1Mgh 20:22 - Hdi

²² Ka gavadaghatá tsa anabi ya ta vata mghama la Israʼila, kaʼa nda tsi mantsa: « La! Mbra ta vgha, nghadap ngha ɗina ka skwi dzaʼa ka da magay, kabga saghar sana vaku ná, dzaʼa səglaf sa mghama la Aram guk lighista nda vulu, » kaʼa.

1Mgh 20:22 Mawu Ofanana

2Sam 11:1

Sagha sana vaku, ta fitika saba mghamha da vulu, ka ghunaftá Dawuda ta Yuʼav, nda kwalvaha ni, nda inda sludziha la Israʼila. Ka zaɗanatá həŋ ta la Ghamuŋ, ka fatá həŋ ta ghuɓa taŋ ta hula luwa Raba ka ŋamta nda vulu. Ama ta nzaghutá Dawuda ma Ursalima.

1Mgh 19:10

Kaʼa zlghanaftá wi mantsa: « Ŋava ŋa yu nda inda mbrakwa ɗa ka maganatá slna ta Yawe, Lazglafta mghama gwal vulu. Ama zlanava zla la Israʼila ta dzratá wa gha, ka dzaɓiŋtá həŋ ta gwirha gha, ka pslatá anabiha gha nda kafay. Ka pɗatá iʼi turtukwa ɗa. Ta zba iʼi həŋ guli ŋa dzata, » kaʼa.

1Mgh 20:13

Ma va tsa fitik ya, ka gavadaghatá sana anabi ta vata Ahav, mghama la Israʼila, kaʼa mantsa: « Wya ka Yawe mnata: Nda ngha ka ta na glakwa tskatá sludziha na ra? Dzaʼa vla vla yu ta həŋ gita ma dzva gha, dzaʼa nda sna ka kazlay na, iʼi Yawe kəʼa, » kaʼa.

1Mgh 20:21

Ka sab mghama la Israʼila, ka zaɗanatá plisha, nda mwata plisha, ka rwanatá la Aram katakata.

1Mgh 20:26

Sagha sana vaku tama, ka sliʼaftá Benʼhadat nda sludziha ni, ka laf həŋ nda təv Afek, ŋa liŋtá la Israʼila nda vulu.

1Mgh 20:38

Ka hbamtá tsa anabi ya tama ta gərzaŋ ma kuma ŋa kwal kul tsəmafta. Ka laghu tsi da nzata ta tsa tvi ksagha mgham Ahav ya.

1Mgh 22:8

Ka mghama la Israʼila nda Yəhusafat mantsa: « Ta mamu mndu turtuk dzaʼa laviŋta lu ta snanatá ndana Yawe nda da tsatsi, ama iʼi, husiha husa tsa mndu ya, kabga haɗ ta mnaŋtá skwi ɗina ta ghəŋa iʼi wu, ta ghəŋa ghwaɗaka ni ta mnə tsi. Mihayhu, zwaŋa Yimla ya, » kaʼa. Ka Yəhusafat mantsa: « Ma gwaɗ mgham ta gwaɗa mantsa! » kaʼa.

2Mgh 6:12

Ka ya turtuk mataba kwalvaha ni mantsa: « Haɗ mndu rveri, mghama ɗa wa! Ilisa, anabi ma Israʼila ya, ta hlaŋtá mghama la Israʼila ta gwaɗaha ta mnata ka ma dzuguva hana gha, » kaʼa.

1Rus 20:1

Sagha sana vaku, ta fitik ta sab mghamha da vulu, ka lab Yuʼav kawadaga nda ndəghata sludziha, zaɗanatá haɗika la Ghamuŋ. Ka fatá həŋ ta ghuɓa taŋ ta hula luwa Raba ka ŋamta nda vulu. Ama ta nzaghutá Dawuda ma Ursalima. Ka kwaraftá Yuʼav ta luwa Raba, ka tasiŋta.

2Rus 25:11

Ka draftá Amatsiya ta ŋuɗuf, ka hlaghatá tsi ta mnduha ni da didiŋa Slughul. Hada, ka pslatá tsi ta la Seghir dəmbuʼ ghwaŋ (10.000).

2Rus 25:8

Ka lab la ka da vulu kawadaga nda həŋ, dzaʼa vulay ka nda ufatá vgha má mndani, dzaʼa zləmbaghis zləmba Lazglafta ta kəma ghuma gha, kabga mamu Lazglafta nda mbrakwa kataŋtá mndu, mamu nda mbrakwa zləmbiŋtá mndu guli, » kaʼa.

Afisus 6:10

Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.