2Mgh 19:19 - Hdi

¹⁹ Ndanana, Yawe, Lazglafta ŋni, katap kata ta aŋni ma dzva Saŋheriv, ŋa snaŋta inda gá mgham ta ghəŋa haɗik kazlay kagha turtuktuk Lazglafta kəʼa, a Yawe! » kaʼa.

2Mgh 19:19 Mawu Ofanana

1Mgh 20:28

Ka lagha mnda Lazglafta ta vata mghama la Israʼila, kaʼa nda tsi mantsa: « Wya skwi mna Yawe: “Ka la Aram mnata na: Yawe ná, lazglafta ghwáha ya, lazglafta daɓiha a wu, ka həŋ. Dzaʼa vla vla yu ta inda na ndəghata sludziha na ma dzva gha, dzaʼa nda sna kuni kazlay na: Iʼi Yawe, kəʼa,” » kaʼa.

1Mgh 8:42

Dzaʼa snaŋ sna həŋ kazlay na, dagala glakwa hga gha, nda mbrakwa gha, nda slna dzva gha kəʼa saghər mayəm da maga duʼa nda təv na həga na.

1Mgh 8:43

Snaga sna daga ta luwa, ma vla nzakwa gha, ka tsuʼanafta ka ta inda skwi ya dzaʼa ɗawaghata tsi! Mantsa ya, dzaʼa snaŋta inda mndəra mnduha ta ghəŋa haɗik ta hga gha, ŋa zləŋay taŋ ta kagha manda ya ta mag mnduha gha, la Israʼila, dzaʼa snaŋ sna həŋ kazlay na ŋa vlaŋtá glaku ta hga gha bafta yu ta na həga na kəʼa.

1Mgh 8:60

Mantsa ya dzaʼa kəl inda mndəra mnduha ta ghəŋa haɗik ka snaŋta kazlay na, Yawe, Lazglafta, haɗ sani wu, kəʼa.

2Mgh 19:15

Ka mag Hizkiya ta duʼa ta kəma Yawe, kaʼa mantsa: « Ar Yawe, Lazglafta la Israʼila, kagha ta nzamta mataba kerubaha, kagha turtuktuk Lazglafta inda gá mghamha ta ghəŋa haɗik, kagha ta magaftá luwa nda haɗik.

2Mgh 5:15

Ka vradaghatá Naghamaŋ da mnda Lazglafta nda inda gwal mista ni tani. Lagha ni, ka maraŋtá tsi ta vgha ni ta kəma ni, kaʼa mantsa: « Ndanana, nda sna yu kazlay haɗ Lazglafta ta inda ghəŋa haɗik wu, ba ma Israʼila kəʼa. Ndanana, kdəkkdək tsuʼaf tsuʼa ta mbəhu si da kwalva gha, » kaʼa.

1Rus 16:8

Zləzləvawa Yawe, hgawa hga ta hga ni, mnaŋwa mna mataba sanlaha ma mndəra mnduha ta slnaha ni!

2Rus 32:1

Tahula tsa ŋərma skwiha maga Hizkiya ya, ka lagha Saŋheriv mghama la Asur liŋtá la Yuda nda vulu. Ka fatá tsi ta ghuɓa ni, ka wawanaftá luwaha ma matsaka huzlu. Dzaʼa zaza yu ta həŋ nda vulu ŋa mblaftá həŋ ŋa nzakwa taŋ ka ŋa ɗa kəʼa ndanata.

Sabi 7:17

Ka Yawe na: “Dzaʼa nda sna ka kazlay iʼi Yawe kəʼa.” Wana yu dzaʼa dzuŋta nda na dafa ma dzva ɗa na ta imi ma ghwa na, ŋa navafta ni ka us.

Yəhusuwa 4:24

Maga maga mantsa ya, kada grafta inda mnduha ta haɗik ta glakwa mbrakwa Yawe. Nda ya kada gɗata kuni ta zləŋa Yawe, Lazglafta ghuni, » kaʼa.

Yəhusuwa 7:9

Dzaʼa snanagha sna na skwi na ta inda la Kanʼana nda inda mndu ta na haɗik na. Dzaʼa guyaŋnagha guya həŋ ta ghəŋ ka zaɗaŋnata. Kinawu ká ka dzaʼa maraŋtá glakwa gha tama? » ka Yəhusuwa.