2Mgh 18:37 - Hdi

³⁷ Ka vraghatá i Iliyakim, zwaŋa Hilkiya, mali ta ghəŋa həga gá mgham, nda Sevna mnda vindi, nda Yuʼah, zwaŋa Asaf mnda tskanatá ɗelewera gwaɗa ga mgham slanaghatá Hizkiya nda kwahatá lgut ta vgha, ka rusanaftá həŋ ta tsa gwaɗaha slufa mghama la Asur ya.

2Mgh 18:37 Mawu Ofanana

Zlrafta 37:29

Ka vradaghatá Rubeŋ ta wa tsa gudzuvruŋ ya, haɗ Yusufu mida wa. Ka kuhiŋta tsi ta lgut ta vgha ni.

Zlrafta 37:34

Ka kwahiŋtá Yakubu ta lgut ta vgha ni, ka hbivtá buhu misti, kidaghi fitika ni ta tawa zwaŋa ni.

2Sam 8:16

Yuʼav, zwaŋa Tseruya mali ta ghəŋa gwal vulu. Yəhusafat, zwaŋa Ahilut ka mnda tskanatá ɗelewera gwaɗa ga mgham.

2Mgh 18:18

Ka hgə həŋ ta mgham, ka sab Iliyakim, zwaŋa Hilkiya, mali ta ghəŋa həga gá mgham, ka labi da həŋ kawadaga nda Sevna, mnda vindi, nda Yuʼah, zwaŋa Asaf mnda tskanatá ɗelewera gwaɗa ga mgham.

2Mgh 18:26

Ka i Iliyakim, zwaŋa Hilkiya, nda Sevna, nda Yuʼah zlghanaftá wi ta slufa mghama la Asur mantsa: « Wya dzvu, nda gwaɗa Aram mnanata ka ta kwalvaha gha, kabga nda sna ŋni ta tsa gwaɗa ya, ma gwaɗaŋna ka nda gwaɗa Hebru. Nana mnduha ta matsak na ná, nda sana həŋ demdem, » ka həŋ.

2Mgh 18:36

Ama ka nzatá mnduha tsətsriɗ, pəslaf a həŋ ta wi dər teʼ wu, kabga ka mgham mnanaftá həŋ na: « Yaha kuni da zlghanaftá wa ni, » kaʼa.

2Mgh 19:1

Snaŋta mgham Hizkiya ta tsa gwaɗaha ya, ka kuhiŋtá tsi ta lguta ni, ka favatá buhu, ka laghwi da həga Yawe.

2Mgh 22:11

Snaŋta mgham ta gwaɗa ma deftera zlaha Musa, ka kuhiŋtá tsi ta lgutha ni.

2Mgh 22:19

Tsəhala ta haga madər ka, ka hanaganatá ka ta ghəŋa gha ta kəma Yawe snaŋər ka ta skwi mna yu ta ghəŋa tsa vli ya, nda mnduha ta nzakw mida tani, kazlay dzaʼa nzakway tsa luwa ya ka kufik, vli nda ksiʼa kəʼa ya, nda ya ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

2Mgh 5:7

Tahula dzaŋafta mghama la Israʼila ta tsa ɗelewer ya, ka kuhiŋtá tsi ta lguta ni, kaʼa mantsa: « Lazglafta yu, ŋa laviŋta ɗa ta dzatá mndu ka mbanaftá mndu a tsi ra? Kəl tsi ka mnay ŋa ɗa kazlay ka mbanafta yu ta mndu nda ksa da ghwaɗaka lku kəʼa ra? Nghawa ká na mndu na ta zba ghazeŋzeŋ nda iʼi ɓa! » kaʼa.

2Mgh 6:30

Snanata mgham ta gwaɗa tsa marakw ya, ka kuhiŋtá tsi ta lguta ni. Ma tsa mbaɗa ni ta wa matsak ya, ka nghaŋtá mnduha ta buhu ta klə tsi ma huɗa lgut ta vgha ni.

2Rus 32:1

Tahula tsa ŋərma skwiha maga Hizkiya ya, ka lagha Saŋheriv mghama la Asur liŋtá la Yuda nda vulu. Ka fatá tsi ta ghuɓa ni, ka wawanaftá luwaha ma matsaka huzlu. Dzaʼa zaza yu ta həŋ nda vulu ŋa mblaftá həŋ ŋa nzakwa taŋ ka ŋa ɗa kəʼa ndanata.

Izra 9:3

Manda snaŋta ɗa ta tsa gwaɗa ya, ka kuhiŋtá yu ta dawra ɗa nda mayafa ɗa, ka kwitsə yu ta swidi ma ghəŋa ɗa, nda ghumay ɗa, ka nzatá yu tuʼuvuk katakata.

Mata 26:65

Lagha tsa mali ta ghəŋa gwal dra skwi ya ka kuhiŋtá lgut ta vgha ni. Kaʼa mantsa: « Ya wana kwara ta kwara kwara ta ghəŋa Lazglafta. Mndəra wati gwaɗa ya ta psəgəlta mu, ya wana nda sna sləməŋa ghuni ta kwara kwara ya kwara tsi na?