1Mgh 21:20 - Hdi

²⁰ Ɓhadaghata Iliya, ka Ahav nda tsi mantsa: « Sləgləɗigha sla ka ɓa, a ghuma ɗa? » kaʼa. Kaʼa mantsa: « Sləglaghagha sla yu, kabga skwap skwa ka ta ghəŋa gha ŋa maga ghwaɗaka skwi ta wa ira Yawe.

1Mgh 21:20 Mawu Ofanana

2Sam 11:27

Manda hlatá taw, ka ghunaftá Dawuda ta mndu da tsi ŋa klagaghuta da taŋ. Ka nzakw tsi ka markwa taŋ, ka yanatá tsi ta zwaŋa zgun. Ama zɗəgana a tsa skwi maga Dawuda ya ta Yawe wa.

1Mgh 16:30

Ka mag Ahav, zwaŋa Ghumri ta ghwaɗaka skwi ta wa ira Yawe, ka malaghutá piw ta ŋa inda mghamha ta tiŋlaghuta tsatsi.

1Mgh 18:17

Tata nghaŋta nda ngha Ahav ta Iliya, kaʼa nda tsi mantsa: « Va na kagha na na mndu ta klaktá ɓadzaku da la Israʼila na ra? » kaʼa.

1Mgh 21:25

Haɗ mndu ɗekɗek taɓta Ahav ta skwaptá ghəŋa ni ŋa maga ghwaɗaka skwi ta wa ira Yawe, kabga gagafta markwa taŋ Izabel wa.

1Mgh 22:8

Ka mghama la Israʼila nda Yəhusafat mantsa: « Ta mamu mndu turtuk dzaʼa laviŋta lu ta snanatá ndana Yawe nda da tsatsi, ama iʼi, husiha husa tsa mndu ya, kabga haɗ ta mnaŋtá skwi ɗina ta ghəŋa iʼi wu, ta ghəŋa ghwaɗaka ni ta mnə tsi. Mihayhu, zwaŋa Yimla ya, » kaʼa. Ka Yəhusafat mantsa: « Ma gwaɗ mgham ta gwaɗa mantsa! » kaʼa.

2Mgh 17:17

Ka dadaraftá həŋ ta zwana taŋ nda kwagha taŋ ta vu, ka mag həŋ ta maɗəgha ɗəgha, ka vza mandaŋ. Ka vlatá hahəŋ ta ghəŋa taŋ ŋa maga ghwaɗaka skwi ta wa ira Yawe, ka gufanaftá ŋuɗuf.

2Mgh 21:2

Ka mag Mənase ta ghwaɗaka skwi ta wa ira Yawe, ka klaftá tsi ta saɗa manzakɗawayha mndəra mnduha ghazliŋ Yawe ta kəma la Israʼila ya.

2Rus 18:17

Ka mghama la Israʼila nda Yəhusafat mantsa: « Si mna gha a yu kay wu ra? Haɗ ta mna lwa Lazglafta ɗina ta ghəŋa iʼi wu, ta ghəŋa skwi kul ɗinaku ta mnə tsi! » kəʼa kay wu ra?

2Rus 18:7

Ka mghama la Israʼila nda Yəhusafat mantsa: « Ta mamu mndu turtuk dzaʼa laviŋta lu ta snanatá ndana Yawe nda da tsatsi, ama iʼi, husiha husa tsa mndu ya, kabga haɗ ta mnaŋtá skwi ɗina ta ghəŋa iʼi wu, ta ghəŋa ghwaɗaka ni ta mnə tsi. Mihayhu, zwaŋa Yimla ya, » kaʼa. Ka Yəhusafat mantsa: « Ma gwaɗ mgham ta gwaɗa mantsa! » kaʼa.

2Rus 33:6

Ka daraftá tsi ta zwana ni ka skwa pla ghəŋ ta vu ma didiŋa Benʼhinum. Ka dzugu tsi ta zlazlra, nda vza mandaŋ, ka gwaɗ tsi ta gwaɗa ghwaɗaka sulkum, ka laghu tsi da gwal ta gwaɗa nda sulkuma gwal nda rwa, nda gwal ga ɗəgha. Ka dzaʼa tsi ta kəma ta kəma nda maga ghwaɗaka skwi ta kəma Yawe, ka gufanaftá ŋuɗuf.

Markus 12:12

Tsatsafta tsa maliha ya ná, ta ghəŋa taŋ ta gwaɗa Yesu ta tsa gwaɗa ya. Ka zbə həŋ ta tva ksafta, ama ka zlanatá həŋ ka laghwa taŋ kabga zləŋa gwaɗa da mnduha.

La Ruma 7:14

Nda sna amu kazlay: Sagha daga da Lazglafta na zlahu kəʼa. Tsaw iʼi ná, mnda səla yu habu dmaku.

Galat 4:16

Nda nza yu ka ghuma ghuni ndana, kabga vəl mnaghunata ɗa ta kahwathwata rki?

Afisus 4:19

Ksa a hula ta həŋ dər kinawu magata həŋ ta ghwaɗaka skwi wa. Skwi ta kum sluʼuvgha ta magay fa hahəŋ ta ghəŋa taŋ ŋa magay. Sliʼiŋ sliʼiŋ yeya ŋa taŋ ta magay, zla a həŋ guli wa.

Suna Yuhwana 11:10

Ŋa rfay mnduha ma ghəŋa haɗik ta rfu katakata, ka vavalaku, ka mbahuvtá vgha ta ghəŋa rwatá tsa mnduha ya, kabga Ganap ga həŋ ta iri katakata ta mnduha ta ghəŋa haɗik.