2Mgh 4:38 - Hdi

³⁸ Ka vraghatá Ilisa da Gilgal. Tsaw mamu maya ta tsa haɗik ya. Ma sana fitik, ta nzaku duhwalha ni la anabi ta kəma ni, kaʼa nda kwalva ni mantsa: « Diŋaf diŋa ta siga dagala ta vu, ka danata ka ta skwa zay ta guyata ghəŋa anabiha! » kaʼa.

2Mgh 4:38 Mawu Ofanana

Zlrafta 25:29

Ma sana fitik, ka datá Yakubu ta skwa zay. Ka vraktá Ghesav ma mtak. Nda hərfa katakata.

2Sam 21:1

Ta fitika gay Dawuda ta mgham, ka slatá maya ka vaku hkən ta ghəŋ ta ghəŋ. Ka ɗawu Dawuda da Yawe. Ka Yawe nda tsi mantsa: « Nda nza dabga Sawulu, nda la ga taŋ gwal pghiŋtá us, kabga vəl pslata taŋ ta la Givghuŋ, » kaʼa.

1Mgh 17:1

Ka sana anabi ta hgə lu ka Iliya, sana mndu mataba la Tisbe ma kwakwara Gilghat nda Ahav mantsa: « Ta waɗa waɗa yu nda hga Yawe, Lazglafta la Israʼila nda hafu mida, ta maganata yu ta slna: Ma na vakuha ta kəma na ná, haɗta a wuninik wu, haɗta a imi wu, ba ta ɗawaŋta ɗa kasiʼi, » kaʼa.

2Mgh 2:1

Baɗ klaghata Yawe ta Iliya ta luwa ma mghama falak ná, ta mbaɗa i Iliya nda Ilisa ta tvi manda sliʼafta taŋ ma Gilgal.

2Mgh 2:3

Ka sliʼagaptá sana guyatá ghəŋa anabiha ma Betel da Ilisa, ka həŋ nda tsi mantsa: « Nda sna kagha kazlay gita dzaʼa klagadaghawuta Yawe ta rvera gha kəʼa ra? » ka həŋ. Kaʼa zlghanaftá wi ta həŋ mantsa: « Nda sna yu, nzawa nza tsəriɗ, » kaʼa.

2Mgh 4:1

Ma sana fitik, ka lagha wadga sana mndu si mataba guyatá ghəŋa anabiha da wahu da Ilisa, kaʼa mantsa: « Mtu mta zəʼala ini, si kwalva gha, nda sna ka kazlay na: Si ta zləŋay ta Yawe kəʼa. Tsaw wana sagha mndu si ta ɓlanaftá nzawa da hla zwana ɗa his, ŋa nzakwa taŋ ka vuʼa ni, » kaʼa.

2Mgh 4:39

Ka sliʼaftá sani turtuk mataba anabiha ka laghwi da ŋsa masuʼata ma vwah. Ka slanaghatá tsi ta ŋurzla mtak, ka ɗagatá tsi ta yakwa ni tip. Lagha ni dzagha, ka ɗatsadatá tsi da tsa siga ya, ama haɗ mndu nda sna ka nahgani tsi wa.

2Mgh 8:1

Ka Ilisa nda tsa marakw vranam tsi ta hafu da zwaŋa ni ya mantsa: « Sliʼaf sliʼa nda la ga ghuni ka dzaʼa ka da sana vli ya laviŋ ka ta dzaʼa. Dzaʼa klak kla Yawe ta maya, dzaʼa sla sla maya ta haɗika Israʼila ka vaku ndəfáŋ, » kaʼa.

La Levi 26:26

Ma htiŋta ɗa ta skwa zaya ghuni, dzaʼa day miʼaha ghwaŋ ta skwa zay ma litika turtuk, ŋa neʼaghunafta taŋ nda neʼa. Dzaʼa zay kuni mndani, ama baghaghunafta a wa.

Markus 6:37

Ama ka Yesu nda həŋ mantsa: « Vlaŋwa vla kaghuni ɓa ta skwa zay ta həŋ, » kaʼa. Ama ka həŋ nda tsi mantsa: « Ŋa sliʼa ŋni da dzawaktá buradi prək ka tseda vagha mnduha his dərmək ta maga slna, ka valaŋtá həŋ ŋa zay taŋ rki? » ka həŋ.

Lukwa 10:39

Mamu makuma ni ta hgə lu ka Mari guli, ka nzatá tsi ta vata Yesu, ka sna skwiha ta gwaɗ tsi,

Lukwa 2:46

Baɗu mahkəna fitik, ka slanaghatá həŋ ma həga Lazglafta ta nzaku mataba gwal tagha zlahu ŋa mnduha, ta sna skwi ta mnə həŋ, ta dzaʼa nda ɗawaŋta da həŋ guli.

Lukwa 4:25

Kahwathwata ka yu ta mnaghunata, ma fitika nzakwa anabi Iliya, si nda ndəgha wadguha ma Israʼila, ka ghwalutá luwa ka vaku hkən nda tili mkuʼ, ka slatá maya dagala ta haɗika Yahuda,

Lukwa 8:35

Ka sliʼaftá mnduha ka laghu da ngha tsa skwi ta maguta ya. Ka lagha həŋ slanaghatá Yesu, ka slaftá həŋ ta tsa mndu sliʼagap duhwala halaway mida ya ta nzaku kurevesa tavatá səla Yesu nda suɗatá lgut ta vgha, nda mbatani kwandlaŋ. Nghaŋta taŋ, ka ksutá tsi ta həŋ ka zləŋ.

Lukwa 8:38

« Wya dzvu, kla ta iʼi ta səla gha, » ka tsa mndu sliʼagap duhwala halaway mida ya nda Yesu.

Lukwa 9:13

Ka Yesu nda həŋ mantsa: « Vlaŋwa vla kaghuni ɓa ta skwi ŋa zay ta həŋ, » kaʼa. Ka duhwalha ni mantsa: « Buradi hutaf nda tsulhwa klipi his yeya da amu, ŋa dzaʼa ŋni da dzawagaghatá skwa zay ŋa zuŋtá inda na mnduha na rki? » ka həŋ nda tsi.

Yuhwana 21:5

« Mamu klipi ksaf kuni ri zwani? » ka Yesu nda həŋ. « Haɗ wu, » ka həŋ nda tsi.

Yuhwana 21:9

Ta sliʼagaptá həŋ ma kwambalu, kəʼa ka həŋ ná, mamu tsatá vu hada nda klipi tida nda buradi.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

Slna gwal ghunay 15:36

Tsəɓakw fitik tahula tsa, « vru u vra da inda vli mana u ta gwaɗa Mgham Lazglafta, ka dzaʼa u naghanaghatá zwana ma, ka kinawu nzakwa taŋ, » ka Pwal nda Barnabas.

Slna gwal ghunay 22:3

« Iʼi ná, la Yahuda yu, ya ma luwa Tarsis ta haɗika Silisi lu ta iʼi, ama ma na luwa na glafta yu. Gamaliyel ta dzaŋaɗiftá ta dzaŋa, ka taghaɗifta snaŋtá zlaha dzidzíha mu nda tva ni manda ya ta raku. Ŋava ŋa iʼi guli ka sna ŋa Lazglafta manda va na ta mag kaghuni demdem gita na.

1Sam 19:20

Ka ghunaftá Sawulu ta gwal ghunay ŋa ksaftá Dawuda. Ka nghaŋta həŋ ta tskatá la anabi ta kla lwa Lazglafta, Samuyel ta klanatá kəma ta həŋ. Ka saha Sulkuma Lazglafta suw ta tsa gwal ghunaf Sawulu ya, ka lam hahəŋ da kla lwa Lazglafta guli.