1Mgh 20:29 - Hdi

²⁹ Ka fatá həŋ ta ghuɓa taŋ ka nzata mbəŋ ya mbəŋ ya ka fitik ndəfáŋ. Baɗ mandəfáŋ, ka zlraftá vulu. Ka rwanatá la Israʼila ta gwal vula la Aram dəmbuʼ dərmək (100.000) baɗ turtuk.

1Mgh 20:29 Mawu Ofanana

Zlrafta 25:20

Fwaɗ mbsak ima Izak ta klaftá tsi ŋa markwa taŋ ta Rebeka, makwa Betwel la Aram ma Padaŋ Aram. Si makuma ni ma Lavaŋ mnda la Aram ya guli.

2Sam 10:18

ama ka hwayaftá sludziha la Aram ta kəma la Israʼila. Ka pslatá Dawuda ta sludziha la Aram gwal ta ŋla mwata plis ndəfáŋ dərmək (700), nda gwal ta ŋla plis dəmbuʼ fwaɗ mbsak (40.000). Ka zlghuŋtá tsi guli ta Suvak, mala gwal vula taŋ, ka mtutá tsi hada hada.

1Mgh 20:28

Ka lagha mnda Lazglafta ta vata mghama la Israʼila, kaʼa nda tsi mantsa: « Wya skwi mna Yawe: “Ka la Aram mnata na: Yawe ná, lazglafta ghwáha ya, lazglafta daɓiha a wu, ka həŋ. Dzaʼa vla vla yu ta inda na ndəghata sludziha na ma dzva gha, dzaʼa nda sna kuni kazlay na: Iʼi Yawe, kəʼa,” » kaʼa.

1Mgh 20:30

Ka hwayaghutá pɗakwa gwal ta nda hafu da luwa Afek. Ama hada, ka zləmbanaghatá matsak ta gwal dəmbuʼ hisambsak ndəfáŋ mida (27.000). Ka hwayaghatá Benʼhadat da tsa luwa ya guli da ɗifaghuta. Hada, ka kakafaku tsi ka ra vli, lamha da ya dzuguvi lamha da ya dzuguvi.

2Mgh 13:17

kaʼa mantsa: « Guniŋ guna ta finitir nda təv safa fitik, » kaʼa. Ka guniŋtá Yəhuwas. Ka Ilisa mantsa: « Hiŋha! » kaʼa. Ka hiŋtá tsi. Ka Ilisa mantsa: « Hava zatá ghwa Yawe tsaya, hava zatá ghwa ta ghəŋa la Aram. Dzaʼa rwana rwa ka ta la Aram ma Afek ha ŋa zaɗanata gha ta həŋ nekwnekw, » kaʼa.

2Mgh 13:25

Ka hləglaghutá Yəhuwas, zwaŋa Yəhuʼahaz ta luwaha ma dzva Benʼhadat, zwaŋa Hazaʼel, luwaha si hlaghu Hazaʼel ma dzva da ni Yəhuʼahaz nda vulu ya. Hkən səla zatá Yəhuwas ta Benʼhadat, ka hlaghutá luwaha la Israʼila da tsi.

2Rus 13:17

Ka pslatá i Aviya nda gwal vula ni katakata ta la Israʼila. Ka rwanatá həŋ ta gwal vulu zabap lu dəmbuʼ hutaf dərmək (500.000).

2Rus 28:6

Psla psla Peka zwaŋa Rəmalya ya ma Yuda baɗ turtuk ta mnduha dəmbuʼ dərmək nda hisambsak (120.000), kabga zlanavata taŋ ta Yawe, Lazglafta dzidzíha taŋ. Inda taŋ ka gwal viɗviɗ ma vulu həŋ.

Yəhusuwa 6:15

Baɗ mandəfáŋa fitik, ka sliʼaftá həŋ wrək sərɗək, ka wanaftá həŋ ta tsa luwa ya. Manda va tsaya ka həŋ magata ndəfáŋ səla. Baɗ tsaya kweŋkweŋ wanafta həŋ ta tsa luwa ya ndəfáŋ səla.

1Sam 17:16

Ta gɗa gɗa tsa mnda la Filisti ya ta lab da dawaravata nda hawu tani nda sərɗək tani, ka mara vgha manda tsaya ka fitik fwaɗ mbsak.