1Mgh 22:23 - Hdi

²³ Ka Mihayhu mantsa: « Nda ngha ka! Pgham pgha Yawe ta sulkuma tsakalawi ma wa inda na anabiha gha wana həŋ na. Yawe ya ta mnaftá zləmnda ta kagha, » kaʼa.

1Mgh 22:23 Mawu Ofanana

1Mgh 20:42

Ka tsa anabi ya nda tsi tama mantsa: « Wya skwi mna Yawe: Fitika zliŋta gha ta mndu ya faghu yu ŋa zaɗiŋta ya, hafa gha ŋa mbəɗaptá tsa mndu ya, mnduha gha guli, ŋa da manaka mnduha tsatsi, » kaʼa.

1Mgh 21:19

Ka mnanata ka: “Wya ka Yawe mnata: Nu? Tahula dzata gha ta mndu ná, ka kuma ka ta klaghuta ŋa ŋa gha ta skwa ni!” kaʼa. Ka ka da sganaghata guli na: “Wya ka Yawe mnata: Ma va tsa vla niʼay kriha ta usa Navut ya, dzaʼa niʼa həŋ ta usa vərɗa kagha guli,” ka ka dzaʼazlay nda tsi, » kaʼa.

1Mgh 22:24

Ka gavadaghatá Tsidkiya, zwaŋa Kənaghana, ka dzuŋtá Mihayhu ma lagəŋ, kaʼa mantsa: « Ndiga saba sulkuma Yawe ma iʼi ŋa gwaɗgaghata na? » kaʼa.

2Rus 25:16

Ta gwaɗay gwaɗay ta tsa gwaɗa ya, ka Amatsiya nda tsi mantsa: « Zbaf zba ŋni ta kagha ŋa nzakway ka mnda vla hiɗaku ŋa mgham ra? Laghu la gha! Haf ha ta wa gha, ari ka dzaghata lu a na? » kaʼa. Ka haftá tsa anabi ya ta wa ni, ama kaʼa mantsa: « Nda sna yu, kura kura Lazglafta ta zaɗaghata, tsəhala mantsa ya maga ka, ka kagha kwalaghutá snatá hiɗakwa ɗa ya, » kaʼa.

Sabi 10:20

Ama ka təŋanaftá Yawe ta ghəŋa Firʼawna kay guli. Zliŋ a ta la Israʼila wa.

Sabi 4:21

Ka Yawe nda Musa guli mantsa: « Vradaghata gha da Masar ya ná, yaha ka da zanaptá maga mandərmimiha ya vlagha yu ta mbrakwa magay ta kəma Firʼawna. Ama Iʼi, dzaʼa təŋanaf təŋa yu ta ghəŋa ni, haɗ dzaʼa zliŋtá la Israʼila ŋa sliʼafta taŋ wa.

Mbsak 24:13

“Dər má dzaʼa vliha vla Balak ta inda tsedi, nda inda dasu ma həga ni ná, laviŋta a yu ta ɓlanaptá zlaha Yawe, nda klaktá zɗaku, ka ksiʼi a tsi gaghəŋ gaghəŋa ɗa wa. Dzaʼa mnay yu ta skwi dzaʼa mnata Yawe,” kəʼa kay ra?

Vrafta ta zlahu 2:30

Ama ka kwalaghutá Sihuŋ, mghama Hesbuŋ ta vlamatá tvi ŋa laba mu nda ga taŋ, kabga təŋanaf təŋa Yawe, Lazglafta mu ta ghəŋa ni kulis nda ŋuɗufa ni, ŋa vlamata ni ma dzva ghuni manda na nzakwa ni gita na.

Gwal tsa guma 9:23

Ka ghunagatá Lazglafta ta ghwaɗaka sulkum da taba i Avimelek nda maliha la Səkem. Ka ganavatá maliha la Səkem ta sidi ta Avimelek.