2Kwa 9:7 - Hdi

⁷ Tsa katu ya ná, ka vla mndu manda ya ndanap tsi ma ŋuɗufa ni. Nda mtsiriuʼ a wu, tkweʼ a guli wa. Lazglafta ná, ta ɗvay ta mndu ta vlay nda rfu.

2Kwa 9:7 Mawu Ofanana

1Rus 29:17

Nda sna yu, Lazglafta ɗa kazlay na ta nghadam ngha kagha ta ŋuɗufa mndu, zɗəgagha zɗa mndu ta nzakw tɗukwa kəʼa. Guli ná, magaghaf maga yu ta na mbəhu nda ɗvay na, nda ŋuɗuf tɗukwa. Ta nghay yu ndanana nda rfu ta mnduha gha hadna ta vla mbəhu ŋa gha nda ɗvay taŋ.

1Rus 29:9

Ka rfu inda mnduha ta rfu nghanar həŋ ta skwiha vla lu nda ŋuɗuf turtuk ŋa Yawe, ka rfu mgham Dawuda guli ta rfu katakata.

Sabi 25:2

« Mnana mna ta la Israʼila ka tskaɗifta həŋ mbəhuha. Da inda gwal dzaʼa vlay nda ŋuɗuf turtuk dzaʼa tskaɗifta kuni.

Sabi 35:5

“Hlaʼawa hla ta skwa ghuni ka mbəhu ŋa Yawe. Inda mndu nda fa ŋuɗufa ni, hlanakta ni ta mbəhu ta Yawe manda: Dasu, nda kfura tsedi, nda ghuva tili,

Slna gwal ghunay 20:35

Inda tsa slnaha mag yu mantsa ya ná, ŋa maraghunata kazlay: Mantsa ya ta maga lu ta slna ŋa kataŋtá gwal ka pɗu kəʼa. Ŋa havaghunakta guli ta gwaɗa Mgham Yesu ta mnay kazlay: Mal mndu ta vlay ta rfu, ka mndu ta zlghay kəʼa ya, » kaʼa.

La Ruma 12:8

Ka vla mbraku ŋa mnduha vlaŋ Lazglafta ta mbrakwa ni ta sani ya, ka vla tsi ta tsa mbraku ya ŋa taŋ. Ka muvla vlaŋ Lazglafta ta mndu ya, ka vla tsi nda kwal kul tha madər mista ni. Ka nzaku ka mali ta ghəŋa sanlaha vlaŋ Lazglafta ta mndu ya, ka nza tsi kwats kwats ma slna ni. Ka tawa hiɗahiɗa ta mndu vlaŋ Lazglafta ta sani ya, ka maga tsi nda rfu.

2Kwa 8:12

Ka nda ŋuɗuf turtuk klafta ka ta skwi klaf mbrakwa gha ka vlata katsi ná, zɗəgana zɗa ta Lazglafta. Ɗawa a ta skwi kul haɗ da kagha wa.

Vrafta ta zlahu 15:14

Vlaŋta ghuni ŋəɗək ta mbəhuha mataba rina fisika ghuni, nda nimaya ta wa blikwa ghuni, nda skwi ma tsuʼaŋa ɗitsa yakwa inaba ghuni, taɓta tfatá wi ya tfaghunagha Yawe, Lazglafta ghuni.

Filimuŋ 1:14

Tsaw tama ná, laviŋ a yu ta magay gaghəŋ gaghəŋa ɗa kul snanatá yu da kagha wu, ba má da kagha katsi sabi da nzaku tsa zɗakwa gha ya ka mbla kagha.

Yakubu 5:9

Zwana ma ɗa, ma ŋaɗə kuni ta ghəŋ ta ghəŋa sani nda sani kada kwala lu tsaghunaghatá guma. Ya wya mnda tsa guma ta wa tgha.

1 Piyer 4:9

Ma ruruŋwaku kuni ta ruruŋwaku ta tsuʼa mayəm ta lagha da kaghuni.