1Mgh 2:22 - Hdi

²² Ka mgham Salumuŋ zlghanaftá wi ta ma ni mantsa: « Kabgawu kəl ka ka ɗawa Avisag makwa la Sunem ŋa Aduniya na? Ɗawa ɓa ta ga mgham ŋa ni, ya wya mala ɗa tsi ya! Ɗawa ŋa ni, ya wya hbinis hba i Aviyatar mnda dra skwi ŋa Lazglafta, nda Yuʼav, zwaŋa Tseruya ta huta ya! » kaʼa.

1Mgh 2:22 Mawu Ofanana

2Sam 12:8

Vlagha vla yu ta la ma həga ga daŋahəga gha, ka pghamtá yu ta miʼa ni ma ghuva gha. Vlagha vla yu ta ga mgham ta ghəŋa la Israʼila nda la Yuda. Ka si nda hta tsaya, má dzaʼa sgaghagha sga yu ka malaghutá tsaya.

2Sam 16:21

Ka Ahitufel nda Avsalum mantsa: « La hanata nda miʼa sanagha da gha ta zlanata ŋa ngha həga ga mgham ya. Mantsa tama, dzaʼa kəl inda la Israʼila ka snaŋta kazlay nda dma kuni nda da gha, kəʼa. Tsaya dzaʼa kəl inda gwal mista gha ka mutsaftá mbraku, » kaʼa.

1Mgh 1:11

Ka Nataŋ nda Batʼseva, ma ni ma Salumuŋ mantsa: « Sna a kagha kazlay na, nuna Aduniya zwaŋa Hagit ka mgham kul snaŋtá rvera mu Dawuda kəʼa ra?

1Mgh 2:15

Kaʼa mantsa: « Nda sna vərɗa kagha kazlay na, má ŋa ɗa na ga mgham na kəʼa, si mista ɗa inda la Israʼila si má ŋa nzakwa ɗa ka mgham. Ama ka mbəɗaghutá tsa ga mgham ya ta vgha, ka laghwi da zwaŋama ɗa, kabga Yawe ta thanavata.

1Rus 3:2

Avsalum mahkəna ni, Maghaha, makwa Talmay mghama la Gesur ma ni. Aduniya mafwaɗa ni, Hagit ma ni.

1Rus 3:5

Wya hga tsa zwani yaya tsi ma Ursalima ya: I Simghaʼ, nda Suvav, nda Nataŋ, nda Salumuŋ. Tsaha fwaɗ ya ná, Batʼsuwa makwa Ghamiʼel ta yayatá həŋ.

Mata 20:22

« Sna a kuni ta skwi ta ɗawu kuni wa. Dzaʼa laviŋ lava kuni ta sa leghwa tsa ghuya ɗaŋwa dzaʼa yu ghuyay ya ra? » ka Yesu. « Dzaʼa say ŋni! » ka həŋ nda tsi.

Markus 10:38

Ka Yesu zlghanaftá wa ni ta həŋ mantsa: « Sna a kuni ta skwi ta ɗawə kuni wa. Dzaʼa laviŋ lava kuni ta sa leghwa tsa ghuya ɗaŋwa dzaʼa yu say ya ra? Ari dzaʼa tsuʼay kuni ta batema tsa ghuya ɗaŋwa dzaʼa ghuyɗipta lu ya? » kaʼa nda həŋ.

Yakubu 4:3

Ta ɗaway kuni mndani, haɗ kuni ta mutsafta wu, kabga nda tva ni a ta ɗawa kuni wu, ŋa maga skwi ta zɗəgaghunata ta ɗawa kuni.