1Mgh 19:11 - Hdi

¹¹ Ka Yawe mantsa: « Sab sa ka sladata ka ta ghwá ta kəma Yawe, dzaʼa lab la Yawe! » kaʼa. Mbaɗa falak ta malaghutá mbraku ka vyaku katakata ta kəma Yawe, ka tatanaptá ghwáha, ka paslanaptá kutumbaha, ama haɗ Yawe ma tsa falak ya wa. Tahula laghwa tsa falak ya, ka gigiɗavaftá haɗik, ama haɗ Yawe guli ma tsa gigɗakwa haɗik ya wa.

1Mgh 19:11 Mawu Ofanana

Sabi 19:16

Ga sərɗək baɗ mahkəna fitik, ta tsa ghwá ya ná, ka ŋəzlatá luwa, nda wuɗa luwa, nda kusay tɗik katakata, nda lwa duli nda mbraku katakata. Ka ghudzaku inda gwal ma ghuɓu ta ghudzaku da zləŋ.

Sabi 19:20

Ka saha Yawe ta bɗəma ghwá Sinay. Hada, ka hgadaftá tsi ta Musa ta bɗəma tsa ghwa ya. Ka laf Musa.

Sabi 20:18

Ta snay inda la Israʼila ta tsa ŋəzla luwa, nda ghudzaga duli ya. Ta nghay həŋ ta wuɗa luwa guli, nda kuɗumbulatá tsa ghwá ya ka ɗiŋ. Na nghay taŋ ta tsa skwiha ya, ka ghudzaku həŋ ta ghudzaku da zləŋ, ka nzaktá həŋ kətsaʼu diʼiŋ.

Sabi 24:12

Ka Yawe nda Musa mantsa: « Saf sa da iʼi ta ghwá, ka nzata ka, dzaʼa vlagha vla yu ta klamha vindaf yu tida ta skwiha ŋa taghay nda zlahuha ŋa taghanaftá la Israʼila, » kaʼa.

Sabi 24:18

Ka lam Musa da tsa kusay ya, ka laf ta tsa ghwá ya. Ka zatá Musa ta fitik fwaɗ mbsak, nda rviɗik fwaɗ mbsak ta tsa ghwá ya.

Sabi 34:2

Ka payavata ka ŋa ga sərɗək mahtsim. Ka ŋlagafta ka ga sərɗək ta ghwá Sinay. Ka sagha ka maravata hada ta kəma ɗa ta bɗəma ghwá.

Sabi 34:6

Ka lab Yawe ta kəma Musa. Kaʼa nda lwi dagala dagala mantsa: « Iʼi Yawe! Iʼi Yawe! Lazglafta ta tawa hiɗahiɗa, ta zɗakatahuɗi, haɗ ta ɓasa ŋuɗufa misimmisim wu, dagala zɗaku da tsi, ŋərma ya katakata.

Mata 24:7

Dzaʼa vulay sana luwa ta vulu nda sana luwa. Dzaʼa vulay sana mgham ta vulu nda sana mgham. Dzaʼa sla sla maya ma sana vliha. Dzaʼa gigɗavafgigɗa haɗik.

Mata 28:2

Gi ka gigɗavaftá haɗik katakata. Ka saha duhwala Lazglafta daga ta luwa, ka taŋwalaghutá tsa klam ya, ka nzafta tida.

Hebru 12:26

Ma tsa fitik ya, ka ghudzanaftá lwa Lazglafta ta haɗik. Ndanana, ka tamaftá tsi ta imi ta sləməŋ kazlay: Ta turtuktuk ta dzaʼa ghudzanafta yu guli ŋa kwanaha ni. Haɗik nda ghəŋa ni a dzaʼa yu ghudzanafta wu, nda luwa tani kəʼa.

Suna Yuhwana 11:19

Ka gunatá həga Lazglafta ya ta luwa, ka zlagaptá akwata dzratá wi mida. Ka wɗə luwa ta wɗu, ka snaku hla wi, ka ŋzlə luwa ta ŋzlu, ka gigɗavaftá haɗik, ka saha papla guli.

Suna Yuhwana 16:18

Ka wɗə luwa ta wɗu, ka hlə lu ta wi, ka ŋzlə luwa ta ŋzlu, ka ghudzavafta haɗik. Ka yawu ka yawu fatá mndu, ta ghudzavaf a haɗik katakata taɓta tsaya wa.

Suna Yuhwana 20:11

Tahula tsa, ka nghaŋtá yu ta sana dughuruk ka ŋusliŋ dagala, ta nzaku mndu tida. Ka nutá haɗik nda luwa lay ta kəma ni. Nghəglaŋta a lu ta həŋ wa.

1Sam 14:15

Ka hlutá zləŋ katakata ta bakwa la Filisti, nda inda mnduha ta wanaftá həŋ. Ka hlutá zləŋ ta bakwa gwal vulu, nduk nda gwal ta ɓadza vli tani. Inda taŋ ka hlutá zləŋ ta həŋ ka wutsatá həŋ ta vgha. Ka gigiɗavaftá haɗik. Lazglafta ka ghəŋa ni ta famtá tsa zləŋ ya ma həŋ.