1Sam 17:47 - Hdi

⁴⁷ Dzaʼa nda sna inda na tskatá vgha na kazlay na, nda kafay, nda gupa yeya a ta kata Yawe ta mndu wu, kəʼa. Za ghwa ná, ŋa Yawe ya, dzaʼa vla vla ta kaghuni ma dzva ŋni, » kaʼa.

1Sam 17:47 Mawu Ofanana

2Mgh 5:15

Ka vradaghatá Naghamaŋ da mnda Lazglafta nda inda gwal mista ni tani. Lagha ni, ka maraŋtá tsi ta vgha ni ta kəma ni, kaʼa mantsa: « Ndanana, nda sna yu kazlay haɗ Lazglafta ta inda ghəŋa haɗik wu, ba ma Israʼila kəʼa. Ndanana, kdəkkdək tsuʼaf tsuʼa ta mbəhu si da kwalva gha, » kaʼa.

2Rus 14:11

Ka dzuŋtá Yawe ta la Kus ta wa ira i Asa nda la Yuda, ka tatá la Kus ta vgha nda hwaya.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

La Ruma 8:37

Ma inda tsa skwiha ya ná, fərtapfərta amu ma zatá ghwa, nda ma mndu ya ta ɗvutá amu.

Yəhusuwa 10:8

Ka Yawe nda Yəhusuwa mantsa: « Yaha ka da zləŋaŋtá həŋ, kabga zlaghaŋ zla yu ta həŋ ma dzva gha. Haɗ ya dər turtuk dzaʼa ŋaŋta da kagha wu, » kaʼa.

1Sam 14:6

Ka Yunataŋ nda tsa duhwala ni ta klanatá huzla vula ni ya mantsa: « Sawi, lab u la dikw da vla bakwa na gwal kul tsaku fafaɗa taŋ na. Ka waya ká skwi dzaʼa laʼuf la Yawe ta hul, kabga haɗ skwi dzaʼa pyaftá Yawe ka mbanaftá mndu wu, dər má kiʼa mbsak, dər má dagala tsi, » kaʼa.

1Sam 18:17

Ka Sawulu nda Dawuda mantsa: « Wana Merav, zumala ɗa ka makwa. Tsatsi dzaʼa yu da vlaghata ka marakw. Skwi kweŋkweŋ ná, ŋavata kagha ka bikwira vulu ŋa gha ma slna ɗa, ka vula ka ta vuluha Yawe, » kaʼa. Ka Sawulu ma ghəŋa ni ya na: « Ma faf yu ta dzvu tida, la Filisti katsi! » kaʼa.