1 Yuhwana 4:9 - Hdi

⁹ Wya ká Lazglafta maramaŋtá tva ɗva mndani: Ghunaga ghuna ta zwaŋa ni turtuktuk ta ghəŋa haɗik kada nzakwa mu nda hafu ma tsatsi.

1 Yuhwana 4:9 Mawu Ofanana

Zlrafta 22:2

Ka Lazglafta mantsa: « Klaf kla ta zwaŋa gha, kɗakwa ni turtuktuk, tsa ɗvu ka, Izak ya, ka dzaʼa ka ta ghwá ya dzaʼa mnaghata yu ta haɗika Muriya, ka vlihata ka, ka skwa pla ghəŋ ŋa dray tsuh tsuh hada, » kaʼa.

Markus 12:6

Ga va tsa mndu ya, mamu pɗakwa zwaŋa ni turtuktuk ta ɗvu tsi ma hya ŋuɗufa ni, ka kɗiŋtá tsi ta ghunadapta da tsa mnduha ya kazlay: Dzaʼa hulay həŋ tahula ta na zwaŋa ɗa na kəʼa.

Lukwa 4:18

« Kawadaga Sulkuma Lazglafta nda iʼi ŋa vlihatá mbraku. Zbap zba Lazglafta ta iʼi ka tfiɗaghatawi ŋa mnanatá Lfiɗa Gwaɗa ta gwal ka pɗu, ghunaf ghuna ta iʼi ŋa mnanatá gwal habaf lu kazlay: Palaghunispala lu kəʼa, ŋa gwaniŋtá ira gwal nda ghulpa, ŋa zluʼagapta ɗa ta gwal raghwana lu,

Yuhwana 10:10

Mndu ta ghali ná, ghali ŋa ni ta sagha da ghalay, ŋa dzata, ŋa zaɗanata. Iʼi ná, sagha sa yu ŋa mutsafta mnduha ta hafu ka haslay, ŋa nzakwa taŋ kul haɗ sana skwi ta pɗugudunustá həŋ.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 3:16

« Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

Yuhwana 3:18

Mndu ta zlghaftá Zwaŋa Lazglafta, haɗ guma ta ghəŋa ni wa. Mndu kul zlghafta, nda ghada tsatá guma ta ghəŋa ni, kabga kwala ni kul zlghaftá Zwaŋa Lazglafta turtuktuk.

Yuhwana 5:23

kada vla inda mndu ta glaku ŋa zwaŋ, manda ya ta vlə həŋ ta glaku ŋa Da ya. Ka vla a mndu ta glaku ŋa zwaŋ wu katsi, haɗ tsa mndu ya ta vla glaku ŋa Da ta ghunagatá tsa zwaŋ ya wa.

Yuhwana 6:29

Ka Yesu nda həŋ mantsa: « Zlghafta ghuni ta mndu ya ghunaga tsi, na slna ya ta kzlə Lazglafta ta maganata ghuni, » kaʼa.

Yuhwana 6:51

Iʼi buradi ta vla hafu ta saha daga ta luwa. Kata zay mndu ta tsa buradi ya, dzaʼa nzaku tsa mndu ya nda hafu ŋa kɗekedzeŋ. Tsa buradi ta vlə yu ya ná, sluʼuvgha ɗa ya. Dzaʼa vlay yu, kada nzakwa mnduha ta ghəŋa haɗik nda hafu, » ka Yesu nda həŋ.

Yuhwana 6:57

Tsa Da ta ghunigihata ya ná, nda hafu mida. Nda tsatsi ta nzakwa iʼi nda hafu. Mantsa ya guli ka ta zay mndu ta iʼi, dzaʼa nza nza nda hafu.

Yuhwana 8:29

Tsa mndu ta ghunɗikta ya ná, kawadaga ŋni nda tsi. Turtukwa ɗa a zlihata tsi wu, kabga ta magana maga yu ta skwi ta zɗəganata inda fitik, » kaʼa.

Yuhwana 8:42

Ka Yesu nda həŋ mantsa: « Ka si Lazglafta vərɗa da ghuni katsi ná, má dzaʼa ɗvu ɗva kuni ta iʼi. Sliʼaf da Lazglafta iʼi ka sagha, gaghəŋ gaghəŋa ɗa a sagha yu wa. Tsatsi ta ghungiɗaghata.

Yuhwana 9:3

Ka Yesu mantsa: « Ta ghəŋa dmakwa ni a ghulpəta tsi wu, ta ghəŋa dmakwa dadaha ni a guli wa. Ghulpghulpa ŋa maravata slna Lazglafta nda ma tsatsi.

La Ruma 8:32

Lazglafta ná, pyaghu a ta zwaŋa ni wa. Vlaga vla ka mtuta tsi da manaka amu demdem. Wa kəʼa dzaʼa kwal kul vlamatá inda skwi kawadaga nda tsatsi tama?

Hebru 1:5

Haɗ duhwala Lazglafta ya ta kəɗ walaŋta Lazglafta ta mnanata kazlay: « Kagha ná, Zwaŋa ɗa ka, nda nza yu ka Da gha daga gita » kəʼa wa. Haɗ ya guli ta kəɗ walaŋta tsi ta mnanata kazlay: Dzaʼa nzakway yu ka Da gha, dzaʼa nzakway kagha ka Zwaŋa ɗa kəʼa guli wa.

1 Yuhwana 3:16

Wya tvi kəl amu ka snaŋtá skwi ta hgə lu ka ɗva mndu: Ɗvu ɗva *Yesu *Kristi ta amu, ka saha tsi vlatá ghəŋa ni ma vla amu. Amu guli ná, vlama vla amu ta ghəŋa mu guli ma vla zwana ma mu.

1 Yuhwana 4:10

Tiŋəl Lazglafta ta ɗvutá amu ka ghunagatá tsi ta Zwaŋa ni ka saha da mtuta ŋa pla ghəŋ ŋa plamata Lazglafta ta dmakwa mu. Tsaya na vərɗa ɗvutá mndu, da thə amu kazlay: Tiŋəl amu ta ɗvutá Lazglafta kəʼa.

1 Yuhwana 4:16

Amu ná, nda sna amu kazlay: Ɗvu ɗva Lazglafta ta amu. Ta tsaya fafta amu guli ta ghəŋa mu. Lazglafta ná, ɗvu ya. Tsaya tama, mndu ta gɗata ta ɗva mndu ná, nda nza nzakwa ni nda Lazglafta nda nza nzakwa Lazglafta guli nda tsatsi.

1 Yuhwana 5:11

Vlama vla Lazglafta ta hafu ŋa kɗekedzeŋ. Tsa hafu ya guli ná, nda ma zwaŋa ni Yesu ta mutsakwa tsi. Mantsa ya ka Lazglafta mnamata.

1 Yuhwana 5:13

Vindaghunaf vinda yu ta tsa skwiha ya, ŋa kaghuni gwal ta zlghaftá Zwaŋa Lazglafta, kada grafta kuni kazlay: Mutsaf mutsa kuni ta hafu ŋa kɗekedzeŋ kəʼa.