2Rus 30:21 - Hdi

²¹ Mantsa tama, ka skal la Israʼila ma Ursalima ta skala buradi kul haɗ is mida ka fitik ndəfáŋ nda rfu katakata. Inda fitik la Levi nda gwal dra skwi ŋa Lazglafta ta zləzləva Yawe nda inda ghudzaga huzla skalu katakata ŋa vlaŋtá sgit ta Yawe.

2Rus 30:21 Mawu Ofanana

2Rus 20:21

Tahula tsa, ka dzərkavatá tsi nda mnduha, ka zabaftá tsi ta gwal fa laha ŋa Yawe ŋa zləzləvay taŋ ta sgita ghuɓata ni. Ka lab həŋ ta kəma gwal vulu nda hbatá vgha nda huzla vulu, ka həŋ mantsa: « Zləzləvawa Yawe! Ta gɗava gɗa zɗakwa ni ŋa ɗekɗek! » ka həŋ.

2Rus 29:30

Tahula tsa, ka i mgham Hizkiya nda maliha mnanatá la Levi mantsa: « Zləzləvawa zləzləva ta Yawe nda lahaha Dawuda, nda ŋa Asaf, slayaŋ ya, » ka həŋ. Ka zləzləvu həŋ nda rfu nda rfu, ka dzadzatá həŋ ta ghəŋ, ka tsətsəlɓata.

2Rus 30:11

Ama ka hanaganatá sanlaha ma mndəra la Aser, nda la Mənase, nda la Zəvuluŋ ta ghəŋ, ka lagha həŋ da Ursalima.

2Rus 30:26

Ka rfu lu ta rfu katakata ma Ursalima, kabga daga ma fitika gay Salumuŋ, zwaŋa Dawuda ta mgham ta ghəŋa la Israʼila ná, ta ngha a lu ta skwi manda va tsaya ma Ursalima wa.

2Rus 35:17

Ma tsa fitik ya, ka skalu tsa la Israʼila hada ya ta skala Pak, nda skala buradi kul haɗ is mida, ka fitik ndəfáŋ.

2Rus 7:10

Tahula tsa tama, baɗ mahisambsak hkən mida ma tila mandəfáŋ, ka vríŋtá Salumuŋ ta mnduha dzagha taŋ wunahatá ŋuɗuf dabga inda skwi ya ɗina ɗina magana Yawe ta Dawuda, nda Salumuŋ nda ya ŋa mnduha la Israʼila.

Nəhemiya 8:10

Kaʼa nda həŋ mantsa: « Lawa la dzagha ka za kuni ta skwa zay zɗa, ka sa kuni ta skwa say gun guna. Tsatsanaf kuni ta gwal kul haɗ tsi da həŋ, kabga nda fa na fitik gita u na ka ŋa Mghama mu. Ma nza kuni zuzuʼuva! Nda nza rfu ta sagha da Yawe ka mbrakwa ghuni! » kaʼa.

Nəhemiya 8:17

Ka babaftá inda tsa tskata mnduha ta varagaghata si hlagha lu ta həŋ ya ta dumbiha, ka nzanzamta mida, kabga magaŋ a la Israʼila ta tsa skalu ya daga ta Yəhusuwa zwaŋa Nuŋ ha ka sagha baɗ tsaya wa. Ka rfu həŋ ta rfu katakata.

Sabi 12:15

Ndəfáŋ fitik dzaʼa zata kuni ta za buradi kul haɗ is mida. Daga baɗ taŋtaŋ dzaʼa hliŋta kuni ta is ma həga ghuni. Ka daga baɗ taŋtaŋ ha baɗ mandəfáŋ zaŋ za mndu ta buradi nda is mida katsi, kliŋtá tsa mndu ya mataba la Israʼila.

Sabi 13:6

Ma fitik ndəfáŋ, buradi kul haɗ is mida dzaʼa kuni da zay. Baɗ mandəfáŋa ni ya, dzaʼa mamu skalu ŋa Yawe.

La Levi 23:6

Baɗ maghwaŋpəɗ hutafa fitik ma va tsa tili ya, dzaʼa mamu skala buradi kul haɗ is mida ŋa Yawe. Fitik ndəfáŋ dzaʼa magata kuni ta za buradi kul haɗ is mida.

Lukwa 2:43

Tahula kɗatá tsa skalu ya ta vru həŋ dzagha, ta tsaghutá Yesu ta vgha nda həŋ ka nzaghuta ma Ursalima kul snaŋtá i da ni nda ma ni.

Lukwa 22:1

Ka ndusagaghatá fitika za buradi kul haɗ is mida ta hgə lu ka skala *Pak.

Lukwa 22:7

Ka sagha tsa fitika za buradi kul haɗ is mida ya. Tsa fitik ya ta kəl lu ka dzaɓa maŋazak ŋa za skala *Pak.

Slna gwal ghunay 2:46

Inda fitik həŋ ta tskavata ma həga Lazglafta. Ka skwa turtuk ta nzata həŋ ka za skwa zay ma wa tgha taŋ. Nda rfu nda rfu, nda ŋuɗuf turtuk ta za həŋ.

Vrafta ta zlahu 12:12

Dzaʼa nzakway kuni ma rfu ta kəma Yawe, Lazglafta ghuni, kaghuni, nda zwana ghuni, nda kwagha ghuni, nda kwalvaha ghuni, nda kurɗuha ghuni. Mantsa ya la Levi ta nzakw ma luwaha ghuni guli, kabga haɗ mayaka hahəŋ ma za həga kawadaga nda kaghuni wa.

Vrafta ta zlahu 12:7

Hada ta kəma Yawe, Lazglafta ghuni dzaʼa za kuni ta skwa zaya rfu kawadaga nda la ga ghuni, ka rfay ghuni ta magatá inda slna dzva ghuni, kabga tfaghunagha tfa Yawe, Lazglafta ghuni ta wi.

Vrafta ta zlahu 16:14

Ta skal kuni ta tsa skalu ya, ka rfu kuni ta rfu kawadaga nda zwana ghuni, nda kwagha ghuni, nda kwalvaha ghuni, nda kurɗuha ghuni, nda la Levi, nda matbayha ma səla ghuni, nda tawakriha, nda wadguha ma luwaha ghuni ya.

Filip 4:4

Rfawa ta rfu ma nzatá nzakwa ghuni mamgham *Yesu. Rfawa ta rfu ka yu ta vrəgliŋtá mnaghunata.