1Rus 21:26 - Hdi

²⁶ Ka dzihwaftá Dawuda hada ta gwir ŋa Yawe. Ka valatá tsi ta skwiha pla ghəŋ ŋa dray tsuh tsuh, nda skwiha pla ghəŋa zɗaku. Ka hgaŋtá tsi ta Yawe, ka zlghanaftá tsi ta wi nda vu ta saha daga ta luwa ta tsa gwira pla ghəŋ ŋa dray tsuh tsuh ya.

1Rus 21:26 Mawu Ofanana

1Mgh 18:24

Tahula tsa, ka haga kuni ta hga lazglafta ghuni. Iʼi ya guli, dzaʼa hgay yu ta hga Yawe. Tsa lazglafta dzaʼa zlghaftá wi nda vu ya ná, tsaya Lazglafta, » kaʼa. Ka mnduha demdem mantsa: « Zɗa tsa gwaɗa ya, » ka həŋ.

1Mgh 18:38

Ka dɗagatá vwa Yawe ta luwa, ka dəghwaɗutá tsa skwa pla ghəŋ ŋa dray tsuh tsuh ya, nda hasuʼu tani, nda palaha tani, nda haɗik tani, ka niʼaftá tsi ta tsa imi ma guɗuk ya.

1Rus 21:27

« Vradanam kafaya gha da kupaka ni, » ka Yawe nda tsa duhwala ni ya.

2Rus 3:1

Ka zlraftá Salumuŋ ta ba həga Yawe ma Ursalima, ta kuɗuŋura Muriya, ma vli ya marava Yawe da da ni Dawuda, ma vli si payaftá Dawuda ta blikwa Urnaŋ mnda la Yəbus ya.

2Rus 7:1

Kɗiŋta Salumuŋ ta ndəɓa dzvu, ka saha vu daga ta luwa, ka driŋtá skwa pla ghəŋ ŋa dray tsuh tsuh, nda skwa pla ghəŋha, ka ndəghanaftá glakwa Yawe ta tsa həga ya.

La Levi 9:24

Ka sab vu da Yawe, ka dəghwaɗutá tsa skwa pla ghəŋ ŋa dray tsuh tsuh, nda vliha nda mala nda mala ta gwir ya. Ka nghaŋtá la Israʼila demdem, ka hlaftá həŋ ta wi ka rfu, ka zlambata həŋ zluzlumbruh ta haɗik.

Gwal tsa guma 13:20

Ma sliʼaftá zlghakwa vu ta gwir ka dzaʼa ta luwa ya, ka ŋlaghatá tsa duhwala Yawe ya ma tsa zlghakwa vu ta gwir ya. Nghay i Manuwa nda markwa taŋ ta tsaya, ka zlambatá həŋ zluzlumbruh ta haɗik.

Gwal tsa guma 6:21

Ka tsəghadaptá tsa duhwala Yawe ya nda wa dafa ma dzva ni, ka ksaŋtá tsa sluʼi nda buradiha kul haɗ is mida ya, ka sab vu ma kutumba ka driŋtá tsa sluʼi, nda tsa buradiha kul haɗ is mida ya. Ka gi zwaɗutá tsa duhwala Yawe ya rək ta wa ira ni.