1Mgh 3:28 - Hdi

²⁸ Ka snaŋtá inda la Israʼila ta tsa tsatá guma mgham ya. Ka zləŋ həŋ nda zləŋa ta mgham, kabga nghadapta taŋ ná, mamu ɗifila Lazglafta ma ghəŋa ni ŋa tsa guma nda tva ni.

1Mgh 3:28 Mawu Ofanana

1Mgh 10:9

Rfu da Yawe, Lazglafta gha, zɗəgana ka, ka faghaftá tsi ta dughurukwa gá mghama la Israʼila! Dabga ɗvuta ni ŋa kɗekedzeŋ ta la Israʼila, kəl Yawe ka faftá kagha ka mgham ŋa tsay gha ta guma nda rakwa ni, tɗukwa, » kaʼa.

1Mgh 3:27

Ka mgham mnata tama mantsa: « Vlaŋwa tsa zwaŋ ta ndiri ya ta tsa taŋtaŋa marakw ya, ma dza kuni, tsatsi ma ni ma na zwaŋ ta ndiri na, » kaʼa.

1Mgh 4:1

Ka nzakw Salumuŋ ka mgham ta ghəŋa inda la Israʼila.

1Rus 29:24

Ka haniŋtá inda maliha, nda gwal ka bikwira vulu, nduk nda inda zwana mgham Dawuda ta ghəŋ mista mgham Salumuŋ.

Izra 7:25

Ama kagha Izra, manda ya vlagha Lazglafta ta ɗifila ni ya, ka pghamta ka ta gwal tsa guma, nda gwal dganatá gwaɗa. Ŋa tsa guma mataba inda gwal nda ta ɓla ghwa təv dɗakwa fitik ya, nda sna ta zlaha Lazglafta gha ya. Gwal kul snaŋtá tsa zlahu ya ná, ka taghanafta ka ta həŋ.

Sabi 14:31

Ka nghaŋtá la Israʼila ta glakwa slna dzva Yawe ta maganatá la Masar. Ka zləŋatá həŋ ta Yawe, ka faftá həŋ ta ghəŋ tida, nda ya ta ghəŋa kwalva ni Musa guli.

Danyel 1:17

Ka vlaŋtá Lazglafta ta tva snaŋta dganatá skwiha, nda mahizla dzaŋa inda vindi, nda ɗifil ta tsa galaɓayha fwaɗ ya. Ta ghəŋa tsa guli, nda sna Danyel ta paslaptá inda suniha kavghakavgha, nda skwiha ta maravata.

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 5:11

Mamu sana mndu ma ga mghama gha nda sulkuma lazglaftaha nda ghuɓa mida. Ma fitika nzakwa da gha ta nda hafu ná, si ta tsalay tsa mndu ya ta gwaɗa, mamu mahizl da tsi, mamu ɗifil da tsi manda ɗifila lazglaftaha. Tsaya kəl da gha mgham Nevuhadnetsar ka fatá ka mali ta ghəŋa gwal vza mandaŋ, nda gwal dzugwa zlazləra, nda ɗəghaha, nda gwal tsatsa skwi.

1Kwa 1:24

Ka gwal hagaf Lazglafta ŋa nzakway ka ŋa ni, dər má la Yahuda tsi, dər má hamata Grek a tsi ta mnay na: Kristi mbrakwa Lazglafta nda ɗifila Lazglafta ya, ka hahəŋ.

1Kwa 1:30

Lazglafta ta ndiʼaghunaftá nda Yesu Kristi, ka famatá tsi ta Yesu Kristi ka mnda vlamatá ɗifil. Nda ma Yesu namafta Lazglafta ka mndu tɗukwa ta wa ira ni, ka fatá amu ka mnduha ni, ka varagaptá tsi ta amu ma dmaku.

Kwalus 2:2

Ta kumay yu ta nzata taŋ nda hbatá ŋuɗuf, ka nzəvuvusta həŋ ta vgha ma ɗvu, ka ndəghafta həŋ nda vərɗa hiɗaku ŋa snaŋta ɗifatá skwa Lazglafta, ta nzakway ka snaŋtá Kristi ya.

Kwalus 2:3

Inda gadghəla ɗifil nda ghunislak ná, ma *Yesu Kristi ɗifaghuta həŋ.

Yəhusuwa 4:14

Baɗ tsaya, ka kapanaftá Yawe ta Yəhusuwa ta nghay inda la Israʼila. Ka zləŋatá həŋ manda va ya si ta zləŋ həŋ ta Musa ya, ha kɗavakta hafa ni.

1Sam 12:18

Ka hgaŋtá Samuyel ta Yawe, baɗ va tsaya ka ghudzaganatá Yawe ta luwa, ka nzagatá tsi ta imi, ka zləŋ inda mnduha katakata ta Yawe, nda Samuyel tani.