2Mgh 17:21 - Hdi

²¹ Ma fitika zluʼanata Yawe ta kwakwar ta la Israʼila mista ga mghama la ga Dawuda ná, ka famtá la Israʼila ta Yaruvgham, zwaŋa Nəvat da mgham. Ka mbəɗiŋtá Yaruvgham ta la Israʼila diʼiŋ nda Yawe, ka hlamtá həŋ da mghama dmaku.

2Mgh 17:21 Mawu Ofanana

Zlrafta 20:9

Ka hgaktá Avimelek ta Abraham, kaʼa nda tsi mantsa: « Nu mndərga na magaŋna ka na? Dmakwa wu ya maga gha yu? Kəl ka ka klaŋnaktá dmaku ta ghəŋa iʼi nda ya ta ghəŋa luwa ga mghama ɗa na? Magiha maga ka ta skwi ya má dzaʼa kwal kul magavata, » kaʼa.

1Mgh 11:11

Ka Yawe nda Salumuŋ tama mantsa: « Ka si mantsa magata ka, sna a ka ta dzratá wa ɗa, nda zlahuha mnaghaf yu ya wu, dzaʼa zluʼaghu zluʼa yu ta ga mgham da kagha, dzaʼa vlaŋtá kwalva gha yu.

1Mgh 11:31

Kaʼa nda Yaruvgham mantsa: « Hlaʼa hla ta pehuha na sɗakw na ghwaŋ ŋa gha! Wya ka Yawe, Lazglafta la Israʼila mnata: Kura kura yu ta zluʼaghutá ga mgham ma dzva Salumuŋ, ka pghaghamta ma dzvu ta mndəra mnduha ghwaŋ.

1Mgh 13:34

Ka nzakw tsaya ka mghama dmaku ta zaɗanatá la ga Yaruvgham. Tsaya kəl lu ka hərɗiŋta, ka zaɗanata tuzluzl ta ghəŋa haɗik.

1Mgh 14:16

Dzaʼa zlanava zla Yawe ta la Israʼila dabga dmakuha maga Yaruvgham, nda ya dabga hlamta ni ta la Israʼila dida, » kaʼa.

1Mgh 14:8

Zluʼaghu zluʼa yu ta ga mgham da la Dawuda, ka vlaghata. Aŋ mnda ni, klaf a ka ta saɗa kwalva ɗa Dawuda, si ta ŋanatá zlahuha ɗa, ka mbaɗa mista ɗa nda hya hya ŋuɗufa ni wu, ta ghəŋa skwi tɗukwa yeya ta mag tsi ta wa ira ɗa.

2Mgh 17:22

Ka kɗaŋta la Israʼila ta maga inda dmakuha ya maga Yaruvgham, mbəɗana a həŋ ta hul wu,

2Mgh 3:3

Kulam nda tsa, ka ndiʼaftá tsi ta vgha ta dmakuha Yaruvgham, zwaŋa Nəvat ta hlamtá la Israʼila da ga dmaku ya. Mbəɗana a ta hul wa.

2Rus 11:11

Ka ŋaŋglaftá tsi ta matsakha huzlu, ka paghatá tsi ta maliha, ka nzulanatá tsi ta skwa zay, nda rɗa zaytuŋ, nda ima inabi.

2Rus 11:15

Ka pghatá Yaruvgham ta gwal dra skwi ŋa Lazglafta ŋa maganatá slna ta vliha tskal tskala, nda skwa wuyay ka duguzumha nda ya ka mamakwa slaha.

Sabi 32:21

Ka Musa nda Haruna mantsa: « Nya maga gha na mnduha na kəl ka ka klanaktá həŋ da mghama dmaku manda na na? » kaʼa.

Yuhwana 19:11

« Haɗ sana skwi laviŋ ka ta ghəŋa iʼi, ka ya vlagha Lazglafta a tsi wa. Tsaya kəl dmakwa tsa mndu ta vlatá iʼi ma dzva gha ya, ka malaghutá ŋa gha dmaku, » ka Yesu nda tsi.

1Sam 2:17

Fərtu fərta dmakwa tsa duhwalha ya ta kəma Yawe, kabga ta kfariŋ kfara həŋ ta skwa mbəhu ta vlata lu ŋa Yawe.

1Sam 2:24

Zlanawa zla zwana ɗa! Tsa skwiha ta mag kuni ta snə yu ta mnay mnduha Yawe ya ná, zɗa a snay wa.