29 Vlaŋwa vla ta Yawe ta glaku ta raŋta hga ni, hlakwa hla ta mbəhuha, ka sagha kuni ta kəma ni. Tsəlɓawa ta tsəlɓu ta kəma Yawe, dabga sgita ghuɓata ni.
Tahula tsa, ka dzərkavatá tsi nda mnduha, ka zabaftá tsi ta gwal fa laha ŋa Yawe ŋa zləzləvay taŋ ta sgita ghuɓata ni. Ka lab həŋ ta kəma gwal vulu nda hbatá vgha nda huzla vulu, ka həŋ mantsa: « Zləzləvawa Yawe! Ta gɗava gɗa zɗakwa ni ŋa ɗekɗek! » ka həŋ.
Ka həŋ mantsa: « Mantsa nzakwa ni! Nda ra Lazglafta mu ka zləzlvay, ka ghubay, nda ɗifil ma ghəŋa ni, nda ra ka rfay, ka vla glaku ŋa ni, da tsatsi mbraku, mbru mbra, ŋa kɗekedzeŋ tsatsi. *Amin! »
Tsatsafwa tsatsa ta fwatuha basəra ghuni, nda ŋa mbəga ta ɓadza haɗika ghuni. Ka vlaŋta kuni ta glaku ta Lazglafta la Israʼila, kawayaka skwi dzaʼa htavaghu hta mbrakwa ni ta ghəŋa kaghuni, nda lazglaftaha ghuni, nda haɗika ghuni.