2Rus 24:20 - Hdi

²⁰ Mantsa tama, ka saha Sulkuma Lazglafta suw ta ghəŋa Zakari, zwaŋa Yəhuyada, mnda dra skwi ŋa Lazglafta. Ka lagha tsi da sladata ta kəma mnduha, kaʼa nda həŋ mantsa: « Wya ka Lazglafta: “Kabgawu kəl kuni ka kwalaghutá sna zlahuha Yawe na? Haɗ kuni dzaʼa walaŋtá dzaʼa ta kəma ta kəma wu, kabga zlanavata ghuni ta Yawe, dzaʼa zlavaghuna zla tsatsi guli,” » kaʼa.

2Rus 24:20 Mawu Ofanana

1Rus 12:18

Ka sab Dawuda da guya həŋ, kaʼa nda həŋ mantsa: « Ka ŋa zɗaku sagha kuni da iʼi ŋa katihata katsi, dzaʼa guyaku ndana mu, ama ka ŋa nanaftá iʼi ŋa ghumaha ɗa tsi, ya wya haɗ ghwaɗaka skwi maga yu wu, dzaʼa nghay Lazglafta dzidzíha mu, dzaʼa tsaghunagha tsa ta guma! » kaʼa.

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

2Rus 12:5

Ma tsa fitik ya, ka sliʼaftá anabi Səmaghya ka lagha slanaghatá Rəhavgham nda maliha la Yuda, si ta tsukavata ma Ursalima gavadaghar Sisak, kaʼa nda həŋ mantsa: « Wya gwaɗa ta mnə Yawe: “Zlaɗiva zla kuni. Iʼi guli ta zlavaghuna zla yu ma dzva Sisak kaʼa,” » kaʼa.

2Rus 20:14

Ka saha Sulkuma Yawe da taba guyatá ghəŋa la Yuda nzafta ta ghəŋa Yahaziʼel, zwaŋa Zakari, ma zigha Benaya zwaŋa Yəghiʼel, zigha Mataniya ta sab ma zivira la Asaf mnda la Levi.

2Rus 23:11

Ka klagaptá tsi ta zwaŋa mgham, ka wanamtá zlembetsi ma ghəŋ, ka vlaŋtá ɗelewera dzratá wi, ka famtá həŋ ka mgham. Ka pghanaghatá i Yəhuyada nda zwana ni ta rɗi, ka həŋ mantsa: « Ta mblam ka hafa mgham! » ka həŋ.

2Rus 24:24

Ka lagha gwal vula la Aram nda mnduha hutsekw, ama ka vlatá Yawe ma dzva taŋ ta ndəghata gwal vula la Yuda katakata, dabga vəl zlanavata taŋ ta Yawe, Lazglafta dzidzíha taŋ. Mantsa ya tsanaghatá lu ta guma ta Yuʼas.

2Rus 25:16

Ta gwaɗay gwaɗay ta tsa gwaɗa ya, ka Amatsiya nda tsi mantsa: « Zbaf zba ŋni ta kagha ŋa nzakway ka mnda vla hiɗaku ŋa mgham ra? Laghu la gha! Haf ha ta wa gha, ari ka dzaghata lu a na? » kaʼa. Ka haftá tsa anabi ya ta wa ni, ama kaʼa mantsa: « Nda sna yu, kura kura Lazglafta ta zaɗaghata, tsəhala mantsa ya maga ka, ka kagha kwalaghutá snatá hiɗakwa ɗa ya, » kaʼa.

2Rus 29:8

Tsaya kəl ŋuɗufa Yawe ka gufafta ta ghəŋa la Yuda nda la Ursalima, ka niŋtá tsi ta həŋ ka skwi ta gá zləŋ, nda skwa ndərmimi, nda ya ka skwa ghuɓasay, manda na ta nghə kuni nda ira ghuni na.

Mbsak 14:41

Ama ka Musa mantsa: « Nu ta mag kuni hada na? Ta ɓlanap ɓla kuni ta skwi ta mnafta Yawe! Katsafta a kuni wa.

Mata 23:35

Tsaya tama, ta ghəŋa ghuni dzaʼa vrafta usa gwal tɗukwa psla kuni. Zlrafta ta Abel mndu tɗukwa, ha ka sagha ta dzata dza kuni ta Zakari zwaŋa Baraki, ya dza lu ma takataka vli nda ghuɓa ma həga Lazglafta nda gwir ya.

Lukwa 11:51

na zlrafta ta Abel, ka sagha ta Zakari dza lu ma takataka gwir nda vli nda ghuɓa ma həga Lazglafta ya. Mantsa tsaya, dzaʼa ghuzlanaŋghuzla lu ta iri ta gwal ma na fitik na ta ghəŋa vəl pslata taŋ ta tsa mnduha ya.

Vrafta ta zlahu 31:17

Dzaʼa gufaf gufa ŋuɗufa ɗa ta ghəŋa taŋ baɗ tsa. Dzaʼa zlaŋ zla yu ta həŋ ka mbəɗaghutá kəma ɗa, ŋa zatá həŋ, ŋa slanaghata ɓadzaku nda ghuya ɗaŋwa katakata ta həŋ. Ka həŋ dzaʼazlay baɗ tsa: “Nana ɓadzaku ta slamaghata nana, nza a kabga vəl kwala Lazglafta mu kul haɗ mataba mu wu ra?” ka həŋ dzaʼazlay.

Gwal tsa guma 6:34

Ka lanaghatá Sulkuma Yawe ta ghəŋa Gidghuŋ. Ka vyatá tsi ta duli, ka hagadaghatá lu ta la Avighezer ta uʼa taŋ ŋa dzaʼa mista ni.