1 Yuhwana 4:4 - Hdi

⁴ Kaghuni zwana ɗa, zwana Lazglafta kaghuni, ghuɓasap ghuɓasa kaghuni ta tsa gwal nana mndu ya, kabga mal tsa Sulkum ma kaghuni ya mbrata ni ka tsa sulkum ma gwal ma ghəŋa haɗik ya.

1 Yuhwana 4:4 Mawu Ofanana

Yuhwana 12:31

Ndanana tama, nda maga fitika tsanaghatá guma ta na ghəŋa haɗik na. Ndanana dzaʼa wuɗidiŋta lu ta mghama na ghəŋa haɗik na.

Yuhwana 14:30

Haɗ gwaɗa ta dagala ta ŋa mnaghunata ɗa wu, kabga wya tsa ghwaɗaka mghama na ghəŋa haɗik na ya ta sagha. Tsaw laviŋ a ta ŋraptá iʼi wa.

Yuhwana 16:11

Ta nanay mnduha ta ghəŋa haɗik ta ghəŋa taŋ ta ghəŋa skwi ka guma, kabga nda ghada tsanaghatá guma ta ghwaɗaka mghama na ghəŋa haɗik na.

Yuhwana 17:23

iʼi ma hahəŋ, kagha ma iʼi ya. Manda tsaya dzaʼa kəl həŋ ka nzakway kahwathwata ka mndu turtuk, kada snaŋta mnduha ma ghəŋa haɗik kazlay: Kagha ta ghunigihata, ɗvu ɗva kagha ta həŋ manda ya ɗvu kagha ta iʼi guli ya kəʼa.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

La Ruma 8:37

Ma inda tsa skwiha ya ná, fərtapfərta amu ma zatá ghwa, nda ma mndu ya ta ɗvutá amu.

1Kwa 2:12

Amu ná, Sulkuma na ghəŋa haɗik na a mutsaf amu wu, Sulkum daga da Lazglafta ŋa amu ta mutsafta. Vlama vla Lazglafta ŋa snaŋta mu ta inda skwiha vlama tsi nda zɗakatahuɗa ni.

1Kwa 6:13

« Skwa zay ná, ŋa huɗi a ra? Huɗi guli ná, ŋa skwa zay a ra? » ka kuni ta mnay guli. Tsaw nda skwa zay tani, nda huɗi tani, dzaʼa ɓadziŋ ɓadza Lazglafta ta həŋ his his. Sluʼuvgha ná, magaf a Lazglafta ŋa maga sliʼiŋsliʼiŋ nda tsi wa. Nda nza sluʼuvgha ŋa Mgham *Yesu, ta nzata Mgham Yesu ka ŋa sluʼuvgha.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

2Kwa 6:16

Nu ta guyanaftá həga Lazglafta nda həga skwa wuyay na? Amu ná, həga Lazglafta nda hafu amu, manda ya mna tsi kazlay: Mataba taŋ dzaʼa nzamta yu ka wawaku kawadaga nda həŋ. Ka Lazglafta taŋ ta dzaʼa nzata yu, ka mnduha ɗa hahəŋ guli kəʼa.

Afisus 2:2

Si ta gɗata ta ksa saɗa mnduha ma na ghəŋa haɗik na kuni. Gwaɗa halaway ta ga mgham ta ghəŋa ghwaɗaka sulkumha, ta nzaku ma ghuvaŋata luwa si sna kuni. Kulam ndana tsa ghwaɗaka sulkum ya ta gɗata ta ksa slna ma ŋuɗufa mnduha ta kwalaghuta sna gwaɗa Lazglafta.

Afisus 3:17

Ta ɗaway yu da tsi guli ta gɗavata *Kristi ma ŋuɗufa ghuni ma zlghafta ya zlghaf kuni. Ta ndəɓay yu ta dzvu da tsi guli, ka ŋavata kuni ka ɗvuvustá vgha ghuni sani nda sani. Ka ta ɗvuvusɗva kuni ta vgha ghuni kahwathwata katsi ná, dzaʼa nzakway kuni manda dihatá fu laghu slrəŋha ni da ghuvata haɗik. Dzaʼa nzakway kuni guli manda dihata həga thaf lu ta mndəra ni ta vəl təŋ təŋa.

Afisus 6:10

Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.

1 Yuhwana 2:1

Zwana ɗa, skwi kəl yu ka vindaghunaftá na skwi na ná, vindaghunaf vinda yu ŋa mbəl ŋa waray ghuni ta maga dmaku. Ala ka si maga maga mndu ta dmaku katsi, mamu mndu tɗukwa ta nzaku ta vata Lazglafta ta kla lwa mu ŋa ni. Tsa mndu ya, Yesu *Kristi ya.

1 Yuhwana 2:13

Kaghuni dadaha, ka yu ta vindaghunafta na: « Nda sna kaghuni ta tsa mndu ta nzakway daga ta kul zlraftá inda skwi ya. » Kaghuni duhwalha, ka yu ta vindaghunaftá kaghuni guli na: « Ghuɓasap ghuɓasa kaghuni ta halaway. »

1 Yuhwana 3:20

Ka ta dga ghəŋ mu ta ghəŋa skwi maga mu katsi, nda sna amu kazlay: Mal Lazglafta nda sna ta inda skwi ta mag mu ka ŋuɗufa mu kəʼa.

1 Yuhwana 3:24

Mndu ta sna zlaha Lazglafta ná, ta gɗava gɗa kawadaga nda Lazglafta, ta gɗava gɗa Lazglafta guli kawadaga nda tsatsi. Nda sna amu guli kazlay: Ta gɗava gɗa Lazglafta ma amu nda ma Sulkum ya vlama tsi kəʼa.

1 Yuhwana 4:13

Lazglafta ná, vlama vla ta Sulkum. Tsaya kəl mu ka grafta kazlay: Ta gɗava gɗa amu kawadaga nda tsi, tsatsi guli ta gɗava gɗa kawadaga nda amu kəʼa.

1 Yuhwana 4:16

Amu ná, nda sna amu kazlay: Ɗvu ɗva Lazglafta ta amu. Ta tsaya fafta amu guli ta ghəŋa mu. Lazglafta ná, ɗvu ya. Tsaya tama, mndu ta gɗata ta ɗva mndu ná, nda nza nzakwa ni nda Lazglafta nda nza nzakwa Lazglafta guli nda tsatsi.

1 Yuhwana 4:6

Amu ná, zwana Lazglafta mu. Mndu nda sna ta Lazglafta ná, ta snay ta skwi ta mnə ŋni. Ka Zwaŋa Lazglafta a mndu wu katsi ná, fa a ta sləməŋ ka sna skwi ta mnə ŋni wa. Mantsa ya ta tsatsafta mu ta gwal nda vərɗa Sulkum ma həŋ nda gwal nda sulkuma nana mndu ma həŋ.

1 Yuhwana 5:19

Nda sna amu kazlay: Nda na amu ka zwana Lazglafta kəʼa. Sanlaha ma mnduha ta ghəŋa haɗik ná, ta ma dzva halaway həŋ demdem.

1 Yuhwana 5:4

Inda zwana Lazglafta ná, ghuɓasap ghuɓasa həŋ ta ghəŋa haɗik. Nda ghuɓasa ghəŋa haɗik, kabga nda fa ghəŋa mu ta Yesu Kristi.

Suna Yuhwana 12:11

Ŋrap ŋra həŋ, kabga vəl varata Zwaŋa Tuwak ta həŋ nda usa ni, nda ya kabga vəl mnay taŋ kazlay: Kahwathwata gwaɗa Lazglafta kəʼa. Zləŋaŋə a həŋ ta mtaku ka laghu da ɗvutá hafa taŋ wa.