1 Yuhwana 3:1 - Hdi

¹ Nghawa ka Da mu Lazglafta ɗvutá amu ɓa! Zwana ɗa kəʼa ta hga amu. Manda va tsaya nzakwa ni guli, zwana Lazglafta amu. Tsaw sna a mnduha ma ghəŋa haɗik ta amu wu, kabga sna a həŋ ta Lazglafta wa.

1 Yuhwana 3:1 Mawu Ofanana

2Sam 7:19

Tsaw ta nda hta na maga ka na ta wa ira gha rki ní, a mghama ɗa Yawe, ta wana ka ta mna gwaɗa ta la ga kwalva gha guli, ya kəʼa dzaʼa nzakway dazlay. Manda tsaya ta maga kagha nda mnda səla a mghama ɗa Yawe!

Lukwa 20:36

Haɗ həŋ dzaʼa mtəgəltá mtaku wu, kabga nda nza həŋ manda duhwalha Lazglafta. Nda nza həŋ ka zwana Lazglafta, kabga sliʼagap sliʼa həŋ ma mtaku, ka nzata nda hafu.

Yuhwana 1:12

Lagha gwal ta tsuʼafta, ka zlghaftá hga ni. Ŋa tsaha ya, ka vlaŋtá tsi ta həŋ ta mbrakwa nzaku ka zwana Lazglafta.

Yuhwana 11:52

Ŋa la Yahuda nda ghəŋa taŋ a wu, nda nza guli ŋa tskanatá inda zwana Lazglafta ta wiɗatá vgha.

Yuhwana 15:21

Ta gwaɗa ta iʼi dzaʼa maga həŋ ta tsaya ŋa ghuni, kabga sna a həŋ ta mndu ta ghunigihata wa.

Yuhwana 16:3

Mantsa ya dzaʼa maga həŋ, kabga sna a həŋ ta dər Da, dər iʼi wu, » kaʼa.

Yuhwana 17:25

Da ɗa! Tɗukwa nzakwa kagha, tsaw sna a mnduha ma ghəŋa haɗik ta kagha wa. Iʼi, nda sna yu ta kagha, nahana guli, tsatsaf tsatsa həŋ kazlay: Kagha ta ghunigihata kəʼa.

Yuhwana 3:16

« Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

La Ruma 5:8

Ka Lazglafta maramaŋtá ɗvuta ni ta amu na: Ta ma fitika nzakwa mu ta ma dmaku ta saha Yesu Kristi mtuta ta ghəŋa amu.

La Ruma 8:19

Inda skwi zlagəgiŋ Lazglafta ná, nda mndər ta kəzla həŋ ta tsa fitik dzaʼa maraŋta Lazglafta ta zwana ni ya.

La Ruma 8:21

kabga mamu fitik ya dzaʼa pliŋta tsi ta inda skwi ya zlagigiŋ tsi, ma ga vuʼa rwaku. Ŋa mutsay taŋ ta glaku manda ŋa zwana Lazglafta, ŋa nzakwa taŋ flaʼu vgha taŋ.

La Ruma 8:32

Lazglafta ná, pyaghu a ta zwaŋa ni wa. Vlaga vla ka mtuta tsi da manaka amu demdem. Wa kəʼa dzaʼa kwal kul vlamatá inda skwi kawadaga nda tsatsi tama?

2Kwa 6:18

Dzaʼa nzakway yu ka Da ghuni, ŋa nzakwa kaghuni ka zwana ɗa nda kwagha ɗa guli, ka Mgham Lazglafta nda mbra kəʼa ya.

Galat 3:26

Kaghuni demdem, nda nza kuni ka zwana Lazglafta ma zlghafta ghuni ta Yesu Kristi.

Galat 3:29

Kaghuni, ka si nda ndiʼa vgha ghuni nda Kristi, nda nza kuni ka zivira Abraham nda tsa, mutsaf mutsa kuni ta za həga ya tanaf Lazglafta ta imi ta sləməŋ.

Vrafta ta zlahu 14:1

« Nda nza kaghuni ka zwana Yawe, Lazglafta ghuni. Ka ta tawa mndu ta mtuta kuni, yaha kuni da kwaha vgha ghuni, yaha kuni da htsa swidi ta wa kuma ghuni.

Kwalus 3:3

kabga mtu mta kuni, nda nzula hafa ghuni kawadaga nda Kristi da Lazglafta.

1 Yuhwana 3:10

Dər wati ma mndu kul haɗ ta maga skwi tɗukwa, nza a tsa mndu ya ka Zwaŋa Lazglafta wa. Mantsa ya mndu kul ɗva zwaŋama ni guli. Ta tsaha ya ta tsatsafta lu ta nzakwa zwana Lazglafta nda nzakwa zwana halaway.

1 Yuhwana 3:2

Zwana ma ɗa, daga ndanana zwana Lazglafta amu. Nziya nza tsi, tsa nzaku ká mu dzaʼa nzakway ta kəma ya ná, ta ma ɗifa karaku. Tsaw nda sna amu kazlay: Baɗu vragata dzaʼa vragata Kristi ná, dzaʼa nzakway amu manda tsatsi kəʼa, kabga dzaʼa nda ngha mu ta nzakwa ni.

1 Yuhwana 4:17

Dzaʼa kəl amu ka grafta kazlay: Ta ɗvay amu ta Lazglafta dar kəʼa ná, wya tsi: Baɗu tsa fitik dzaʼa tsə Lazglafta ta guma ta ghəŋa mnduha ya ná, haɗ amu dzaʼa zləŋa tsa guma ya wu, kabga nda nza nzakwa mu ta ghəŋa haɗik ka guram nda Yesu.

Suna Yuhwana 21:7

Mndu ya ta zatá ghwa, dzaʼa vlaŋ vla lu ta tsa skwiha ya. Dzaʼa nzakway yu ka Lazglafta ni, dzaʼa nzakway tsatsi guli ka zwaŋa ɗa.