1Mgh 20:7 - Hdi

⁷ Ka hagaftá mghama la Israʼila ta galata mnduha demdem ta haɗika ni, kaʼa nda həŋ mantsa: « Grafwa gra kazlay na: Ta zba magamatá ghwaɗaka skwi tsa mndu ya kəʼa! Ɗawiha ɗawa ta miʼa ɗa, nda zwana ɗa, nda tseda ɗa, nda dasa ɗa, kwalaghu a yu ta vlaŋta wu! » kaʼa.

1Mgh 20:7 Mawu Ofanana

1Mgh 20:6

Mahtsim ta na luwa na, dzaʼa ghunadap ghuna yu ta kwalvaha ɗa da kagha, ŋa psapta taŋ ta həga gha, nda ŋa kwalvaha gha. Dzaʼa hlagaghu hla həŋ ta inda skwiha gha ya nda bla nda bla,” » kaʼa.

1Mgh 20:8

Ka inda la galata mndu nda inda mnduha, nda Ahav mantsa: « Ma snə ka, ma tsuʼanaf ka! » ka həŋ.

1Mgh 21:8

Ka vivindaftá tsa marakw ya ta ɗelewerha nda hga Ahav, ka fafaftá tsi ta ŋizla mgham ta həŋ. Ka tsaghanaftá tsi ta la galata mndu, nda gwal dagaladagala ma luwa Navut.

1Mgh 8:1

Tahula tsa, ka tskanatá mgham Salumuŋ ma Ursalima, ta galata mnduha la Israʼila, nda inda maliha ma mndəra mnduha, nda la zəʼala həgaha ma Israʼila ta vata ni, ŋa klaftá akwata dzratá wa Yawe daga ma luwa Dawuda, ta nzakway ka Tsiyuŋ.

2Mgh 5:7

Tahula dzaŋafta mghama la Israʼila ta tsa ɗelewer ya, ka kuhiŋtá tsi ta lguta ni, kaʼa mantsa: « Lazglafta yu, ŋa laviŋta ɗa ta dzatá mndu ka mbanaftá mndu a tsi ra? Kəl tsi ka mnay ŋa ɗa kazlay ka mbanafta yu ta mndu nda ksa da ghwaɗaka lku kəʼa ra? Nghawa ká na mndu na ta zba ghazeŋzeŋ nda iʼi ɓa! » kaʼa.

1Rus 13:1

Ka nzatá Dawuda ka dzərku nda maliha ta ghəŋa bakwa gwal vulu dəmbuʼ dəmbuʼ, nda dərmək dərmək, nda inda gwal dagaladagala.

1Rus 28:1

Ka tskanatá Dawuda ma Ursalima ta inda maliha la Israʼila, gwal ma mndəra mnduha, nda maliha ma dagata bakuha ta maganatá slna ta mgham, maliha ta ghəŋa bakwa gwal vulu dəmbuʼ dəmbuʼ, nda ya ta ghəŋa bakwa gwal vulu dərmək dərmək, nda maliha ta ghəŋa inda skwiha, nda bra rina mgham, nda ŋa zwana ni, nda gwal dagaladagala ta maganatá slna, nda gwal viɗviɗ, nda inda gwal ka bikwira vulu.

Danyel 11:27

Tsa mghamha his ya ná, ta kuwa turtuk dzaʼa za həŋ ta skwa zay, ama ma ŋuɗufa taŋ ná, zba maganatá ghwaɗaka skwi ta sani skwi ta kum həŋ. Tsakalawi yeya skwi ma wa taŋ. Ka bətbət skwi ta gwaɗ həŋ guli, kabga kɗavakta ni ná, dzaʼa sagha sa ma fitik ya tsaf lu.