1Rus 29:18 - Hdi

¹⁸ Yawe, Lazglafta dzidzíha ŋni i Abraham, nda Izak, nda Israʼila, hanam ha ta mndərgana ndanu na ŋa ɗekɗek ma ghəŋ ta mnduha gha. Ka dihanata ka ta ŋuɗufa taŋ ŋa gha.

1Rus 29:18 Mawu Ofanana

Zlrafta 6:5

Ka nghə Yawe ná, dagala ghwaɗaka skwi ta mag mnduha ta haɗik. Ma inda ndana taŋ ná, ta ghəŋa ndana maga ghwaɗaka skwi inda fitik yeya ma ŋuɗufa taŋ.

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

1Rus 29:17

Nda sna yu, Lazglafta ɗa kazlay na ta nghadam ngha kagha ta ŋuɗufa mndu, zɗəgagha zɗa mndu ta nzakw tɗukwa kəʼa. Guli ná, magaghaf maga yu ta na mbəhu nda ɗvay na, nda ŋuɗuf tɗukwa. Ta nghay yu ndanana nda rfu ta mnduha gha hadna ta vla mbəhu ŋa gha nda ɗvay taŋ.

1Rus 29:19

Vlaŋ vla ta zwaŋa ɗa Salumuŋ, ta fatá ŋuɗuf tasl ŋa ŋanatá zlahuha gha, nda tva skwiha ŋa magay, nda tva dva mnda gha, ka maga tsi ta slna nda həŋ demdem, ka bafta tsi ta na həga gha dagala papayaf yu ta skwiha ŋa bay na, » kaʼa.

2Rus 30:6

Ka sliʼaghutá gwal ghunay ta inda kwakwara la Israʼila nda la Yuda, nda ɗelewerha thaf i mgham nda maliha ta dzva taŋ tida. Manda zlahu ya mna mgham, ka həŋ mantsa: « La Israʼila, vragaghawa vra da Yawe, Lazglafta Abraham, nda Izak, nda Israʼila, kada vrakta tsi da kaghuni ta pɗaku, kaghuni gwal ta ndapta ma dzva mghama la Asur ya.

Sabi 3:15

« Ka ka dzaʼazlay nda la Israʼila guli na: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu ta ghungiɗaghata da kaghuni.” Tsaya hga ɗa ŋa kɗekedzeŋ. Nda tsa hgu ya dzaʼa hava inda zivira mnduha ta Iʼi.

Sabi 3:6

Iʼi Lazglafta da gha, Lazglafta Abraham, Lazglafta Izak, Lazglafta Yakubu, » kaʼa. Gi ka bukwamtá Musa ta kuma ni, kabga ta zləŋay ta nghaŋtá Lazglafta.

Sabi 4:5

« Ka maga ka mantsa ya, kada grafta həŋ kazlay zlagap zlaga, iʼi Yawe, Lazglafta dzidzíha taŋ, Lazglafta Abraham, Lazglafta Izak, Lazglafta Yakubu da kagha kəʼa, » kaʼa.

Mata 22:32

Iʼi Lazglafta Abraham, iʼi Lazglafta Izak, iʼi Lazglafta Yakubu kəʼa ya ra? Lazglafta ná, Lazglafta gwal nda rwa a wu, Lazglafta gwal nda hafu ya, » kaʼa.

Slna gwal ghunay 3:13

Tsaya a wa. Lazglafta i Abraham, nda Izak, nda Yakubu, nda dzidzíha mu ta maraŋta glakwa vuʼa ni *Yesu *Kristi, ya klaf kaghuni ka ghəŋa ghuni ka mblanaftá gwal dagala dagala yeya ma mnay Pilat kazlay: Zliŋwa na mndu na kəʼa ya.

Vrafta ta zlahu 30:6

Dzaʼa ɗatsaghuna ɗatsa Yawe, Lazglafta ghuni ta fafaɗa ŋuɗufa ghuni nda zivirha ghuni, ŋa ɗvuta ghuni ma hya hya ŋuɗufa ghuni, nda ya ma nzakwa ghuni, kada nzata kuni nda hafu.

Vrafta ta zlahu 5:29

Ka si má da nza nza tsa ŋuɗufa taŋ ya mantsa, ŋa zləŋay taŋ ta iʼi, ka ŋanata taŋ inda fitik ta inda zlahuha ɗa, kada nzata həŋ nda zwana taŋ ləŋləŋ ŋa ɗekɗek.

Filip 1:6

Graf gra yu kazlay: Zlraf zlra Lazglafta ta maga ŋərma slna ma ŋuɗufa ghuni kəʼa. Dzaʼa kɗaŋ kɗa ta magay ŋa kɗiŋta ni baɗu vragata *Yesu Kristi.

1Tes 3:11

Má ka ɓhadaŋnaghaɓha Lazglafta tsatsi ka ghəŋa ni ta nzakway ka Da mu, nda Mghama mu Yesu, da kaghuni.

Hebru 13:21

Ka vlaghuna vla Lazglafta ta mbrakwa maga inda skwi ɗina, ŋa magay ghuni ta skwi ya ta kum tsi. Ka maga tsi ma amu ta skwi ya ta zɗəganata nda ma Yesu *Kristi ta nzakway ŋa ni glaku ŋa kɗekedzeŋ ya. *Amin!