1Rus 12:20 - Hdi

²⁰ Ka gwaftá sanlaha ma mnduha Mənase ta vgha nda Dawuda, ma laghwa ni kawadaga nda la Filisti da vulu nda Sawulu. Ama kataŋ a həŋ ta la Filisti wu, kabga tahula dzərkavata gwal vula la Filisti, ka vriŋtá həŋ ta i Dawuda, ka həŋ mantsa: « Dzaʼa vraghu vra gwaftá vgha nda daŋahəga ni Sawulu ŋa zba hafa ŋni! » ka həŋ.

1Rus 12:20 Mawu Ofanana

1Rus 12:19

Ka lam sulkuma Lazglafta da Ghamasay, mali ta ghəŋa sludziha hkən mbsak: « Ŋa gha ŋni, Dawuda, kawadaga ŋni nda kagha, zwaŋa Yisay! Zɗaku, zɗaku ŋa gha, zɗaku ŋa mndu ta kata kagha, kabga Lazglafta gha ta kata kagha! » kaʼa. Ka tsuʼaftá Dawuda ta həŋ, ka pghamtá həŋ ka maliha ta ghəŋa bakwa sludziha ni.

1Rus 12:21

Manda vraghata Dawuda da Tsiklag, wya la Mənase ta gwaftá vgha nda tsi: I Ghadnah, nda Yuzavat, nda Yədighaʼel, nda Mikaʼel, nda Yuzavat, nda Ilihuʼ, nda Tsiltay, maliha ta ghəŋa sludziha dəmbuʼ dəmbuʼ ma Mənase.

Sabi 18:21

Zabap zaba mataba mnduha demdem ta sanlaha ma gwal nda sgit ta həŋ, ta zləŋa Lazglafta, ta vərɗa mnduha, gwal husaŋ nənɓu. Pagha pagha ta həŋ ka maliha ta ghəŋa mnduha dəmbuʼ dəmbuʼ, nda mnduha dərmək dərmək, nda mnduha hutaf mbsak hutaf mbsak, nda mnduha ghwaŋ ghwaŋ.

Vrafta ta zlahu 1:15

Mantsa tama, ka hlaftá yu ta maliha ma inda mndəra ghuni, gwal nda ɗifil, gwal snaŋ lu ta həŋ, ka pghatá həŋ ka maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha, ka gwal ta nghapta ma inda mndəra ghuni a tsi.

Vrafta ta zlahu 33:17

Sgit ŋa Yusufu! Nda mbra manda lghəŋ, manda dula sladra duliha ni. Nda tsi ta dza tsi ta mnduha, ha ta kɗavakta slrəŋa luwa. Sani ma tsa duliha ya dəmbuʼ dəmbuʼata la Ifrayim, sani ya dəmbuʼata la Mənase.

1Sam 29:11

Ga sərɗək tsaɗar vli, ka tsavaftá i Dawuda nda mnduha ni ŋa vru ta haɗika la Filisti, ta ŋlaghatá la Filisti da Yizrəghel.

1Sam 29:3

Ka maliha la Filisti mantsa: « Nahgani ta mag la Hebru hadna na? » ka həŋ. Ka Ahis nda həŋ mantsa: « Dawuda, kwalva Sawulu, mghama la Israʼila a wu ra! Nda kɗa fitika ni kawadaga nda iʼi, ta slanagha a yu nda skwi ŋa dvanaghata ka yawu sagha ni ha ka sagha ta gita wu, » kaʼa.

1Sam 29:4

Ama ka ganavatá maliha la Filisti ta sida ta Ahis, ka həŋ nda tsi mantsa: « Ghəzliŋ ghəzla ta na mndu na! Ka vra tsi da vli ya fa ka. Ma la tsi da vulu kawadaga nda amu ma ghwata vulu, dá mbəɗavata tsi ka ghuma mu ma vulu. Ndana kagha ɓa! Kinawu ka na mndu na dzaʼa laviŋtá vru nda zɗaku da mghama ni, ka nda hlíŋta ni ta ghəŋa mnduha mu a tsi na?