1Mgh 17:12 - Hdi

¹² Ka tsa marakw ya zlghanaftá wi mantsa: « Ta waɗa waɗa yu nda hga Yawe, Lazglafta gha nda hafu mida! Haɗ skwi da lu nda da da iʼi wu, ta ghəŋa hpu zluk ma dzvu ta kwatahpu yeya da iʼi, nda rɗi kiʼa ma hwarak. Wana yu ta tska nivi, laba ɗa dzagha ya, ŋa data ɗa ŋa ŋni nda zwaŋa ɗa, ŋa zuta ŋni. Tahula tsa ŋa rwuta ŋni, » kaʼa.

1Mgh 17:12 Mawu Ofanana

Zlrafta 21:15

Kɗəguduŋta imi ma tsa zliba huta ya, ka zlanavatá tsi ta tsa zwaŋ ya mista mubukwa fu.

Zlrafta 21:16

Ka laghu tsi nzakta diʼiŋ nda tsa zwaŋ ya ma sana vli prək ka hadaptá hava. Kaʼa ma ghəŋa ni mantsa: « Va a yu ta nghaŋtá mtakwa zwaŋa ɗa wu, » kaʼa. Mantsa ka laghu tsi da nzakta diʼiŋ. Ka zlraftá tsi ta taw.

2Sam 15:21

Ka Itay nda mgham mantsa: « Ta waɗa waɗa yu nda hga Yawe nda hafu mida, nda ya nda hafa rveri, mghama ɗa, ma vli hada mgham, rvera ɗa, dər ŋa mtutá tsi, dər ŋa nzata nda hafu a tsi ya, hada guli dzaʼa nzata kwalva gha! » kaʼa.

1Mgh 17:1

Ka sana anabi ta hgə lu ka Iliya, sana mndu mataba la Tisbe ma kwakwara Gilghat nda Ahav mantsa: « Ta waɗa waɗa yu nda hga Yawe, Lazglafta la Israʼila nda hafu mida, ta maganata yu ta slna: Ma na vakuha ta kəma na ná, haɗta a wuninik wu, haɗta a imi wu, ba ta ɗawaŋta ɗa kasiʼi, » kaʼa.

1Mgh 17:11

Ta sliʼi tsa marakw ya da zba tsa imi ya, ka hgəglaŋtá Iliya, kaʼa mantsa: « Kdəkkdək, klaɗik kla ta tsata buradi ya ma dzva gha! » kaʼa.

1Mgh 17:13

Ka Iliya nda tsi mantsa: « Ma zləŋ ka! La dzagha, ka magata ka ta skwi mna ka. Kweŋkweŋa ni ná, diha da ta ŋa ɗa karaku nda tsa da kagha ya ta gatu kiʼa, ka klaɗikta ka. Tahula tsa, ŋa magata gha ta ŋa ghuni nda zwaŋa gha.

Mata 26:7

ta za skwa zay həŋ, ka lagha sana marakw ta vata Yesu nda klatá hwaraka albastra nda ndəghata ni nda urdi ya nda bla dzva ni. Ka pghəganatá tsi ma ghəŋ.

1Sam 14:39

Ta waɗa waɗa yu nda hga Yawe nda hafu mida ya ta mbanaftá la Israʼila, dər má ta ghəŋa dmaku turtuk ga zwaŋa ɗa Yunataŋ tsi, dzaʼa dza dza lu, » kaʼa. Mataba inda mnduha, haɗ mndu ta zlghanaftá wi wa.

1Sam 14:45

Ka mnduha nda Sawulu mantsa: « Nu! Yunataŋ ta zanaktá ghwa katakata ta la Israʼila ya dzaʼa dzata lu ra? Kadzeŋkadzeŋ! Ta waɗa waɗa ŋni nda hga Yawe nda hafu mida, haɗ swidi ma ghəŋa ni dər turtuk dzaʼa dɗadata ta haɗik wu, kabga nda kata mnda Lazglafta magata tsi ta tsa slna baɗ tsaya, » ka həŋ. Ka katatá mnduha ta Yunataŋ, dza a lu wa.

1Sam 20:21

Mantsa tama, dzaʼa ghunadap ghuna yu ta duhwal kazlay na: “La naghaktá tsa havaha ya!” kəʼa. Ka ka yu nda tsi mantsa: “Zaghu a tsa havaha ya nda kagha wu, klaf kla!” ka yu ya, mantsa ya ná, ka sagha ka, ka nzakwa ka ta nzakwa gha ləŋləŋ, haɗ sana skwi ŋa zləŋay gha wu, ta waɗagha waɗa yu nda hga Yawe nda hafu mida!

1Sam 20:3

Ka Dawuda nda waɗu nda waɗu kay guli mantsa: « Nda sna da gha ɗina kazlay na, mutsaf mutsa yu ta zɗakatahuɗi da kagha kəʼa. Wya kəʼa ta ndanay: “Má ma snaŋ Yunataŋ, kada kwala tsi ta kəɓay,” kaʼa. Ama ta waɗa waɗa yu nda hga Yawe nda hafu mida, nda ya nda htsiŋa vərɗa kagha, səla turtuk yeya mataba ɗa nda mtaku! » kaʼa.

1Sam 25:26

Ndanana, rvera ɗa ta waɗa waɗa yu nda hga Yawe nda hafu mida, nda ya nda ŋa gha hafu. Yawe ta pyaftá kagha ka pghiŋtá us ka ŋaghutá dzva gha. Má ka nza kɗavakta ghumaha gha, tsa gwal ta zba maganatá ghwaɗaka skwi ta rvera ɗa ya, manda ŋa Naval ya!

1Sam 26:10

Ka Dawuda guli mantsa: « Ta waɗa waɗa yu nda hga Yawe nda hafu mida! Yawe turtukwa ni dzaʼa da dzata, ka dər nda ma mtakwa ghəzləŋa ni tsi, ka ta wa vulu ma ghwa a tsi.