1Mgh 2:28 - Hdi

²⁸ Si mista Aduniya na Yuʼav, ama ka kwalaghutá tsi ta dzaʼa mista Avsalum. Mantsa tama, snaŋta ni ta tsa gwaɗa ya, ka hwayaghatá tsi ɗifaghuta ma həga tumpula Yawe, ka kasavata ta duliha gwir.

1Mgh 2:28 Mawu Ofanana

2Sam 17:25

Ka faftá Avsalum ta Ghamasa ka ghəŋ ta ghəŋa gwal vulu ma vla Yuʼav. Ghamasa ná, zwaŋa sana mndu ta hgə lu ka Yitra ya, mnda la Israʼila si ta klaftá Abigayel, makwa Nahas, makuma ni ma Tseruya, ma ni ma Yuʼav ya.

2Sam 18:2

Ka daganaptá Dawuda ta gwal vulu ka bakuha hkən, ka fatá tsi ta Yuʼav zwaŋa Tseruya ka mali ta ghəŋa baku turtuk. Faha ta Avisay zwaŋama ni ma Yuʼav ka mali ta ghəŋa mahisa baku. Faha ta Itay mnda la Gat ka mali ta ghəŋa mahkəna baku. Ka mgham nda gwal vulu tama mantsa: « Ta dzaʼa yu kawadaga nda kaghuni, » kaʼa.

1Mgh 1:50

Ka sliʼaftá Aduniya, ka hwayaghuta ɗifaghuta ma həga tumpul, ka kasavata ta duliha gwir, kabga zləŋa Salumuŋ.

1Mgh 1:7

Ka dzərku Aduniya ta dzərku nda Yuʼav zwaŋa Tseruya, nda ya nda Aviyatar mnda dra skwi ŋa Lazglafta, ka tsuʼaftá həŋ ta sləha hula ni.

Sabi 21:14

Ama kawayaka skwi, hiɗaku magaf tsa mndu ya ka dzatá mndu ka palama, dər ta vata gwir ɗa tsa mndu ya, dzaʼa ksaf ksa lu ŋa dzata.

Sabi 27:2

Ka magafta ka ta tuldiha ni fwaɗ fwaɗ ka skwa turtuk nda tsi. Ka zlərɓata ka nda ghuva tili.

Vrafta ta zlahu 32:35

Iʼi dzaʼa planamtá mndu, iʼi dzaʼa vranamta, ma fitika tsəhiŋta skwi ta səla taŋ, kabga ndusak ndusa fitika slanaghata ɓadzaku ta həŋ, dzaʼa gi sagha sa skwi ya payaf lu ta ghəŋa taŋ. »