2Rus 15:15 - Hdi

¹⁵ Ka rfu inda la Yuda ta rfu ta ghəŋa tsa waɗu ya, kabga ma hya hya ŋuɗufa taŋ waɗata həŋ, nda kumay taŋ zba həŋ ta Yawe. Ka slaftá həŋ tida, ka vlaŋtá Yawe ta mbiʼa vgha ta həŋ dər ndiga ndiga.

2Rus 15:15 Mawu Ofanana

2Mgh 23:3

Tata sladu mgham ta vata guguɗi, ka dzraftá tsi ta wi ta kəma Yawe. Ka fatá tsi ta ghəŋa ni ŋa dzaʼa mista Yawe nda hya hya ŋuɗufa ni, nda ya nda kɗavakta hafa ni, ŋa ŋanatá zlahuha ni, nda tva skwiha ni ta raku ka magay, nda ma maga slna nda gwaɗaha tsa dzratá wi vindam lu ma tsa defteri ya. Ka pghatá inda mnduha ta ghəŋa taŋ ŋa tsa dzratá wi ya.

1Rus 16:10

Ghərɓawa ta ghərɓaku ma hga ni nda ghuɓa, rfu da kaghuni, kaghuni gwal ta zba Yawe.

2Rus 11:16

Ma inda mndəra la Israʼila, mamu mnduha ta kuratá zba Yawe, Lazglafta la Israʼila. Ka laghu həŋ mista la Levi da Ursalima ŋa vla skwa pla ghəŋ ŋa Yawe, Lazglafta dzidzíha taŋ.

2Rus 14:6

Ka Asa nda la Yuda mantsa: « Babafma baba ta na luwaha na, ka ŋaŋamta mu ma matsaka huzlu, nda həgaha nda slara nda slara, nda parawalha nda kra wa tghaha taŋ. Ta ka ŋa mu na luwa na, kabga zbaŋ zba mu ta ndana Yawe, Lazglafta mu. Zbaŋ zba mu, ka vlamatá tsi ta mbiʼa vgha dər ndiga ndiga, » kaʼa. Ka zlraftá həŋ ta bay, ka katsaftá həŋ.

2Rus 14:7

Dəmbuʼ hkən dərmək (300.000) mnduha la Yuda ka gwal vula Asa ta laviŋtá kla zalam dagala nda gupa. Dəmbuʼ his dərmək nda tghas mbsak (280.000) mnduha la Biŋyamiŋ ta laviŋtá kla zwaŋa zalam nda ha hava. Gwal viɗviɗ ma vulu həŋ demdem.

2Rus 15:12

Ka fatá həŋ ta ghəŋ nda ma dzratá wi ka zba Yawe, Lazglafta dzidzíha taŋ, nda hya hya ŋuɗufa taŋ, nda inda hafa taŋ.

2Rus 15:14

Ka waɗanatá həŋ ta Yawe nda lwi dagala, nda dza hayayi nda dza hayayi, nda ya nda vya talakwaha nda duliha.

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

2Rus 15:4

Ama ma ghuya ɗaŋwa taŋ, ka vradaghatá həŋ da Yawe, Lazglafta la Israʼila. Ka zbaŋtá həŋ, ka slaftá həŋ tida.

2Rus 15:6

Ka ɗatsu lu ta vgha, sana mndəra mndu nda sana mndəra mndu, sana luwa nda sana luwa, kabga Lazglafta ta zlaɓanaftá həŋ nda inda mndərga ghuya ɗaŋwaha kavgha kavgha.

2Rus 19:3

Kulam nda tsa, slanagha sla ta skwi ɗina ma kagha, kabga zaɗana zaɗa ka ta skwa wuyay Asera ma haɗik gha, ka fatá ka ta ŋuɗufa gha ŋa zba Lazglafta, » kaʼa.

2Rus 20:30

Mantsa tama, ka nzatá gá mghama Yəhusafat lɓekw, ka vlaŋtá Lazglafta ni ta mbiʼa vgha dər ndiga ndiga.

2Rus 29:10

Ama ndanana, kura kura yu ma ŋuɗufa ɗa ta dzraftá wi nda Yawe, Lazglafta la Israʼila, kada mbəɗaghuta tsa gufatá ŋuɗufa ni katakata ya ta vata amu.

2Rus 29:36

Ka rfu i Hizkiya nda mnduha demdem ta rfu ta ghəŋa skwi ya payaf Lazglafta ŋa mnduha, kabga kwatskwats magatá tsa skwi.

2Rus 34:31

Tata sladu mgham ma vla slada ni, ka dzraftá tsi ta wi ta kəma Yawe. Ka fatá tsi ta ghəŋa ni ŋa dzaʼa mista Yawe nda hya hya ŋuɗufa ni, nda ya nda kɗavakta hafa ni, ŋa ŋanatá zlahuha ni, nda tva skwiha ni ta raku ka magay, nda ma maga slna nda gwaɗaha dzratá wi vindam lu ma tsa defteri ya.

Nəhemiya 8:9

Na snanata mnduha demdem ta tsa gwaɗaha ma zlahu ya, ka taw həŋ ta taw. Mantsa tama, ka mnə i guvna Nəhemiya, nda Izra mnda dra skwi ŋa Lazglafta, ta tagha zlahu, nda la Levi ta tsisla zlahu ya ŋa mnduha demdem, ka həŋ mantsa: « Nda fa na fitik gita u na ka ŋa Yawe, Lazglafta ghuni. Ma nza kuni zuzuʼuva, ma taw kuni ta taw, » ka həŋ.

Sabi 24:3

Ka sliʼaftá Musa ka laghu da mnanatá la Israʼila ta inda gwaɗaha nda gumaha mnana Yawe. Ka zlghaftá inda taŋ ta wa ni ka skwa turtuk, ka həŋ mantsa: « Inda gwaɗaha mna Yawe ná, dzaʼa magay ŋni manda va tsaya, » ka həŋ.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

Vrafta ta zlahu 26:11

Tahula tsa, ka rfa ka ta rfu kawadaga nda la Levi, nda ya nda la mayəm ma səla ghuni, ta ghəŋa skwiha ɗina ɗina ya vlaghuna Yawe, Lazglafta gha, kagha nda la ga ghuni tani. »

Filip 1:23

Ta taɗa iʼi tsa skwiha ya his his. Mtuta ɗa má si ta zɗəgihata ŋa dzaʼa ɗa nghaŋtá Yesu Kristi, si má mal tsaya yu.

Yəhusuwa 23:1

Nda ndəgha vakuha ta luta tahula vlaŋta Yawe ta mbiʼa vgha ta la Israʼila, da inda ghumaha taŋ ta waftá həŋ. Nda hala Yəhusuwa lula ima ni katakata.

Yəhusuwa 24:25

Baɗ tsaya ná, ka hbanaftá Yəhusuwa ta dzratá wi ŋa mnduha ma Səkem. Ka vlaŋtá tsi ta zlahuha ta həŋ, nda tviha ya ka həŋ dzaʼa nzakwa taŋ.