2Rus 18:5 - Hdi

⁵ Ka tskanatá mghama la Israʼila ta anabiha ta maga fwaɗ dərmək (400), kaʼa nda həŋ mantsa: « Dzaʼa laviŋ lava ŋni ta dzaʼa da vulu ma Ramut ma Gilghat re, ari ka kwalaghuta yu a na? » kaʼa. Ka həŋ mantsa: « Laf la gha! Dzaʼa vla vla Lazglafta ma dzva mgham, » ka həŋ.

2Rus 18:5 Mawu Ofanana

1Mgh 12:9

Ka ɗawaŋtá tsi da həŋ, kaʼa mantsa: « Kinawu ká yu dzaʼa zlghanaftá wi ta tsa mnduha ya, ka kaghuni na? “Htaŋnaghu hta ta na ɗukwata zuk faŋnagha da gha ka mbraku na,” ka həŋ na na? » kaʼa.

1Mgh 18:19

Ndanana, tskəgiɗaghawa tska ta la Israʼila demdem ta ghwá Karmel, nda tsa anabiha Baghal fwaɗ dərmək nda hutaf mbsak (450) ya, nda tsa anabiha skwa wuyay Asera fwaɗ dərmək (400) ta za skwi ta kuwata ɗafa Izabel ya, » kaʼa.

1Mgh 4:13

nda Beŋʼgever ta ŋa Ramut ma Gilghat, ta ŋa ghuɓuha Yaʼir, zwaŋa Mənase ma Gilghat, nda kwakwara Arguv ma Basaŋ: Mkuʼ mbsak luwaha dagala dagala mida nda matsak nda matsak, nda ŋaŋərzlatá həŋ nda kra wa tghaha ka ghuva tili,

2Mgh 3:13

Ka Ilisa nda mghama la Israʼila mantsa: « Nahgani ya mataba ɗa nda kagha na? La slanaghatá anabiha da gha, nda anabiha ma gha, » kaʼa. Ama ka mghama la Israʼila nda tsi mantsa: « Mantsa a wu, Yawe ta hagaftá na aŋni mghamha hkən na ŋa vlata ma dzva la Muwav, » kaʼa.

2Rus 18:14

Ɓhadaghata ni da mgham, ka ɗawaŋtá mgham da tsi: « Mihayhu, ka dzaʼa mu da liŋta nda vulu ta Ramut ma Gilghat re, ari ka kwalaghuta mu a na? » kaʼa. Kaʼa zlghanaftá wa ni mantsa: « Ŋlawa ŋla! Dzaʼa zay kuni ta ghwa, dzaʼa vlaghuna vla lu ta həŋ ma dzva ghuni, » kaʼa.

2Rus 18:4

Ama ka Yəhusafat sganaghatá mghama la Israʼila mantsa: « Kdəkkdək, snana sna tama ndanana ta gwaɗa da Yawe karaku, » kaʼa.

2Rus 18:6

Ama ka Yəhusafat mantsa: « Ta haɗ sana anaba Yawe hadna ŋa lavəgliŋta ɗawglamaŋta ra? » kaʼa.

2Tim 4:3

kabga mamu sana fitik dzaʼa sagha ŋa kwala mnduha kul snəgəltá vərɗaka tagha skwi. Ŋa laghwa taŋ sna skwi ya ta kum ghəŋ taŋ. Ŋa laghwa taŋ da mbala ghwaɗaka gwal tagha skwi ŋa taghanatá skwi ya ta kum həŋ.

Suna Yuhwana 19:20

Ka gi ksuta lu ta tsa nimtak ya kawadaga nda tsa ghwaɗaka anabi si ta magatá mazəmzəmha ta kəma tsa nimtak ya. Nda tsa mazəmzəmha maga tsi ya nanaghata tsi ta gwal ta tsuʼaftá ŋizla tsa nimtak ya ka tsəlɓu ŋa skwa wuyay ni ya. Ka pghaghatá lu ta həŋ his his ta ndiri ta ndiri da duda vu ghandand.