1 Piyer 1:22 - Hdi

²² Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

1 Piyer 1:22 Mawu Ofanana

Yuhwana 15:17

Skwi ta mnaghunata yu ná, ka ɗvuta kuni ta vgha ghuni sani nda sani, » kaʼa.

Yuhwana 15:3

Ghada ghada tsa gwaɗa ta mnaghunata yu ya ta slaɗaftá kaghuni.

Yuhwana 17:17

Niŋ na ta həŋ ka ŋa gha, nda ma kahwathwata. Gwaɗa gha ná, kahwathwata nzakwa ni.

Yuhwana 17:19

Iʼi fagha fa yu ta ghəŋa ɗa ka ŋa taŋ, kada nzakwa hahəŋ guli ka ŋa gha kahwathwata.

Slna gwal ghunay 15:9

Haɗ sana skwi dgana Lazglafta ta amu nda hahəŋ manda ghuɓiŋta ni ta ŋuɗufa taŋ, ma zlghafta taŋ wa.

Slna gwal ghunay 6:7

Ka sgavaghatá tutá gwaɗa Lazglafta. Ka sgavaghatá gwal zlghay nda ŋuɗuf ma luwa Ursalima. Nda ndəgha gwal dra skwi ŋa Lazglafta katakata ta faftá ghəŋa taŋ ta *Yesu guli.

La Ruma 1:5

Nda ma Yesu Kristi zɗəɗiŋta Lazglafta ta huɗi, ka niɗifta ka mnda ghunay ŋa dzaʼa ɗa mna gwaɗa ni ŋa inda mndəra mnduha kavghakavgha, ŋa zlghafta taŋ ka snata taŋ. Mantsa dzaʼa kəl həŋ ka vlaŋtá glaku ta Yesu Kristi.

La Ruma 2:8

Ŋa gwal ta ga sidi nda Lazglafta, ka kwalaghutá sna kahwathwata ka laghu da maga ghwaɗaka skwiha ya ná, dzaʼa ghuzlanaŋghuzla Lazglafta ta iri ta həŋ.

La Ruma 8:13

Ka manda ya ta zɗəganatá sluʼuvgha ka kuni nzaku katsi ná, dzaʼa mtaku kuni. Ala, ka zlanaŋ zla kuni ta ghəŋa ghuni ta Sulkum ka dzata tsi ta skwiha ta zɗəganatá sluʼuvgha ghuni katsi, dzaʼa nzakway kuni nda hafu.

2Kwa 6:6

Ta maray ŋni ta nzakwa ŋni ka gwal kul haɗ sana skwi ŋa tsanavata, ka gwal nda sna ta skwa Lazglafta, ka gwal ksa ŋuɗuf, ka gwal maga zɗaku, ka gwal nda Sulkum nda ghuɓa ma həŋ, ka gwal ta ɗvutá mndu nda ŋuɗuf turtuk.

Galat 3:1

Aya la Galat ksu skwi! Nya sughunus lu na? Ya wya maraghuna mara yu tsiɗiɗ ta *Yesu *Kristi ta mtuta ta udza zləŋay.

Galat 5:5

Aŋni ná, nda fa ghəŋa aŋni kazlay: Namafna Lazglafta ka mndu tɗukwa ta wa ira ni, kabga vəl zlghafta mu ta Kristi nda ŋuɗuf kəʼa. Tsaya skwi ta kzlə amu nda ma mbrakwa Sulkum.

Galat 5:7

Ya si ta dzaʼa ta kəma ta kəma kuni ní, wa ta pyaftá kaghuni ka snatá ŋa kahwathwata na?

Afisus 4:3

Sulkum nda ghuɓa ta guyaghunata, ŋavawa ŋa ka nzakwa kuni ta nzaku nda zɗaku, kada nzakwa kuni ka gwal nda guya ghəŋa taŋ.

Filip 1:9

Wya skwi ta mag yu ta duʼa da Lazglafta ta ghəŋa ghuni: Ka dzaʼa kuni ta kəma ta kəma nda ɗvutá sani nda sani. Tsaya dzaʼa kəl kuni ka snaŋtá skwi ɗina, ŋa snaŋta ghuni ta dganatá ŋərma skwi nda skwi kul ɗinaku,

1Tes 3:12

Kaghuni ya guli, má ka sgaghunagha sga Mgham Yesu ta tsa ɗvu mataba ghuni ya, nda ya ta mag kuni ŋa inda sanlaha ma mnduha ya guli, ka nzakwa tsi manda va ya ta ɗvu aŋni ta kaghuni ya.

2Tes 1:3

Zwana ma ɗa, haɗ ŋni ta zlaŋta rfanaghatá Lazglafta ta ghəŋa kaghuni wa. Nda nza tsaya tɗukwa, kabga ta dzaʼa ta kəma ta kəma zlghay nda ŋuɗufa ghuni, nda ɗvu ta dzaʼa ta kəma ta kəma ta mag inda kaghuni ŋa sanlaha ya.

2Tes 2:13

Aŋni, nda ra ka rfay ŋni ta Lazglafta ta ghəŋa kaghuni zwana ma. Ɗvu ɗva Mgham *Yesu ta kaghuni kabga Lazglafta ta zbaptá kaghuni daga ta taŋtaŋ, ŋa mbaghunafta nda ma slna Sulkum, ka faghutá kaghuni nda ghuɓa, ma zlghafta ghuni nda ŋuɗufa ghuni ta tsa kahwathwata ya.

1Tim 1:3

Manda ya si ta mnə yu ŋa gha ma sliʼa ɗa da luwa Mekaduniya ya kay, ka nzata ka ma luwa Afisus, kabga mamu gwal ta tagha tsakalawi ŋa mnduha. Ka dvanaghata ka ta həŋ ŋa zlaŋta taŋ.

1Tim 1:5

Klatá ghəŋa tsa gwaɗa ta mnaghata yu ya ná, tsaya sliʼanaftá ɗvu ya ta sabi ma ŋuɗuf ya nda ghuɓa, nda vərɗa ndanu kul haɗ sana dga ghəŋ, nda vərɗa zlghay nda ŋuɗuf.

1Tim 4:12

Yaha mndu da hərtətatá nzakwa gha ta ka zwaŋ. Katək ná, nza nza ka ŋa gwal zlghay nda ŋuɗuf, ka mndu ŋa kla saɗa ni ma tva gwaɗa, ma tva nzaku, nda ya ma tva nzaku nda ghuɓa.

1Tim 5:2

Galata miʼaha ya guli ná, manda mamaha gha, ká ka ngha həŋ. Ngha ta daghala miʼaha manda kwaghama gha kul haɗ ndanaŋtá sana skwi nda həŋ.

2Tim 1:14

Ŋana ŋa ta ŋərma tagha skwi ya fagham lu ma dzvu, nda mbrakwa Sulkum nda ghuɓa, ya ta nzaku ma amu ya.

Hebru 11:8

Nda ma zlghay nda ŋuɗuf snata Abraham ta hgu hgaf Lazglafta, ka sliʼaftá tsi ka laghwi ta haɗik ya dzaʼa vlaŋta Lazglafta ŋa ni. Ta sliʼaftá tsi, sna a ta vli ta dzaʼa tsi wa.

Hebru 13:1

Gɗavawagɗa nda ɗvuvustá sani nda sani manda la zwana ma.

Hebru 5:9

Manda kɗiŋta Lazglafta ta dzanaghatá ghəŋa skwi ya kumaŋ tsi nda ma tsatsi, ka nzaku tsi ka mndu ya ta mba inda gwal ta snanatá gwaɗa ni, ŋa nzakwa taŋ nda hafu ŋa kɗekedzeŋ.

Hebru 6:10

Lazglafta ná, tɗukwa tsatsi, haɗ dzaʼa zanaptá slna ghuni ya maga kuni, ŋa kataŋtá zwana ma ghuni gwal zlghay nda ŋuɗuf, ya ta gɗata kuni ta kata həŋ ndanana guli ya wa.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Yakubu 1:21

Tsaya tama, pghiŋwapgha ta inda skwiha ya ta ŋəriŋtá mndu, nda inda ghwaɗaka skwiha. Tsuʼawatsuʼa nda hanata ghəŋ ta gwaɗa ya ŋəɓam Lazglafta ma kaghuni ta laviŋtá mbanafta hafa ghuni.

Yakubu 4:8

Gavanavawagava ta Lazglafta, dzaʼa gavaghunavagava tsatsi guli. Mbaziŋwa dzva ghuni, kaghuni gwal ta nzakway ka gwal dmaku. Ghuɓiŋwa ŋuɗufa ghuni, kaghuni gwal nda ghwaɗaka ndanu.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

1 Piyer 2:17

Vlawa vla ta glaku ŋa inda mndu, ɗvuwa ɗva ta zwana ma ghuni ma zlghay nda ŋuɗuf, zləŋawa zləŋa ta Lazglafta, vlawa vla ta glaku ŋa Mgham dagala.

1 Piyer 3:1

Kaghuni guli miʼaha, haniŋwahana ta ghəŋ mista zəʼalha ghuni. Ka ta magay kuni mantsa, dər má sna a sanlaha ta gwaɗa wu, ŋa nghay taŋ ta ŋərma nzakwa miʼa taŋ, ŋa mbəɗanafta taŋ ta nzakwa taŋ, dər má pslaf a kuni ta wi.

1 Piyer 3:20

Tsa sulkumha ya ná, hahəŋ gwal ta kwalaghutá snanatá gwaɗa Lazglafta ghalya. Aŋ mndani, nzɗavanzɗa Lazglafta ka ksanatá ŋuɗufa ni ma fitika tsay Nuhu ta kwambalu. Ka mbaʼatá mbsaka mnduha hutsekw ma tsa imi ya nda ma tsa kwambalu ya. Tghas yeya həŋ kweŋkweŋ.

1 Piyer 3:8

Ŋa kɗiŋta ná, guyawa guyatá ndana ghuni ka skwa turtuk, tawavuswa hiɗahiɗa, ɗvuvuswa vgha ghuni ka zwana ma nda kwaghama, magawa zɗaku nzawa nza nda hanatá ghəŋ.

1 Piyer 4:17

Sagha sa fitik ŋa zlraftá Lazglafta ta tsa guma. Tiŋəl ta ghəŋa həga ni dzaʼa zlrafta tsi ta tsay. Ala, ka si nda amu ka lu zlrafta katsi, kinawu dzaʼa kɗavakta tsi ta ghəŋa gwal kul snatá *Lfiɗa Gwaɗa Lazglafta na?

1 Piyer 4:8

Mali ma inda skwi ná, tsaya gɗavata ghuni nda ɗvuvustá vgha nda ŋuɗuf turtuk sani nda sani, kabga ta tiŋway ɗvu ta mndu ŋa plinistá ndəghata dmakwa mnduha.

2 Piyer 1:7

Ta ghəŋa nzaku ta zɗəganatá Lazglafta, ka sganaghata kuni ta nzaku hmətət manda la zwana ma. Ta ghəŋa nzaku hmətət manda la zwana ma, ɗvutá mndu.

1 Yuhwana 3:11

Daga zlrafta ghuni ta zlghaftá gwaɗa Lazglafta mnaghunata lu kazlay: Ɗvumaɗva ta sani nda sani kəʼa.

1 Yuhwana 3:23

Ká tsa zlaha Lazglafta ya ta mnay na: « Fafwa fa ta ghəŋa ghuni ta hga Yesu Kristi zwaŋa ni, ka ɗvuvusta kuni ta vgha ghuni sani nda sani, » ka zlaha ni ta mnamata.

1 Yuhwana 4:12

Haɗ mndu ta kəɗ nghaŋtá Lazglafta nda ira ni wa. Tsa ɗvutá vgha mu ta ɗvuta mu sani nda sani ya ná, nzakwa Lazglafta ta gɗavata kawadaga nda amu tsa. Ta ɗvu ɗva mu ta Lazglafta dar manda ya kumaŋ tsi kəʼa guli.

1 Yuhwana 4:20

Ka « ɗvu ɗva yu ta Lazglafta » ka mndu, tata husaŋ husa zwaŋama ni katsi ná, tsakalawi tsa ta tsakal tsa mndu ya, ɗvu a ta Lazglafta wa. Ka ɗvu a mndu ta zwaŋama ni ya nghaŋ tsi nda ira ni wu katsi ná, waká a dzaʼa ɗvutá Lazglafta ya kul nghaŋtá tsi na?

1 Yuhwana 4:7

Zwana ma ɗa gwal ɗvu yu, gɗamagɗa ta ɗvutá sani nda sani. Tva ɗvutá mndu ná, ta sagha daga da Lazglafta. Inda mndu ta ɗvutá mndu guli ná, nda na tsa mndu ya ka Zwaŋa Lazglafta, nda sna ta Lazglafta guli.

Suna Yuhwana 2:4

Ama, mamu sana skwi ta dvu yu ta kagha ta ghəŋa ni. Ɗvəgla a ka ta iʼi manda ya si ta ɗvə ka taŋtaŋ wa.