1Rus 29:17 - Hdi

¹⁷ Nda sna yu, Lazglafta ɗa kazlay na ta nghadam ngha kagha ta ŋuɗufa mndu, zɗəgagha zɗa mndu ta nzakw tɗukwa kəʼa. Guli ná, magaghaf maga yu ta na mbəhu nda ɗvay na, nda ŋuɗuf tɗukwa. Ta nghay yu ndanana nda rfu ta mnduha gha hadna ta vla mbəhu ŋa gha nda ɗvay taŋ.

1Rus 29:17 Mawu Ofanana

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

1Rus 29:16

Yawe, Lazglafta ŋni, ma dzva gha sagha inda na ŋəzatá skwiha payaf ŋni ŋa baftá həga ŋa gha, ŋa vlaŋtá sgit ta hga gha nda ghuɓa. Ŋa gha inda ni.

1Rus 29:18

Yawe, Lazglafta dzidzíha ŋni i Abraham, nda Izak, nda Israʼila, hanam ha ta mndərgana ndanu na ŋa ɗekɗek ma ghəŋ ta mnduha gha. Ka dihanata ka ta ŋuɗufa taŋ ŋa gha.

1Rus 29:9

Ka rfu inda mnduha ta rfu nghanar həŋ ta skwiha vla lu nda ŋuɗuf turtuk ŋa Yawe, ka rfu mgham Dawuda guli ta rfu katakata.

2Rus 6:30

snaga sna daga ta luwa nda gaftək, daga ma vla nzakwa gha, ka planata ka ta dmakuha taŋ. Maga, ka vlaŋta ka ta dər wati ma mndu taɓta mbaɗa ni, ya nda sna kagha ta ŋuɗufa inda mndu ya. Mantsa nzakwa ni, kagha turtukwa gha nda sna ta ŋuɗufa mnda səla,

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

Slna gwal ghunay 24:16

Tsaya ta kəl yu ka ŋavata ka nzaku manda ya ta raku ta kəma Lazglafta nda ya ta kəma mnduha.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

2Kwa 9:7

Tsa katu ya ná, ka vla mndu manda ya ndanap tsi ma ŋuɗufa ni. Nda mtsiriuʼ a wu, tkweʼ a guli wa. Lazglafta ná, ta ɗvay ta mndu ta vlay nda rfu.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.

1Tes 2:10

Nda sna kaghuni kazlay: Nda nza kaghuni ka masləmtsəka ŋni kəʼa. Mantsa ya nzakwa ni da Lazglafta guli. Ka ŋərma mnduha nzata ŋni da kaghuni, ka mnduha Lazglafta, ka gwal tɗukwa nzakwa ŋni, haɗ sana skwi ŋa tsaŋnavata wa.

Filimuŋ 1:20

Mantsa zwaŋama ɗa, ta ndəɓa dzvu yu da kagha ma hga Mghama mu, ka lɓihata ka ta ŋuɗufa ɗa ma guyatá vgha u ma Kristi.

Filimuŋ 1:7

Zwaŋama ɗa, mndərga tsa ɗvuta ɗvu ka ta gwal zlghay nda ŋuɗuf ya ná, vliha vla ta rfu, ta ufiha ta vgha guli, kabga ɗvu ɗva ka ta gwal zlghay nda ŋuɗuf, ka mbanaftá həŋ.

Hebru 4:12

Gwaɗa Lazglafta ná, nda hafu mida, mbru mbra katakata guli. Zuza ka malaghutá wa limay his his. Laviŋ lava ta zlagadamta da ŋuɗuf, nda vla nzugu tani dikw da ɗudzi. Nda sna ta dgaptá skwi ta ɗaslu mndu, nda skwi ta ndanu tsi tani.

Suna Yuhwana 2:23

Ta ghəŋa tsaya guli, dzaʼa rwana rwa yu ta zwana ni. Tsaya dzaʼa kəl Igliz ka snaŋta kazlay: Iʼi mnda tsatsafta skwi ma ndana mndu, nda skwi ma ŋuɗufa mndu tani kəʼa. Taɓ ta slna ya maga mndu dzaʼa planamta yu ta mndu guli.

1Sam 16:7

Ama ka Yawe nda Samuyel mantsa: « Ma nghə ka ta tsata ni, dər slrakwa ni, kabga wuɗiŋ wuɗa yu. Manda ŋa mndu a ta ngha Yawe ta vli wa. Skwi ya ta wa iri ŋa mnduha ta nghay, ama Yawe ná, ŋuɗuf ŋa ni ta nghay, » kaʼa.