2Mgh 23:24 - Hdi

²⁴ Ta ghəŋa tsa, ka hlanatá Yusiya ta gwal ta gwaɗa nda sulkuma gwal ma haɗik, nda ɗəgha, nda lazglaftaha ma həga, nda skwa wuyay, nda inda skwiha ka manzakɗaway ta nghaŋta lu ta haɗika la Yuda nda ya ma Ursalima. Maga maga manda tsaya kada magata lu ta slna nda gwaɗa zlaha Musa, ya nda vinda ma tsa ɗelewera slanagha Hilkiya, mnda dra skwi ŋa Lazglafta ta slanaghata ma həga Yawe ya.

2Mgh 23:24 Mawu Ofanana

Zlrafta 31:19

Laghu la Lavaŋ da gatsiŋtá swidi ta tuwakha ni, ka lagha Rasel da ghalaghatá skwa wuyayha da ni.

2Mgh 21:11

« Maga maga Mənase, mghama la Yuda ta tsa manzakɗawayha ya. Ka magatá tsi ta ghwaɗaka skwi ka malaghutá ŋa la Amuru ta maguta ghalya ma kɗaku tsatsi ya. Ka pghamtá tsi ta la Yuda da ga dmaku nda ma tsa skwa wuyayha ni ya.

2Mgh 21:21

Ka klaftá tsi ta saɗa da ni ma inda skwi demdem. Ka mag tsi ta slna ŋa skwa wuyayha ya si ta mag da ni ta slna ŋa ni, ka tsəlɓu tsi ta tsəlɓu ta kəma taŋ.

2Mgh 21:3

Ka dzidzihuglaftá tsi ta vliha tskal tskala ya si dzadzaɓiŋ da ni Hizkiya ya. Dzidzihuglafha ta gwirha ŋa vla sgit ŋa Baghal, dzagwaha ta skwa wuyay Asera manda ya maga Ahav, mghama la Israʼila. Ka tsəlɓu tsi ta tsəlɓu ta kəma inda skwiha ta luwa, ka maga slna ŋa taŋ.

2Mgh 21:6

Ka draftá tsi ta zwaŋa ni ka skwa pla ghəŋ ta vu. Ka dzugu tsi ta zlazlra, nda vza mandaŋ, ka laghu tsi da gwal ta gwaɗa nda sulkuma gwal nda rwa, nda gwal ga ɗəgha. Ka dzaʼa tsi ta kəma ta kəma nda maga ghwaɗaka skwi ta kəma Yawe, ka gufanaftá ŋuɗuf.

2Mgh 23:23

Ta maghwaŋpəɗ tghasa vakwa Yusiya ta gá mgham skala lu ta tsa skala Pak ya, ŋa vla glaku ŋa Yawe ma Ursalima.

La Levi 19:31

Yaha kuni dá mbəɗaghutá vgha təv gwal ta gwaɗa nda gwal ma haɗik, ka təv ɗəghaha a tsi, yaha kuni dzaʼa mista taŋ, dá nighunistá həŋ ka gwal ta tsaɗ lu. Iʼi Yawe, Lazglafta ghuni.

La Levi 20:27

Mndu ta gwaɗa nda gwal ma haɗik, ka ta ga ɗəgha a tsi, dər zgun ka dər marakw a tsi, zlambata ghuni ta həŋ, ka pslatá həŋ. Dguv ta ghəŋa taŋ usa taŋ, » kaʼa.

La Ruma 3:20

Tsaya tama, haɗ mndu dzaʼa nzakway ka mndu tɗukwa ta kəma Lazglafta ta ghəŋa vəl magata ni ta skwi ta kum zlahu wa. Zlahu ná, nda nza ŋa snanamtá mnduha kazlay: Gaga kuni ta dmaku kəʼa.

Yakubu 1:25

Ama mndu ya ta faftá ira ni ta zlahuha Lazglafta, zlahuha ya ta vlamata flauʼwatá vgha, ka ndiʼafta vgha tɗukwa tida, kul haɗ ta zanaptá gwaɗa tahula snaŋta ni, ta ksay ta slna nda tsi ná, dzaʼa nzakway tsa mndu ya nda rfu ma inda skwiha ni ta mag tsi.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.

Gwal tsa guma 17:5

Ka baftá Mika ta həga ŋa tsəlɓu ŋa lazglaftaha, magafha ta ifut, nda skwa wuyayha. Ka fatá tsi ta sana zwaŋa ni ka mnda dra skwi ŋa lazglafta, ŋa maganatá slna.