2Rus 11:15 - Hdi

¹⁵ Ka pghatá Yaruvgham ta gwal dra skwi ŋa Lazglafta ŋa maganatá slna ta vliha tskal tskala, nda skwa wuyay ka duguzumha nda ya ka mamakwa slaha.

2Rus 11:15 Mawu Ofanana

1Mgh 12:28

Tahula ɗaɗawaŋta ni ta hiɗaku, ka tsatsaftá mgham ta mamakwa slaha his ka dasu, kaʼa nda mnduha mantsa: « Ariwa la Israʼila! Nda kɗa fitika ghuni ta ŋlu da Ursalima, wya lazglaftaha ghuni ta hlagaghunafta ma haɗika Masar, » kaʼa.

1Mgh 12:31

Ka babaftá Yaruvgham guli ta həgaha ta vliha tskal tskala, ka pghatá tsi ka gwal dra skwi ŋa lazglafta, ta gwal ɗagaʼa tsi mataba hamata mnduha kul nzakway ka mndəra la Levi.

1Mgh 13:33

Kulam nda tsa skwi ta maguta ya, mbəɗana a Yaruvgham ta hul ta ghwaɗaka tva ni wa. Ka kɗə tsi ta paghatá hamata mnduha ka gwal dra skwi ŋa lazglaftaha ta vliha tskal tskala. Dər wa ta kumaŋtá maga tsa slna ya, famta ni.

1Mgh 14:9

Maga maga kagha ta ghwaɗaka skwi ka malaghutá ŋa inda gwal ta tiŋlaghutá kagha. Laghu la ka da tsatsaftá sanlaha ma lazglaftaha, nda skwiha ŋa wuyay dgum dguma ka kfur nwap lu nda nwa, ŋa giɗiftá ɓasa ŋuɗuf, ka wuɗiɗtá ka.

2Rus 13:8

Ndana tama, nda mbra ŋni ŋa dzaŋtá kuma nda gá mghama Yawe ma dzva zivira Dawuda ka kuni ɓa! Nda nza kuni ka bakwa mnduha nda ndəgha, mamu kuni nda fwata mamakwa slaha ka dasu magaghunaf Yaruvgham ŋa nzakwa taŋ ka lazglaftaha ghuni.

2Rus 13:9

Ghazliŋ a kuni ta gwal dra skwi ŋa Yawe, i zivira Haruna nda la Levi, ka hlamtá kaghuni ka ghəŋa ghuni ta gwal dra skwi ŋa Lazglafta manda mnduha ma sana haɗikha wu ra? Inda mndu ta lagha nda lghəŋ dɓakwa nda ya nda maŋazakha ndəfáŋ ná, tsaya ta famta lu ka mnda dra skwi ŋa skwi kul haɗ ka Lazglafta.

Sabi 32:31

Ka vradaftá Musa slanaghatá Yawe. Kaʼa mantsa: « Ay kakaɗawna! Maga maga tsa mnduha ya ta mghama dmaku. Tsaf tsa həŋ ŋa ghəŋa taŋ ta lazglaftaha ka dasu.

La Levi 17:7

Haɗ həŋ dzaʼa pləgəltá ghəŋ ŋa skwa wuyay, tsa tsaf həŋ manda ɗaslakwa tsatá dugzumha ta mag həŋ ta sliʼiŋsliʼiŋ nda tsi ya wa. Tsaya tva skwi ŋa magay taŋ ŋa ɗekɗek ha ma zivir ma zivira taŋ.

Vrafta ta zlahu 32:17

Ka plə həŋ ta ghəŋ ŋa ghwaɗaka sulkumha, ka zluŋtá Lazglafta, ŋa lazglaftaha si kul snaŋta həŋ, ta sagha matsna ka lfiɗ, si kul zləŋaŋtá dzidzíha taŋ.

1Tim 4:1

Tsaliŋ tsala Sulkum nda ghuɓa kazlay: Ma kɗavakta fitik ná, dzaʼa zlanava zla sanlaha ta zlghay nda ŋuɗufa taŋ, ka laghu da sna ŋa sulkumha ta nana mndu, nda tagha skwi ya ta klagapta ghwaɗaka sulkumha kəʼa.

Suna Yuhwana 16:14

Tsa ghwaɗaka sulkumha ya ná, sulkumha halaway ya ta maga skwa ndərmimay. Ka laghu həŋ slanaghatá mghamha ta ghəŋa haɗik demdem, ŋa hagaktá həŋ ŋa vulu baɗu tsa mghama fitik ta nzakway ka ŋa Lazglafta ta mbruta ya.