2Kwa 7:10 - Hdi

¹⁰ Gurɗatá ŋuɗuf manda ya ta kum Lazglafta ná, ta mbəɗanaf mbəɗa ta ŋuɗuf ŋa mbafta, ŋa kwala lu kul haga madər. Gurɗatá ŋuɗuf manda ŋa gwal ma ghəŋa haɗik ná, mtaku ta klakta tsi.

2Kwa 7:10 Mawu Ofanana

Zlrafta 30:1

Nghadapta Rasel ta kwala ni kul yanatá zwaŋ ta Yakubu ná, ka drə tsi ta makuma ni. Kaʼa nda Yakubu mantsa: « Vliha vla ta zwani, ka mantsa a tsi wu, mtuha yu! » kaʼa.

2Sam 12:13

Ka Dawuda nda Nataŋ mantsa: « Gana ga yu ta dmaku ta Yawe! » kaʼa. Ka Nataŋ nda tsi mantsa: « Plagha pla Yawe ta dmakwa gha, mtuta a ka wa.

2Sam 13:4

Ka ɗawaŋtá tsi da tsi, kaʼa mantsa: « Kabgawu ta kəl kagha ka nzata sgwama inda sərɗək, ta kagha ta nzakway ka zwaŋa mgham katək na? Va a ka ta mnay ŋa ɗa ra? » kaʼa. Ka Amnuŋ mantsa: « Tamar, makuma ni ma zwaŋa da ɗa Avsalum, ta tɗaghatá ŋuɗufa ɗa, » kaʼa.

2Sam 17:23

Nghay Ahitufel ta kwal kul snatá hiɗaku vla tsi, ka payanatá tsi ta kəɗiha ni ka sliʼafta ka laghwi dzagha ni ma luwa ni. Ka mnanaftá tsi ta gwaɗa ma ghəŋa ni ta la ga taŋ. Tahula tsa ka hagatá tsi ta ghəŋa ni. Manda tsaya kəʼa mtuta, ka lamtá lu ma kula da ni.

1Mgh 21:4

Ka laghu Ahav dzagha ni nda gufatá ŋuɗuf, nda gatá sidi, dabga tsa gwaɗa mnana Navut mnda la Yizrəghel ya: « Haɗ yu dzaʼa vlaghatá skwa za həga ɗa daga ta dzidzíha ɗa wu! » kəʼa ya. Ka hanatá tsi ta ghəzləŋa ni, ka mbəɗaghatá kuma nda təv vata həga, ka kwalaghutá za skwa zay.

Yunusa 3:10

Ka nghanatá Lazglafta ta ŋavata taŋ ŋa zlanavatá ghwaɗaka tva nzakwa taŋ. Ka mbəɗanaftá Lazglafta ta ndana ni, ka zlanatá maga tsa zaɗanatá həŋ si kura tsi ta magay ya.

Yunusa 3:8

Ka pghavata mnduha ta buhu, ka pghanavata lu ta rini guli, ka waha həŋ ta wahu nda mbraku nda mbraku da Lazglafta. Ka zlaŋta inda taŋ ta ghwaɗaka nzaku ta nzaku həŋ, ka ksanata həŋ ta dzva taŋ ta maga ghwaɗaka skwi.

Yunusa 4:9

Ka Lazglafta nda Yunusa mantsa: « Ra gha ki ɓasay gha ta ŋuɗuf dabga na ghughula na na? » kaʼa. « Mantsa nzakwa ni, riha ra ɓasay ɗa ta ŋuɗuf ha prək ka mtuta ɗa! » ka Yunusa.

Mata 26:75

Ka gi havaktá Piyer ka gwaɗa ya si mnana Yesu kazlay: Ma kɗaku vazak wahata ná, dzaʼa mnay ka hkən səla kazlay: Sna a yu ta tsa mndu ya wu kəʼa ya. Ka gi sliʼafta tsi ka laghu dzibil ka hərɓa taw.

Lukwa 15:10

Ka yu ta mnaghunata ná, dzaʼa malaghu mala rfu da duhwalha Lazglafta ta ghəŋa mnda dmaku turtuk ta mbəɗanaftá nzakwa ni, » kaʼa.

Lukwa 18:13

Na tsa mnda tska dzumna ya kay ka nzagaghata kətsaʼu, walaŋ a ta kapaŋtá ghəŋ nda ta luwa wa. Mbaɗa kəʼa ka wuslikay dzvu, ka dza ghuva. Kaʼa mantsa: “Ari Lazglafta, tawa ta hiɗahiɗa ta iʼi ta nzakway ka mnda dmaku na,” kaʼa.

Slna gwal ghunay 11:18

Tahula snaŋta taŋ ta tsa gwaɗa ya, ka lɓatá həŋ demdem, ka zləzlvu həŋ ta Lazglafta « ta vlaŋtá tva mbəɗanaftá nzakwa taŋ ta gwal kul nzakway ka la Yahuda kada mutsafta həŋ ta vərɗa hafu tama, » ka həŋ.

Slna gwal ghunay 3:19

Mbəɗanafwa nzakwa ghuni, ka mbəɗavata kuni təv Lazglafta, ka plighunista tsi ta dmakwa ghuni.

2Kwa 12:21

Sana skwi ta zləŋ yu ma tsa lab dzaʼa lab yu da kaghuni ya guli ná, duŋwa yu da nzata ma hula ta kaghuni, ta kəma Lazglafta ɗa ná, ka yu. Zləŋa ɗa ná, da slanaghatá yu ta gwal ta maga dmaku manda va ya snu həŋ ta kwalaghutá paya tva taŋ ta ghəŋa hliri ta hlə həŋ, nda maga sliʼiŋsliʼiŋ ta mag həŋ, nda sanlaha ma mndərga tsa ghwaɗaka skwiha ya.

2Kwa 7:9

Ndanana ná, ta rfu yu ta ghəŋa tsa ɗelewer vindaghunaf yu ya. Ta ghəŋa vəl gurɗaghunaftá ŋuɗuf a ta rfa yu ta rfu wa. Ta rfu yu, kabga tsa gurɗatá ŋuɗufa ghuni ya ta klaghunaktá mbəɗanaftá ŋuɗufa ghuni ka paya tva ghuni. Har tsa gurɗatá ŋuɗufa ghuni ya ma ghəŋa Lazglafta. Tsaya tama, haɗ sana dmaku magaghuna ŋni ɗekɗek wa.

Hebru 12:17

Tahula tsa, manda ya snaŋ kuni, ka lagha tsi da zlgha tfa wa ni da da ni, ka kwalaghutá da ni. Trap tra ta ksanaktá ghəŋa da ni, kulam nda psay ni ta tsa tfa wi ya nda ima taw ta iri.

1Sam 30:6

Ka gurɗutá ŋuɗufa Dawuda katakata, kabga haɗ lu zlərtsata wu ri, ka tsa bakwa mnduha ya ta gwaɗay. Nda ŋəra ŋuɗufa inda mndu, dər wati ma mndu dabga zwana taŋ nda kwagha taŋ. Ama ka drəglaftá Dawuda ta ŋuɗuf nda zɗakatahuɗa Yawe, Lazglafta ni.