2Mgh 23:27 - Hdi

²⁷ Ka Yawe tama mantsa: « Dər la Yuda guli, dzaʼa diʼiŋiŋtá yu nda iʼi manda ya diʼiŋiŋ yu ta la Israʼila ya. Dzaʼa vziŋ vza yu ta luwa Ursalima si zbap yu, nda tsa həga si mna yu kazlay na: “Hada dzaʼa nzakwa hga ɗa,” kəʼa ya, » kaʼa.

2Mgh 23:27 Mawu Ofanana

1Mgh 8:29

Ka fafta ka ta ira gha nda rviɗik tani, nda fitik tani ta na həga na, ta na vli mnə kagha kazlay na: “Hada, dzaʼa nzata yu!” kəʼa ya. Sna ta duʼa kwalva gha ta magay nda təv na vli na!

1Mgh 9:3

Ka Yawe nda tsi mantsa: « Tsuʼaf tsuʼa yu ta ndəɓa dzva gha nda tawa gha mnaɗif ka ya. Ta fa fa yu ta na həga baf ka na ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

2Mgh 17:18

Mantsa tama, ka gufaftá ŋuɗufa Yawe katakata ta ghəŋa la Israʼila, ka hliŋtá tsi ta həŋ diʼiŋ nda tsi. Ta ghəŋa mndəra la Yuda yeya ta pɗata.

2Mgh 17:20

Ka pghiŋtá Yawe ta zivira la Israʼila demdem, ka vraganatá həŋ, ka vlatá tsi ta həŋ ma dzva gwal ta zləɗatá mndu, ha ka hliŋtá həŋ diʼiŋ nda tsi.

2Mgh 17:23

ha ka ghəzliŋtá Yawe ta la Israʼila diʼiŋ ta kəma ni manda ya mna tsi nda ma wa inda kwalvaha ni la anabi. Ka hlaftá lu ta la Israʼila ta haɗika taŋ, ka hlaghata ka vuʼa da Asur ha gita.

2Mgh 18:11

Ka hlaghatá mghama la Asur ta la Israʼila da Asur, ka pghatá tsi ta həŋ ma Halah nda ya ta wa zala Havur ma Guzaŋ, nda ya ma luwaha la Mediya.

2Mgh 21:13

Dzaʼa tɗap tɗa yu ta tɓaŋa gra skwi ta ghəŋa la Ursalima manda ya tɗap yu ta ghəŋa la Samari nda ya ta ghəŋa la ga Ahav ya. Dzaʼa niʼaf niʼa yu ta Ursalima manda ya ta niʼata lu ta hilba ka dzuɓanata tahula niʼata ya.

2Mgh 21:14

Dzaʼa zlanava zla yu ta pɗakwa mnduha ɗa, dzaʼa vla vla yu ta həŋ ma dzva ghumaha taŋ. Dzaʼa zləɗa zləɗa inda ghumaha taŋ ta həŋ ka zlaʼuwatá həŋ,

2Mgh 21:4

Dzidzihwafha ta gwirha ma həga Yawe, ma vli mna Yawe kazlay na: « Ma Ursalima zbapta yu ta vli ŋa nzakwa hga ɗa, » kəʼa ya.

2Mgh 21:7

Tsa skwa wuyay Asera magaf tsi ya ná, ka kladamtá tsi da həga Yawe. Tsaw ka Yawe si mnanatá i Dawuda nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek kəʼa ya.

2Mgh 23:28

Pɗakwa slnaha Yusiya, nda inda skwiha maga tsi ná, vivindam vivinda lu ma ɗelewera vinda slnaha mghamha la Yuda.

2Mgh 24:2

Ka ghwanadaghatá Yawe ta bakuha zləɗa la Kaldiya, nda ŋa la Aram, nda ŋa la Muwav, nda ŋa la Ghamuŋ dika Yəhuyakim ŋa zaɗanata haɗika la Yuda, taɓta gwaɗa ya mna Yawe nda ma wa kwalvaha ni la anabi.

2Mgh 24:3

Kahwathwata ná, Yawe ta mnaftá inda tsa skwiha ta maguta ya, ŋa diʼiŋiŋtá la Yuda nda tsi, dabga inda dmakuha ya ga Mənase,

2Mgh 25:11

Ka hlaghatá Nəvuzaradaŋ, mali ta ghəŋa gwal ta nghapta ka vuʼa ta pɗakwa mnduha ma luwa Ursalima, nda gwal ta vlatá ghəŋa taŋ ŋa mghama Babila, nda inda pɗakwa mnduha.

2Mgh 25:21

Ka pslatá mghama Babila ta həŋ ma Rivla ta haɗika Hamat. Manda tsaya hlaghata lu ka vuʼa ta la Yuda diʼiŋ nda haɗika taŋ.