1 Yuhwana 2:9 - Hdi

⁹ Ka « ma tsuwaɗak yu » ka mndu ta gray, tata husaŋ husa zwaŋama ni ta nzakway ma zlghay nda ŋuɗuf katsi ná, ta ma grum tsa mndu ya manda va nzakwa ni ghalya.

1 Yuhwana 2:9 Mawu Ofanana

2Sam 13:22

Gwaɗgla a Avsalum ta gwaɗa nda Amnuŋ dər ma zɗaku dər ma ŋaslu wu, ama ta husaŋ husa ma ŋuɗufa ni, kabga badziŋta ni ta makuma ni Tamar.

La Levi 19:17

Ma nza kuni nda dgun nda zwaŋama ghuni. Ka maga maga mndu ta skwi kul raku, mnanaŋwa mna baz ta dmakwa ni. Ka mantsa a tsi wu, dguv ta ghəŋa ghuni dmaku ni.

Yuhwana 9:41

Ka Yesu nda həŋ mantsa: « Ka má ghulpghulpa kuni katsi ná, má haɗ dmaku ta kaghuni wa. Tsaw “nda ngha aŋni ta vli,” ka kuni ndanana ya, tsaya kəl dmakwa ghuni ka gɗavata, » kaʼa nda həŋ.

Slna gwal ghunay 1:15

Baɗu sana fitik, ma tsa fitik ta tskə həŋ ta vgha ya, ka tskavatá gwal zlghay nda ŋuɗuf ta magay həŋ ta dərmək nda hisambsak. Ka Piyer sliʼavata mataba taŋ mantsa:

2 Piyer 1:9

Mndu kul haɗ nda mndərga tsa nzaku ya ná, manda ghulpata mndu ta lulumaku ya nzakwa ni. Zanap za ta tsa mbanafta mbanaf Lazglafta ma dmakuha ni maga tsi ghalya ya.

1 Yuhwana 1:6

Ka nda guya ghəŋa mu nda Lazglafta ka mu katsi, ta ghəŋa tsa tata mbaɗa mu ma grum, tsakalawi tsa ta tsakalə mu, maga a mu ta skwi tɗukwa wa.

1 Yuhwana 2:11

Mndu husaŋ zwaŋama ni ná, ma grum nzatá nzakwa ni, ta tatɗamaku tsa mndu ya ma grum. Sna a ta vli ta mbaɗ tsi ta mbaɗa mida wu, kabga tɗikanaf tɗika grum ta ira ni.

1 Yuhwana 2:4

Ka ka mndu mantsa, « nda sna yu ta Lazglafta, » kaʼa, ta sna a ta skwi ta mnata Lazglafta kay guli wu, tsa mndu ya ná, ta tsakalawi. Haɗ kahwathwata ɗekɗek ma ŋuɗufa ni wa.

1 Yuhwana 3:10

Dər wati ma mndu kul haɗ ta maga skwi tɗukwa, nza a tsa mndu ya ka Zwaŋa Lazglafta wa. Mantsa ya mndu kul ɗva zwaŋama ni guli. Ta tsaha ya ta tsatsafta lu ta nzakwa zwana Lazglafta nda nzakwa zwana halaway.

1 Yuhwana 4:20

Ka « ɗvu ɗva yu ta Lazglafta » ka mndu, tata husaŋ husa zwaŋama ni katsi ná, tsakalawi tsa ta tsakal tsa mndu ya, ɗvu a ta Lazglafta wa. Ka ɗvu a mndu ta zwaŋama ni ya nghaŋ tsi nda ira ni wu katsi ná, waká a dzaʼa ɗvutá Lazglafta ya kul nghaŋtá tsi na?