2Mgh 5:15 - Hdi

¹⁵ Ka vradaghatá Naghamaŋ da mnda Lazglafta nda inda gwal mista ni tani. Lagha ni, ka maraŋtá tsi ta vgha ni ta kəma ni, kaʼa mantsa: « Ndanana, nda sna yu kazlay haɗ Lazglafta ta inda ghəŋa haɗik wu, ba ma Israʼila kəʼa. Ndanana, kdəkkdək tsuʼaf tsuʼa ta mbəhu si da kwalva gha, » kaʼa.

2Mgh 5:15 Mawu Ofanana

Zlrafta 33:11

Kdəkkdək zlgha ta na skwi klaghak yu na, kabga zɗəɗiŋ zɗa Lazglafta ta huɗi, mamu inda skwi da iʼi, » kaʼa. Ka mblanaftá tsi, ka tsuʼaftá Ghesav.

1Mgh 13:7

Ka mgham nda mnda Lazglafta mantsa: « Sawi mista ɗa da həga ga mghama ɗa! Dzaʼa zay ka ta skwa zay, dzaʼa mbəhagha mbəha yu, » kaʼa.

1Mgh 18:36

Ta fitika vla mbəhu ga hawu, ka gavadaghatá anabi Iliya, kaʼa mantsa: « Ari Yawe, Lazglafta Abraham, nda Izak, nda Israʼila! Ka snaŋ sna lu gita kazlay na kagha Lazglafta ma Israʼila, kwalva gha iʼi guli kəʼa. Ta mag manda ya mnaf ka yu ta na skwiha na.

2Mgh 19:15

Ka mag Hizkiya ta duʼa ta kəma Yawe, kaʼa mantsa: « Ar Yawe, Lazglafta la Israʼila, kagha ta nzamta mataba kerubaha, kagha turtuktuk Lazglafta inda gá mghamha ta ghəŋa haɗik, kagha ta magaftá luwa nda haɗik.

2Mgh 19:19

Ndanana, Yawe, Lazglafta ŋni, katap kata ta aŋni ma dzva Saŋheriv, ŋa snaŋta inda gá mgham ta ghəŋa haɗik kazlay kagha turtuktuk Lazglafta kəʼa, a Yawe! » kaʼa.

2Mgh 5:8

Snaŋta Ilisa, mnda Lazglafta kazlay kuhiŋ kuhwa mghama la Israʼila ta lguta ni kəʼa, ka tsəghanaftá tsi ta lwi ta mgham, kaʼa mantsa: « Kabgawu kəl ka ka kuhiŋtá lguta gha na? Ghunagagha ghuna ta tsa mndu ya da iʼi, dzaʼa nda sna kazlay mamu anabi ma Israʼila kəʼa, » kaʼa.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 3:29

Ndana tama, wya ka iʼi ta mnata skwi ŋa magay, ŋa inda mndəra mnduha ta inda haɗikha ta gwaɗa kavghakavgha. “Dər wati ma mndu tsi dzaʼa vzaftá rutsak ta Lazglafta i Sadrak, nda Mesak, nda Ghaveɗnegu ya, dzaʼa ɗatsanap ɗatsa lu ta tsa mndu ya. Dzaʼa nuna həga tsa mndu ya ka maghdzək, kabga haɗ sana lazglafta dzaʼa laviŋta mbanaftá mndu manda va nana wu,” » kaʼa.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

La Ruma 10:10

Ma zlghafta nda ŋuɗuf ta nuta lu ka mndu tɗukwa ta wa ira Lazglafta. Ma mnigiŋta nda ma wubisim guli ta mutsafta lu ta mbaku.

2Kwa 9:5

Tsaya kəl yu ka ndanapta kazlay: ɗina ka ghunadapta ɗa ta tsa zwanamaha ya ta kəma ta kəma da kaghuni ma kɗaku yu lab kəʼa, ŋa kataghunata ka tsakanatá tsa ŋa ghuni katu ghada kuni ta taftá imi ta sləməŋ ya, ŋa slanaghata ɗa ta tskatani. Tsaya dzaʼa maraŋta kazlay: Nda ŋuɗuf turtuk vlata kuni, mblaf nda mbla a lu ta kaghuni wu kəʼa.

Yəhusuwa 9:24

Ka həŋ zlghanaftá Yəhusuwa mantsa: « Wya skwi kəl ŋni ka mnay mantsa ya: Snaŋnagha sna kazlay na, mnanaf mna Yawe, Lazglafta gha ta Musa kwalva ni kazlay na dzaʼa zlaghunaŋ zla ta inda na haɗikha na, ŋa zaɗanata ghuni ta mnduha mida kəʼa. Ka zləŋaftá ŋni ta kaghuni katakata, nda hafa ŋni, tsaya kəl ŋni ka magay mantsa.

Yəhusuwa 9:9

Ka həŋ nda tsi mantsa: « Aŋni kwalvaha gha ya ta sliʼafta ta haɗik diʼiŋ katakata, kabga snaŋnagha sna kula hga Yawe, Lazglafta gha, nda inda skwi maga tsi ma Masar.

1Sam 25:27

Tsuʼaf tsuʼa ta na mbəhu kləgaghagha kurɗa gha na rvera ɗa, ka daganafta lu ta na duhwalha mista gha na, a rvera ɗa.

1Sam 9:7

Ka Sawulu nda tsa kwalva ni ya mantsa: « Ka ta dzaʼa u, nahgani dzaʼa klədanaghata u ta mnda Lazglafta na? Ta haɗ skwa zay ma zliba u wu, haɗ sana skwi da uʼu guli ŋa mbəhata wu, nahgani da uʼu? » kaʼa.