1Mgh 8:32 - Hdi

³² ka snagata ka daga ta luwa Yawe, ka maga ka ta slna gha, ka tsanaghata ka ta guma ta kwalvaha gha. Ka tsanaghata ka ta guma ta mnda dmaku, vranaf vra ta dmakwa ni ta ghəŋa ni. Mndu tɗukwa ya guli ná, ka maraŋta lu ta tsatsi ka mndu kul haɗ dmakwa ni, ka vranamta lu ta skwi taɓta nzakwa ni tɗukwa.

1Mgh 8:32 Mawu Ofanana

2Sam 22:21

Plaɗim pla Yawe taɓta tɗukwata iʼi, magiha maga taɓta kwala dzva ɗa gatá dmaku,

1Mgh 2:32

Dzaʼa vranaf vra Yawe ta usa ni ta ghəŋa ni, kabga valafta ni ta mnduha his malaghu tɗukwata həŋ nda ŋərmata həŋ ka tsatsi, ka pslatá tsi ta həŋ nda kafay kul snaŋtá Dawuda, da ɗa ya. Ta gwaɗ ta ghəŋa i Avner, zwaŋa Ner, mala gwal vula la Israʼila, nda Ghamasa, zwaŋa Yeter, mala gwal vula la Yuda yu ta tsa gwaɗa ya.

1Mgh 2:33

Ka la usa taŋ ta ghəŋa Yuʼav, nda ya ta ghəŋa zivira ni ŋa ɗekɗek, ama ŋa Dawuda, nda zivira ni, nda la ga taŋ, nda dughurukwa ga mghama ni, dzaʼa mamu zɗaku ŋa ɗekɗek daga da Yawe, » kaʼa.

Asta 9:25

Ama manda sliʼafta Asta ka lagha ta kəma mgham, ka vindaftá mgham ta ɗelewerha kazlay tsa ghwaɗaka skwi vindaf Haman ta ghəŋa la Yahuda ya ná, ta ghəŋa ni ka skwa ni kəʼa. Mantsa tama, ka dzagwuŋtá lu ta həŋ ta udzuha, tsatsi nda zwana ni tani.

Sabi 23:7

Diʼiŋaghuwa diʼiŋa nda gwaɗa ka tsakalawi. Ma dza kuni ta mndu kul haɗ dmakwa ni, ka tɗukwa mndu a tsi, kabga kləta a yu ka tɗukwa mndu ta mndu ta ga dmaku wa.

Sabi 34:7

Ta maray yu ta zɗaku ŋa mnduha ha ta zivir dəmbuʼ. Ta plana pla yu ta krughuvi ta maga mndu, nda dmakwa bisibisi, nda dmakuha. Ama mndu ksaf dmaku ná, mna a yu kazlay flaʼu vgha gha kəʼa wa. Ta ghuzlanap ghuzla yu ta iri ta zwani, nda zighiha ta ghəŋa dmakwa dadaha taŋ, ha ka lab ta zigha ndindliŋ, ka ta zigha papah a tsi, » kaʼa.

Mbsak 5:27

Sunusta ni ta tsa imi ya, wya skwi dzaʼa magaku: Ka si niŋ na tsi ta ghəŋa ni ka marakw ta tsaɗ lu, ka si dmanaf dma tsi ta zəʼala taŋ, mantsa tama, dzaʼa lam la tsa imi ta klaktá ksiʼi ya da vgha ni, ka ghuya ɗaŋwa ɗah ŋa ni, ŋa həslafta huɗa ni, ka dərzlanaftá mndər. Dzaʼa nzakway tsa marakw ya ŋa mndəra taŋ ka skwa gray ta dzaʼa həŋ da mna ksiʼi.

La Ruma 2:13

Gwal ta snatá tsa zlaha Musa ya a gwal ta nzakway tɗukwa da Lazglafta wu, ama gwal ta nzakway ta ksa slna manda ya kum tsa zlahu ya gwal ta nzakway tɗukwa da Lazglafta.

La Ruma 7:9

Ghalya, ma kwala ɗa ta kul snaŋtá zlahu ná, ta nzutá nzakwa ɗa yu. Manda snaŋta ɗa ta zlahu, ka nzatá dmaku nda hafu,

Vrafta ta zlahu 25:1

« Ka mamu zlərɗa wi ta sliʼafta mataba mnduha ná, sliʼa taŋ da vla tsa guma ŋa dganata gwal guma ta həŋ, ŋa zliŋtá mndu kul haɗ dmakwa ni, ta ɓliŋtá bika ta mndu mamu dmakwa ni.

1Sam 2:25

Ka gana ga sana mndu ta dmaku ta sana mndu katsi, dzaʼa mbəɗay Lazglafta ta gwaɗa tida, ama ka gana ga tsi ta dmaku ta Yawe, wa dzaʼa mbəɗa gwaɗa tida na? » kaʼa. Ama nda warga ta sna həŋ ta tsa skwi ta mnə da taŋ ya, kabga ta kumay Yawe ta rwanatá həŋ.