, ya nda vinda ma tsa ɗelewera slanagha Hilkiya, mnda dra skwi ŋa Lazglafta ta slanaghata ma həga Yawe ya.

1Rus 10:13

Mtu mta Sawulu dabga vəl ganata ni ta dmaku ta Yawe, ka kwalaghuta snatá gwaɗa Yawe. Ka laghu tsi nduk da gwal ta gwaɗa nda sulkuma gwal nda rwa,

2Rus 28:3

Ka drə tsi ta urdiha ma didiŋa Benʼhinum, ka draftá tsi ta zwana ni ka skwa pla ghəŋ, taɓta manzakɗawayha maga mndəra mnduha ya ghazliŋ Yawe ta kəma la Israʼila.

La Levi 18:21

Yaha ka da klaftá dər wati ma zwana gha ŋa pla ghəŋ nda ma drafta ŋa skwa wuyay Mulek. Kfariŋtá hga Lazglafta gha tsaya. Iʼi Yawe.

La Levi 19:26

Yaha kuni dá za sluʼi nda us nda us, yaha kuni dá vza mandaŋ, yaha kuni dá dzugwa zlazlra.

La Levi 19:31

Yaha kuni dá mbəɗaghutá vgha təv gwal ta gwaɗa nda gwal ma haɗik, ka təv ɗəghaha a tsi, yaha kuni dzaʼa mista taŋ, dá nighunistá həŋ ka gwal ta tsaɗ lu. Iʼi Yawe, Lazglafta ghuni.

La Levi 20:2

« Ka ka nda la Israʼila na: Dər wa tsi ma la Israʼila, ka mataba la mayəm ta nzakw ma Israʼila a tsi, ta vlaŋtá Mulek ŋa pla ghəŋ ta ya turtuk ma zwana ni katsi, dzata. Dzaʼa zlamba zlamba mnduha ma tsa haɗik ya, ka dzata.

La Levi 20:27

Mndu ta gwaɗa nda gwal ma haɗik, ka ta ga ɗəgha a tsi, dər zgun ka dər marakw a tsi, zlambata ghuni ta həŋ, ka pslatá həŋ. Dguv ta ghəŋa taŋ usa taŋ, » kaʼa.

La Levi 20:6

Ka mbəɗaghu mbəɗa mndu ta vgha təv gwal ta gwaɗa nda gwal ma haɗik, ka təv ɗəghaha a tsi, ka laghu da maga sliʼiŋsliʼiŋ nda həŋ, dzaʼa dzaŋ dza yu ta kuma nda tsi. Dzaʼa kliŋ kla yu guli mataba mnduha ni.

Galat 5:20

wya skwi, maga mndu nda ghwani, nzaku ka ghuma, zlərɗa wi, draku, ɓasa ŋuɗuf, ɗva ghəŋ, daga vgha, kwal kul guya ghəŋ,

Vrafta ta zlahu 12:31

Yaha kaghuni da magay manda tsa ŋa taŋ ya ŋa Yawe, Lazglafta ghuni, kabga inda manzakɗaway skwiha ta husaŋtá Yawe ya ná, tsaya ta mag həŋ ŋa lazglaftaha taŋ, ha ka dray taŋ ta zwana taŋ nda kwagha taŋ ta vu ŋa pla ghəŋ ŋa lazglaftaha taŋ.

1Sam 15:23

Mantsa nzakwa ni, ka gragra kwal kul sna gwaɗa nda dmakwa gwal vza mandaŋ. Ga sidi guli ná, ka gragra nda dmakwa gwal wuya skwi. Manda vziŋta kagha ta snatá gwaɗa Yawe ya, vziŋ vza tsatsi guli ta nzakwa gha ka mgham, » kaʼa.