1Rus 21:30 - Hdi

³⁰ Tsaw laviŋ a Dawuda ta dzaʼa ɗawa ndana Lazglafta hada wu, kabga ganaf ga tsa kafaya duhwala Yawe ya ta zləŋ.

1Rus 21:30 Mawu Ofanana

2Sam 6:9

Ka zləŋaftá Dawuda ta Yawe katakata baɗ tsaya, kaʼa mantsa: « Waká akwata Yawe dzaʼa lagha da ini ɓa? » kaʼa.

1Rus 13:12

Ka zləŋaftá Dawuda ta Lazglafta katakata baɗ tsaya, kaʼa mantsa: « Dzaʼa laviŋ lava yu ta kladaghatá akwata Lazglafta da ini ra? » kaʼa.

1Rus 21:16

Kəʼa ka Dawuda klaŋtá ghəŋ ná, ka nghaŋtá tsi ta duhwala Yawe ta sladu ma takataka haɗik nda luwa, nda tsəhatá kafay, tɗanagha tsi ta dzvu ta ghəŋa Ursalima. Ka pghavatá i Dawuda nda la galata mndu ta buhu ta vgha, ka zlambatá həŋ zluzlumbruh ta haɗik.

1Rus 21:29

Ma tsa fitik ya, həga tumpul ŋa Yawe si magaf Musa ma mtak, nda gwira pla ghəŋ ŋa dray tsuh tsuh ná, si ta vli tskala ma Givghuŋ nzakwa ni.

1Rus 22:1

Ka Dawuda mantsa: « Hadna dzaʼa nzakwa həga Yawe, Lazglafta, hadna dzaʼa nzakwa gwira pla ghəŋ ŋa dray tsuh tsuh ŋa la Israʼila! » kaʼa.

Vrafta ta zlahu 10:12

« Ndanana tama la Israʼila, nahgani ta kum Yawe, Lazglafta ghuni da kaghuni na? Ta ghəŋa zləŋay ghuni ta Yawe, Lazglafta ghuni, nda ma ksay ghuni ta inda tviha ni, ka ɗvuta ghuni, ka tsəlɓay ghuni ta tsəlɓu ŋa Yawe Lazglafta ghuni ma hya hya ŋuɗufa ghuni, nda inda nzakwa ghuni,

Suna Yuhwana 1:17

Manda nghaŋta ɗa, ka zləmbatá yu ta kəma ni manda mndu nda mta. Ka faftá tsi ta dzva zeghwa ni ta iʼi, kaʼa mantsa: « Ma zləŋ ka ta zləŋ! Iʼi taŋtaŋa ni, iʼi kɗavakta ni,

Suna Yuhwana 15:4

Mghama ɗa! Wati ma mndu ya dzaʼa kwal kul vla glaku ŋa gha ka zləzlva kagha na? Kagha turtukwa gha ya nda ghuɓa. Dzaʼa sliʼagagha sliʼa mnduha ta inda haɗikha da tsəlɓu ta kəma gha, kabga nda ngha həŋ ta inda skwi ta mag ka ná, tɗukwa nzakwa ni, » ka həŋ.