1Sam 25:28 - Hdi

²⁸ Kdəkkdək, plana pla ta krughuva kwarakwara kurɗa gha. Nziya nza tsi ná, haɗ Yawe dzaʼa kwalaghuta vlaŋtá həga ga mgham nda diha ta rvera ɗa wu, kabga ta vulay rvera ɗa ta vula Yawe. Má ma slanagha lu ta ghwaɗaka skwi da kagha ma inda nzakwa gha.

1Sam 25:28 Mawu Ofanana

2Sam 5:2

Ghalya, ma fitika nzakwa Sawulu ka mghama ŋni ná, kagha si ta kla kəma ŋa la Israʼila ma vulu, kagha ta vranaktá həŋ. Ka Yawe mnaghata na: “Kagha dzaʼa nghapta ka mnduha ɗa la Israʼila, kagha dzaʼa nzakway ka mala taŋ,” kaʼa » ka həŋ.

2Sam 7:11

ta fitika pghanaghata ɗa ta gwal tsa guma ta ghəŋa mnduha ɗa la Israʼila ya wa. Dzaʼa vlagha vla yu ta nzata ləŋləŋ nda ma kataghata dzaʼa katagha yu da inda ghumaha gha. “Ta mna gha mna iʼi Yawe kazlay na: Dzaʼa vlagha vla yu ta zivir ŋa ga mgham, kəʼa.

2Sam 7:16

Dzaʼa ŋana ŋa mndu turtuk ma zivira gha ta gá mghama gha ŋa ɗekɗek tahula gha. Dzaʼa dihava diha dughurukwa gá mghama gha ŋa ɗekɗek,” » kaʼa.

2Sam 7:27

Vərɗa kagha Yawe mghama gwal vulu, Lazglafta la Israʼila ta maravata da kwalva gha kazlay na: “Iʼi dzaʼa banaftá həga,” kəʼa. Tsaya kəl kwalva gha ka mutsaftá ufata vgha ŋa maga na duʼa na da kagha.

1Mgh 15:3

Ka kɗaŋtá tsi ta maga inda dmaku ya si ga da ni ma kɗaku tsatsi. Ndiʼaf a ta vgha ni kahwathwata ta Yawe, Lazglafta ni, manda ya si maga dzidza ni, Dawuda wa.

1Mgh 15:5

Maga maga Yawe manda tsaya kabga maga maga Dawuda ta skwi ya tɗukwa ta wa ira ni, mbəɗana a ta hul ta ya dər turtuk ma zlahuha ni ma nzakwa ni wu, ba skwi ya maga tsi nda Uriya mnda la Het yeya.

1Mgh 9:5

dzaʼa dihana diha yu ŋa ɗekɗek ta dughurukwa gá mghama gha ta ghəŋa la Israʼila manda ya mnana yu ta da gha Dawuda, ma mnata ɗa: “Haɗ ka dzaʼa pɗata ɗekɗek ta mndu ta dughurukwa gá mghama la Israʼila wu,” kəʼa ya, » kaʼa.

1Rus 17:10

ta fitika pghanaghata ɗa ta gwal tsa guma ta ghəŋa mnduha ɗa la Israʼila ya wa. Dzaʼa ŋursagana ŋursa yu ta inda ghumaha gha. Ka mnaghatá yu kazlay na, Yawe dzaʼa vlaghatá zivir ŋa ga mgham, kəʼa.

1Rus 17:25

Vərɗa kagha, Lazglafta ɗa, ta mnanatá kwalva gha kazlay na, dzaʼa banaf ba ka ta həga, kəʼa. Tsaya kəl yu ka mutsaftá ufata vgha, ka ndəɓa dzvu da kagha

2Rus 20:15

Ka Yahaziʼel mantsa: « Fawa fa ta sləməŋ, inda kaghuni la Yuda, nda la Ursalima, nda kagha mgham Yəhusafat! Wya ka Yawe nda kaghuni: “Ma zləŋ kuni ta zləŋ, ma ghudzə kuni ta ghudzaku ta kəma tsa ndəghata dəmga sludziha ya, kabga kaghuni a dzaʼa vulay wu, Lazglafta dzaʼa vulay.

Mbsak 23:21

Nghaŋta a lu ta zləmnda da la Yakubu wu, nghaŋta a lu ta ghuya ɗaŋwa da la Israʼila wa. Kawadaga Yawe, Lazglafta taŋ nda həŋ. Ga taŋ ta ghudzaga ndəɓa dzva ga mgham.

Mata 5:16

Manda tsaya dzaʼa tsuwaɗakakwa tsuwaɗaka ghuni ta kəma mnduha, kada nghaŋta həŋ ta ŋərma slna ta mag kuni, ŋa zləzlvay taŋ ta da ghuni ta luwa. »

Lukwa 23:41

Ŋa u ná, rakwa ni tsaʼuwaghatá guma, kabga nisəla slna u maga u ŋu u ta mutsafta. Tsatsi, haɗ skwi ga tsi wu, » kaʼa.

Lukwa 23:47

« Kahwathwata si ŋərma mndu na mndu na, » ka mghama sludza la Ruma nghər tsi ta tsa skwi ta magata ya, ka zləzlvu tsi ta Lazglafta.

1Sam 15:28

Ka Samuyel nda tsi mantsa: « Kuhiŋ kuha Yawe gita ta ga mghama gha ta ghəŋa la Israʼila, ka vlaŋtá sana mndu ta malaghutá ŋərmuta ka kagha.

1Sam 17:47

Dzaʼa nda sna inda na tskatá vgha na kazlay na, nda kafay, nda gupa yeya a ta kata Yawe ta mndu wu, kəʼa. Za ghwa ná, ŋa Yawe ya, dzaʼa vla vla ta kaghuni ma dzva ŋni, » kaʼa.

1Sam 18:17

Ka Sawulu nda Dawuda mantsa: « Wana Merav, zumala ɗa ka makwa. Tsatsi dzaʼa yu da vlaghata ka marakw. Skwi kweŋkweŋ ná, ŋavata kagha ka bikwira vulu ŋa gha ma slna ɗa, ka vula ka ta vuluha Yawe, » kaʼa. Ka Sawulu ma ghəŋa ni ya na: « Ma faf yu ta dzvu tida, la Filisti katsi! » kaʼa.

1Sam 2:35

Tahula tsa, dzaʼa klagap kla yu ta vərɗa mndu ŋa magihata slna dra skwi. Dzaʼa magay ta slna manda ya ta kum yu nda ya ta ndanu yu. Dzaʼa sladana slada yu ta mndəra taŋ, dzaʼa gəɗata ta maga slna ŋa ɗekɗek ta kəma mndu ya dzaʼa zbapta yu nda ma pghanaghatá rɗi.

1Sam 22:14

Ka Ahimelek zlghanaftá wi ta mgham mantsa: « Mataba inda kwalvaha gha ná, mamu vərɗa mndu manda Dawuda ra? Gwasa mgham ya, tsatsi mali ta ghəŋa gwal ta ngha kagha, ya malaghu lu ta vlaŋtá sgit ma həga ga ghuni.

1Sam 24:11

Nda ngha kagha nda ira gha gita kazlay si vla vla Yawe ta kagha ma dzva ɗa ma galigha. Ka ghun lu ta iʼi ŋa dzatá kagha, ama ka zlaghatá yu, ka yu mantsa: “Haɗ yu dzaʼa faftá dzvu ta rvera ɗa wu, kabga nda nza ka mndu ya zbaf Yawe nda ma pghanaghatá rɗi,” ka yu.

1Sam 24:17

Kɗiŋta Dawuda ta mna tsa gwaɗaha ya ŋa Sawulu, ka Sawulu mantsa: « Lwa vərɗa kagha tsaya rí, a zwaŋa ɗa Dawuda? » kaʼa. Ka wahu Sawulu ta wahu nda lwi dagala dagala.

1Sam 24:21

Ndanana ná, nda sna yu kazlay na dzaʼa gay ka ta mgham, dzaʼa sladam slada ga mghama la Israʼila ma dzva gha kəʼa.

1Sam 24:4

Ka lagha Sawulu ta kalakala tuwak ndusa nda wa tvi. Hada, mamu sana galigha. Ka lam Sawulu dida da kwana ni. Tsaw ɗifaghu ɗifa i Dawuda nda mnduha ni ma huɗa tsa galigha ya.

1Sam 25:24

Ka zləmbatá tsi ma ghuva ni, kaʼa mantsa: « Krughuva ɗa ya, rvera ɗa! Vlaŋ vla ta tvi ta kurɗa gha ka gwaɗgaghata tsi! Kdəkkdək, snana sna ta gwaɗa ni.

1Sam 29:3

Ka maliha la Filisti mantsa: « Nahgani ta mag la Hebru hadna na? » ka həŋ. Ka Ahis nda həŋ mantsa: « Dawuda, kwalva Sawulu, mghama la Israʼila a wu ra! Nda kɗa fitika ni kawadaga nda iʼi, ta slanagha a yu nda skwi ŋa dvanaghata ka yawu sagha ni ha ka sagha ta gita wu, » kaʼa.

1Sam 30:26

Ɓhadaghata Dawuda da Tsiklag, ka hlaʼatá tsi ma skwa zləɗu ta skwi ka tsaghanaftá galata mnduha la Yahuda ka graha ni, nda mnanatá həŋ kazlay na: « Wana ŋa ghuni ma mbəhu, mayak ma skwi zləɗa lu ta ghumaha Yawe, » kaʼa.