1Sam 10:24 - Hdi

²⁴ Ka Samuyel nda inda mnduha mantsa: « Nghawa ngha! Wana mndu ya zbap Yawe. Haɗ mndu ŋa gray nda tsatsi mataba inda mnduha wu, » kaʼa. Ka ndəɓ inda mnduha ta dzvu, nda hla wi kazlay na: « Ta mblam ka hafa mgham! » kaʼa.

1Sam 10:24 Mawu Ofanana

2Sam 16:16

Ɓhadaghata Husay mnda la Arki, gra Dawuda slanaghatá Avsalum, kaʼa nda tsi mantsa: « Ta mblam ka hafa gha mghama ɗa! Ta mblam ka hafa gha mghama ɗa! » kaʼa.

2Sam 21:6

vlaŋna vla ta mnduha ndəfáŋ mataba zwana ni, ka hahagata ŋni ta mbla taŋ ta udzu ta kəma Yawe ma Givgha, luwa Sawulu, tsa mndu si zbap Yawe ya, » ka həŋ. Ka mgham nda həŋ mantsa: « Dzaʼa vlaghuna vla yu ta həŋ, » kaʼa.

1Mgh 1:21

Ka haɗ tsi mantsa wu, laghwər rveri, mghama ɗa da dzidzíha ni ná, dzaʼa gay lu ta iri ŋa ɗa nda zwaŋa ɗa Salumuŋ manda gwal ta gatá dmaku, » kaʼa.

1Mgh 1:25

Kəl yu ka mnay mantsa ná, waʼa la la gita da Gheŋʼrugel, ka vlatá tsi ka skwa pla ghəŋ ta ndəghata lghəŋha, nda mamakwa slaha nda uwasla nda uwasla, nda rina fisik. Ka hagaftá tsi ta inda zwana mgham, nda maliha gwal vulu, nda Aviyatar mnda dra skwi ŋa Lazglafta. Ta zay zay həŋ ta skwa zay, nda sa skwa say ta kəma ni. Ka həŋ na: “Ta mblam ka hafa mgham Aduniya!” ka həŋ.

1Mgh 1:34

Hada, ka pghanaghata i Tsaduk, mnda dra skwi ŋa Lazglafta, nda anabi Nataŋ ta rɗi ŋa famta ka mghama la Israʼila, ka vyata kaghuni ta duli nda hla wi kazlay: “Ta mblam ka hafa mgham Salumuŋ!” kəʼa.

1Mgh 1:39

Ka klaftá Tsaduk, mnda dra skwi ŋa Lazglafta ta dula rɗi ma həga tumpul, ka pghanaghatá Salumuŋ, ka fata ka mgham. Ka vyatá lu ta duli, ka hlaftá inda mnduha ta wi: « Ta mblam ka hafa mgham Salumuŋ! » ka həŋ.

2Mgh 11:12

Ka klagaptá Yəhuyada ta zwaŋa mgham, ka wanamtá zlembetsi ma ghəŋ, ka vlaŋtá ɗelewera dzratá wi. Ka famtá həŋ ka mgham, ka pghanaghatá həŋ ta rɗi. Ka həŋ nda dza dzvu nda dza dzvu mantsa: « Ta mblam ka hafa mgham! » ka həŋ.

2Rus 23:11

Ka klagaptá tsi ta zwaŋa mgham, ka wanamtá zlembetsi ma ghəŋ, ka vlaŋtá ɗelewera dzratá wi, ka famtá həŋ ka mgham. Ka pghanaghatá i Yəhuyada nda zwana ni ta rɗi, ka həŋ mantsa: « Ta mblam ka hafa mgham! » ka həŋ.

Mata 21:9

Ka hlə gwal ta kəma Yesu nda gwal nda hula ni tani ta wi, ka həŋ mantsa: « Ŋa Zwaŋa Dawuda glaku, ka tfanagha tfa Lazglafta ta wi ta mndu ta sagha ma hga Mgham Lazglafta! Ŋa Lazglafta ta luwa glaku! » ka həŋ.

Vrafta ta zlahu 17:15

Ala, ka fafta kuni ta pala ta mndu ya dzaʼa Yawe, Lazglafta ghuni da zbapta. Mataba la ghuni dzaʼa zbapta kuni ta mgham ka fata ka mghama ghuni. Yaha kuni klaftá mayəm, ya kul nzakway ka la ghuni ŋa fata ka mghama ghuni.

1Sam 11:15

Ka sliʼaghatá inda mndu da Gilgal, ka famtá Sawulu ka mgham ta kəma Yawe, ma Gilgal. Ka vlatá həŋ ta pla ghəŋa zɗaku ta kəma Yawe. Ka rfu Sawulu kawadaga nda inda la Israʼila ta rfu katakata.

1Sam 12:1

Ka Samuyel nda inda la Israʼila mantsa: « Snaghuna sna yu ta inda skwi mniha kuni, ka faghunamtá yu ta mgham.

1Sam 12:13

Ndanana tama, wana mgham zbap kuni, ya ɗawaŋ kuni, ka vlaghunatá Yawe.

1Sam 9:2

Mamu zwaŋa Kis ta hgə lu ka Sawulu, ɗina tsa duhwal ya. Haɗ mndu dər turtuk ma Israʼila taɓta tsatsi ɗinakwa ni wa. Slru slra tsatsi ta ghəŋa inda mndu.