2Mgh 17:32 - Hdi

³² Ka tsəlɓu tsa mnduha ya guli ta tsəlɓu ŋa Yawe. Ka zabaptá həŋ mataba mnduha taŋ ta gwal dra skwi ŋa lazglafta ta vliha tskal tskala. Ka mag tsa gwal dra skwi ŋa lazglafta ya ta slna ma tsa həgaha ta vliha tska tskala ya.

2Mgh 17:32 Mawu Ofanana

1Mgh 12:31

Ka babaftá Yaruvgham guli ta həgaha ta vliha tskal tskala, ka pghatá tsi ka gwal dra skwi ŋa lazglafta, ta gwal ɗagaʼa tsi mataba hamata mnduha kul nzakway ka mndəra la Levi.

1Mgh 12:33

Baɗ maghwaŋpəɗ hutafa fitik ma matghasa tili, tili ya zbaf tsatsi ka ghəŋa ni, ka vlatá tsi ta skwiha ŋa pla ghəŋ ta gwir magaf tsi ma Betel. Ka fanatá tsi ta skala rfu ta la Israʼila, ka laf tsi ta gwir da draftá urdiha ŋa dray nda dra.

1Mgh 13:31

Tahula paɗamtá, ka tsa halata anabi ya nda zwana ni mantsa: « Mtuta ɗa ya, ka paɗamta kuni ta iʼi ma tsa kulu paɗam lu ta mnda Lazglafta ya. Ka pghanavata kuni ta ghudzifha ɗa ta vata ŋa ni.

1Mgh 13:33

Kulam nda tsa skwi ta maguta ya, mbəɗana a Yaruvgham ta hul ta ghwaɗaka tva ni wa. Ka kɗə tsi ta paghatá hamata mnduha ka gwal dra skwi ŋa lazglaftaha ta vliha tskal tskala. Dər wa ta kumaŋtá maga tsa slna ya, famta ni.

2Mgh 17:25

Tsaw ma fitika zlrafta taŋ ta nzata hada, tsəlɓa a həŋ ta tsəlɓu ŋa Yawe wa. Ka ghunadaghatá Yawe ta rveriha dika həŋ, ka pslatá ndəghata mnduha mataba taŋ.

2Mgh 17:29

Kulam nda va tsa, ka tsatsaftá inda tsa mndəra mnduha ya ta lazglaftaha taŋ dgum dguma ma luwaha ta nzakw həŋ, ka paghata ma həgaha ta vliha tskal tskala babaf la Samari.

2Mgh 17:33

Mantsa tama, ta tsəlɓay tsəlɓay həŋ ta tsəlɓu ŋa Yawe, ta dzaʼa nda maganatá slna həŋ ta lazglaftaha taŋ manda tva nzakwa mnduha ta dzidza taŋ ta tsa haɗik hlagap lu ta həŋ mida ya.

2Mgh 17:41

Mantsa tama, ka tsəlɓu mndəra tsa mnduha ya ta tsəlɓu ŋa Yawe ta dzaʼa həŋ nda tsəlɓu ŋa tsatsatá skwa wuyayha taŋ. Ka kɗaŋtá zwana taŋ nda zighiha taŋ ta magay ha gita manda va ŋa dzidzíha taŋ.

2Mgh 23:19

Ka hliŋtá Yusiya ta inda həgaha skwa wuyay ma vliha tskal tskala ma luwaha Samari, si babaf mghamha la Israʼila ta gufanaftá ŋuɗuf ta Yawe ya. Ka maganatá tsi ta həŋ ta inda skwi ya maga tsi ma Betel.

Izra 4:2

Ka lagha həŋ slanaghatá i Zərubavel nda la mali mataba mndəra mnduha, ka həŋ nda həŋ mantsa: « Ta kumay ŋni ta kataghunata nda ba na həga na. Aŋni guli ná, va na Lazglafta ta tsəlɓu kaghuni ŋa ni na ta tsəlɓu aŋni ŋa ni. Ta vlay aŋni ta skwa pla ghəŋ ŋa ni daga ka yawu hlagaŋnaghata Assarhadduŋ mghama Asur da na vli na, » ka həŋ.