1 Piyer 3:18 - Hdi

¹⁸ Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

1 Piyer 3:18 Mawu Ofanana

Danyel 9:26

Tahula tsa luma mkuʼ mbsak his mida ya, dzaʼa dza dza lu ta tsa mgham ta zlagapta pghanagha lu ta rɗi ya. Haɗ mndu dzaʼa mista ni wu. Tahula tsa, ŋa sagha sana mgham nda sludziha ni vlunduɗ zaɗanatá luwa nda vli ya nda ghuɓa. Dzaʼa gi sagha sa kɗavakta ni nda ndaghatá vli da imi. Ama ha kɗavakta ni dzaʼa vulay ta vulu, dzaʼa zaɗana zaɗa ta inda skwi manda ya kura lu.

Mbsak 7:15

nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh,

Mata 27:19

Ta nzaku Pilat ma vla tsa guma tama, ka ghunafta markwa taŋ ta mndu ŋa mnanata kazlay: Ma fam ka ta ghəŋa gha ma gwaɗa ta na mndu kul haɗ dmakwa ni na. Ya ghuy ghuya yu ta ɗaŋwa katakata ta ghəŋa na mndu na ma suna ɗa ta na rviɗik gita u na kəʼa.

Mata 27:24

Nghay Pilat ná, zlramta a mataba taŋ wu, ta sgaku nda sga sliʼavafta ŋuɗufa mnduha, ka taʼatá tsi ta imi, « wya dzva ɗa, wya dzva ɗa, » kəʼa mbaziŋtá dzva ni ta kəma mnduha. « Sab sa dzva ɗa ta ghəŋa gwaɗa ta na mndu na, dzik nda kaghuni tsa, » kaʼa.

Yuhwana 16:10

Ta nanay mnduha ta ghəŋa haɗik ta ghəŋa taŋ ta ghəŋa skwi tɗukwa, kabga nda sliʼa iʼi da Da, nghəglaŋta a kuni ta iʼi wa.

Slna gwal ghunay 22:14

Ka Hananiya nda iʼi guli mantsa: “Zbuzba Lazglafta dzidzíha mu ta kagha daga ghalya ŋa snaŋtá skwi ta kum tsi, ŋa nghaŋta gha ta tsa tɗukwa mndu ya, ŋa snaŋta gha ta gwaɗa vərɗa tsatsi nda wa ni.

Slna gwal ghunay 3:14

Kaghuni, vziŋ vza kuni ta mndu ya nda ghuɓa, mndu ya tɗukwa, ka laghu kuni ɗawaftá zlighunista mndu ya ta pslatá mnduha.

La Ruma 1:4

Ma sliʼagaptani ma mtaku, ka kligiŋtá Lazglafta ta ghəŋa nzakwa ni ka zwaŋa ni nda mbrakwa ni ta tsa Yesu Kristi Mghama mu ya. Ka mutsaftá tsi ta inda mbrakwa Sulkum nda ghuɓa.

La Ruma 4:25

Lazglafta ta vlatá tsa Yesu ya ma dzva mnduha ŋa dzata ta ghəŋa dmakwa mu. Ka sliʼaganaptá tsi guli ma mtaku ŋa nzakwa mu ka gwal tɗukwa ta wa ira ni.

La Ruma 5:2

Nda ma tsa Yesu Kristi ya mutsafta mu ta zɗakatahuɗa Lazglafta nda ma zlghafta mu nda ŋuɗuf. Ta tsa zɗakatahuɗi ya sladafta amu ka rfu, kabga nda fa ghəŋa mu ta gwata Lazglafta nda amu ma glakwa ni.

La Ruma 8:11

Ka si ta nzaku Sulkuma tsa mndu ta sliʼaganaptá Yesu ma mtaku ya ma kaghuni katsi, va tsa mndu ta sliʼaganaptá Kristi ma mtaku ya, dzaʼa vranamtá hafu ma tsa sluʼuvgha ghuni ta mtuta nda ma tsa Sulkuma ni ta nzaku ma kaghuni ya.

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

2Kwa 1:24

Kumay ŋni ta faghunaghatá zlambak ta ghəŋa zlghay nda ŋuɗufa ghuni a wu, ta maga slna mu ka skwa turtuk, ŋa zɗavafta ŋuɗufa ghuni, kabga nda diha kuni ma zlghay nda ŋuɗuf.

2Kwa 13:4

Aŋ mndani, ma fitika zləŋaftá Kristi ta udza zləŋay, htu hta mbrakwa ni, ama ka nzatá tsi nda hafu nda mbrakwa Lazglafta. Aŋni guli, nda hta mbrakwa aŋni ma guyata vgha ŋni nda tsatsi. Ama dzaʼa maraghunaŋ mara ŋni kazlay: Nda hafu ŋni kawadaga nda tsatsi ma mbrakwa Lazglafta kəʼa.

2Kwa 5:21

Walaŋ a Yesu Kristi ta gatá dmaku wu, ka nanaftá Lazglafta ka dmaku ta ghəŋa gwaɗata amu, ŋa nzakwa mu ma ndiʼatá vgha mu nda tsi, ka gwal tɗukwa ta wa ira ni.

Galat 1:4

Vərɗa Yesu ka ghəŋa ni ta vlatá ghəŋa ni ŋa mbamafta ma dmakwa mu. Ka hlagamaptá ma na ghwaɗaka nzaku ta na zamana ná, manda ya kumaŋ Da mu Lazglafta.

Galat 3:13

*Kristi ta varagamapta ma tsa ksiʼa zlahu ya, kabga niŋ na lu ka ksiʼatá mndu ŋa da manaka amu. Ka lu vindafta ma gwaɗa Lazglafta na: « Inda mndu zləŋaf lu ta udzu ná, nda ksiʼa, » kaʼa.

Afisus 3:12

Nda ma zlghafta mu ta Yesu Kristi ka ndiʼaftá vgha nda tsi, kəl mu ka ndusanavata Lazglafta kul haɗ zləŋ.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 10:10

Maga maga *Yesu Kristi ta skwi ta kum Lazglafta. Ka vlaŋtá tsi ta ghəŋa ni ŋa pla ghəŋ turtuktuk səla. Mantsa ya kəl mu ka nzakway nda ghuɓa ta wa ira Lazglafta.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Hebru 9:26

Ka má mantsa tsi ná, má mbəɗava a fitika ghuyay ni ta ɗaŋwa daga ka yawu zlagapta ghəŋa haɗik wa. Turtuktuk səla zlagapta tsatsi ma na kɗavakta fitik na. Ka vlaŋtá tsi ta ghəŋa ni ta Lazglafta ŋa hərɗiŋtá dmakwa mu ɗekɗek.

Hebru 9:28

Manda tsaya Kristi guli, turtuktuk səla mtuta tsi, ŋa vlaŋtá ghəŋa ni ta Lazglafta, ŋa hərɗiŋtá dmakwa ndəghata mnduha, ŋa vrəglagatani ka mahis. Tsa vrəglagata dzaʼa vrəglagata tsi ya, ŋa hərɗgəltá dmaku a wa, ama ŋa mbanaftá gwal ta fata vgha ka kəzlay.

Yakubu 5:6

Tsanagha tsa kuni ta guma ta gwal kul haɗ dmakwa taŋ, psla psla kuni ta tɗukwa mnduha kul pghaŋtá ghəŋ nda kaghuni.

1 Piyer 3:19

Nda mbra tsa Sulkum ya. Ka laha tsi da mna gwaɗa Lazglafta ŋa sulkumha tsam lu ma gamak.

1 Piyer 4:1

Nda sna mu kazlay: Ghuy ghuya *Kristi ta ɗaŋwa ma sluʼuvgha kəʼa. Kaghuni guli, nzawa nza nda fata vgha ŋa ghuyay manda ŋa ni. Mndu ta ghuytá ɗaŋwa ma sluʼuvgha ná, haɗ ta gəgəltá dmaku wa.

1 Piyer 4:6

Tsaya kəl lu ka mnanatá *Lfiɗa Gwaɗa ta dər gwal nda rwa, ŋa nzakwa taŋ nda hafu manda ya ta kum Lazglafta nda ma Sulkum dər má tsanagha tsa Lazglafta ta guma ta həŋ ma ghəŋa haɗik, manda va ŋa hamata mnda səla.

1 Yuhwana 1:9

Ala ka si mnigiŋ mna mu ta dmakwa mu nda wa mu katsi, dzaʼa plimispla Lazglafta ta dmakwa mu, ŋa ghuɓiŋta ni ta inda dmakwa mu, ŋa nzakwa mu tsuweɗek ta kəma ni, kabga tsatsi Lazglafta tɗukwa. Skwi mna tsi ta maga maga manda va tsaya.