1Mgh 8:29 - Hdi

²⁹ Ka fafta ka ta ira gha nda rviɗik tani, nda fitik tani ta na həga na, ta na vli mnə kagha kazlay na: “Hada, dzaʼa nzata yu!” kəʼa ya. Sna ta duʼa kwalva gha ta magay nda təv na vli na!

1Mgh 8:29 Mawu Ofanana

1Mgh 11:13

Haɗ yu dzaʼa zluʼaghutá inda ga mghama ni guli wu, dzaʼa zlanaŋ zla yu ta mndəra mndu turtuk, dabga kwalva ɗa Dawuda, nda ya dabga Ursalima luwa ya zbap yu, » kaʼa.

1Mgh 11:36

Dzaʼa zlanaŋ zla yu ta mndəra mndu turtuk ta zwaŋa Salumuŋ, kada gɗavata pitirla kwalva ɗa Dawuda ta kəma ɗa ma Ursalima, luwa ya zbap yu ŋa nzakwa hga ɗa.

1Mgh 14:21

Ma Yuda, ta ga Rəhavgham, zwaŋa Salumuŋ ta mgham. Fwaɗ mbsak ndeŋ mida ima Rəhavgham ta nzatá tsi ka mgham. Ghwaŋpəɗ ndəfáŋ vakwa ni ta gá mgham ma Ursalima, luwa ya zbap Yawe mataba inda mndəra la Israʼila ŋa nzakwa hga ni. Naghama hga ma ni ma Rəhavgham, makwa la Ghamuŋ ya.

1Mgh 8:16

“Daga baɗ hlagapta ɗa ma Masar ta mnduha ɗa la Israʼila, haɗ luwa ya zbap yu mataba inda mndəra la Israʼila ŋa baftá həga ŋa nzakwa hga ɗa wu, ama zbap zba yu ta Dawuda ŋa gay ni ta mgham ta ghəŋa mnduha ɗa, la Israʼila,” kaʼa.

1Mgh 8:43

Snaga sna daga ta luwa, ma vla nzakwa gha, ka tsuʼanafta ka ta inda skwi ya dzaʼa ɗawaghata tsi! Mantsa ya, dzaʼa snaŋta inda mndəra mnduha ta ghəŋa haɗik ta hga gha, ŋa zləŋay taŋ ta kagha manda ya ta mag mnduha gha, la Israʼila, dzaʼa snaŋ sna həŋ kazlay na ŋa vlaŋtá glaku ta hga gha bafta yu ta na həga na kəʼa.

1Mgh 8:52

Fa fa ta iri ka ngha tawa kwalva gha, nda ŋa mnduha gha, la Israʼila, ŋa tsuʼanaftá həŋ ma inda fitik dzaʼa hgaghata həŋ.

1Mgh 9:3

Ka Yawe nda tsi mantsa: « Tsuʼaf tsuʼa yu ta ndəɓa dzva gha nda tawa gha mnaɗif ka ya. Ta fa fa yu ta na həga baf ka na ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

2Mgh 19:16

Ar Yawe, fa fa ta sləməŋ, ka sna ka! Guna guna ta iri gha Yawe, ka ngha ka! Sna ɓa ta gwaɗa Saŋheriv ta ghunakta ŋa raza kagha Lazglafta nda hafu mida!

2Mgh 21:4

Dzidzihwafha ta gwirha ma həga Yawe, ma vli mna Yawe kazlay na: « Ma Ursalima zbapta yu ta vli ŋa nzakwa hga ɗa, » kəʼa ya.

2Mgh 21:7

Tsa skwa wuyay Asera magaf tsi ya ná, ka kladamtá tsi da həga Yawe. Tsaw ka Yawe si mnanatá i Dawuda nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek kəʼa ya.

2Mgh 23:27

Ka Yawe tama mantsa: « Dər la Yuda guli, dzaʼa diʼiŋiŋtá yu nda iʼi manda ya diʼiŋiŋ yu ta la Israʼila ya. Dzaʼa vziŋ vza yu ta luwa Ursalima si zbap yu, nda tsa həga si mna yu kazlay na: “Hada dzaʼa nzakwa hga ɗa,” kəʼa ya, » kaʼa.

2Rus 16:9

Nziya nza tsi, ta ray Yawe ta inda ghəŋa haɗik nda ngha vli ŋa hinistá dzvu ta gwal nda fa ŋuɗufa taŋ kahwathwata ta tsatsi. Guv ga ka ta rgha ma tsa ma tsa skwi maga ka ya, tsaya dzaʼa kəl lu ka vulu daga ndanana nda kagha, » kaʼa.

2Rus 20:8

Ka nzatá həŋ mida, ka baghaftá həŋ hada ta vli nda ghuɓa ŋa vlaŋtá sgit ta hga gha, ka həŋ mantsa:

2Rus 33:4

Dzidzihwafha ta gwirha ma həga Yawe, ma vli mna Yawe kazlay na: « Ma Ursalima zbapta yu ta vli ŋa nzakwa hga ɗa ŋa ɗekɗek, » kəʼa ya.

2Rus 33:7

Ka famtá tsi ta fwata skwa wuyay ya tsaf tsi ma həga Lazglafta. Tsaw ka Lazglafta si mnanatá Dawuda nda ya nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek ya.

2Rus 6:20

Ka fafta ka ta ira gha nda fitik tani nda rviɗik tani ta na həga na, ta vli ya mna ka ŋa nzakwa hga gha! Sna ta duʼa kwalva gha ta magay nda təv na vli na.

2Rus 6:40

Ndanana, Lazglafta ɗa, kdəkkdək, guna guna ta iri, ka fata ka ta sləməŋ, ka sna ka ta ndəɓa dzvu ma na vli na!

Nəhemiya 1:6

Wya dzvu, fa fa ta sləməŋ, guna guna ta ira gha, ŋa sna duʼa kwalva gha ta mag yu ta kəma gha ndanana, nda fitik tani nda rviɗik tani, ŋa kwalvaha gha la Israʼila, nda mnigiŋtá dmaku la Israʼila, ya maga gha ŋni. Nda iʼi tani, nda gwal ga da ɗa tani, gaga ŋni ta dmaku.

Nəhemiya 1:9

Ala ka vrak vra kuni da iʼi ya guli, ka snata kuni ta zlahuha ɗa, ka ksa slna nda tsi, dər má ta slərəŋa luwa wutsatá kaghuni, dzaʼa tskagaghunaghatska yu ma tsa vli ya, dzaʼa varagaghunaghavara yu da vli ya zbap yu ŋa gɗavata hga ɗa.”

Sabi 20:24

Ka magaɗifta kuni ta gwir ka haɗik. Tida dzaʼa plihata kuni ta ghəŋ nda rina fisika ghuni, nda slaha ghuni, ŋa dray tsuh tsuh, nda pla ghəŋa zɗaku guli. Ma inda dər wati ma vli dzaʼa havaghunakta yu ta hga ɗa ya ná, dzaʼa sagha sa yu da kaghuni, ŋa tfaghunaghata ɗa ta wi.

Danyel 6:10

Mantsa tama, mbaɗa mgham Daryaves ka thaftá dzva ni ta tsa zlahu ya.

Danyel 9:18

Ar Lazglafta ɗa, fa fa ta sləməŋa gha ka sna ka, guna guna ta iri gha ka nghanata ka ta luwa ŋni ya zaɗana lu, tsa luwa ta hgə lu nda hga gha ya. Ta ghəŋa nzakwa ŋni tɗukwa a kəl ŋni ka sagha nda tawa ŋni ta kəma gha wu, ama ta ghəŋa glakwa hiɗahiɗa gha.

Vrafta ta zlahu 12:11

Tahula tsa, dzaʼa zbapta Yawe, Lazglafta ghuni ta vli ŋa nzakwa hga ni, hada dzaʼa hladaghata kuni ta inda skwiha ya mnaghunaf yu: Tsaya skwi ŋa pla ghəŋ ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ta zbapta kuni ŋa vlaŋta Yawe ŋa hɗamtá skwi waɗana kuni.

Vrafta ta zlahu 12:14

Ma vli ya dzaʼa zbapta Yawe kweŋkweŋ, ma ya turtuk ma mndəra ghuni dzaʼa pla kuni ta ghəŋ ŋa dray tsuh tsuh. Hada dzaʼa maga kuni ta inda skwi ya mnaghunaf yu.

Vrafta ta zlahu 12:5

Ama ka dzaʼa kuni da tsəlɓu ŋa ni ma vli ya dzaʼa zbafta Yawe, Lazglafta ghuni mataba inda mndəra ghuni, ŋa fata hga ni, ka nzata ni hada. Hada da dzaʼa kuni.

Vrafta ta zlahu 16:2

Ka plata kuni ta pla ghəŋa Pak ŋa Yawe, Lazglafta ghuni nda rina fisik ka sla a tsi ma vli ya dzaʼa zbapta Yawe ŋa nzakwa hga ni hada.

Vrafta ta zlahu 16:6

Ma tsa vli dzaʼa zbapta Yawe, Lazglafta ghuni ŋa nzakwa hga ni ya, kweŋkweŋ dzaʼa pla kuni ta ghəŋa Pak ga hawu dɗar fitik, ta tsa ləwa kəl kuni ka saghwi ma Masar ya.

Vrafta ta zlahu 26:2

ka hlaʼata ka ma inda taŋtaŋa ndəhatá skwi ta vwaha gha ya dzaʼa hvata ka ta tsa haɗik vlagha Yawe, Lazglafta gha ya, ka pghamta ma tughba. Ka kladaghata da vli dzaʼa zbapta Yawe, Lazglafta gha ŋa nzakwa hga ni hada ya.