Maga maga kagha ta ghwaɗaka skwi ka malaghutá ŋa inda gwal ta tiŋlaghutá kagha. Laghu la ka da tsatsaftá sanlaha ma lazglaftaha, nda skwiha ŋa wuyay dgum dguma ka kfur nwap lu nda nwa, ŋa giɗiftá ɓasa ŋuɗuf, ka wuɗiɗtá ka.
Ta mahkən mbsak tghas mida vakwa Asa ta ga mgham ta ghəŋa la Yuda, lama Ahav, zwaŋa Ghumri da ga mgham ta ghəŋa la Israʼila. Hisambsak his mida vakwa ni ta ga mgham ta ghəŋa la Israʼila ma Samari.
Ta slaghu a tsa vlatá ghəŋ ŋa dmakuha Yaruvgham, zwaŋa Nəvat ya wu kəʼa, ka klaftá tsi ka marakw ta Izabel, makwa Itbaghal, mghama la Tsiduŋ, ka laghu tsi da maganatá slna ta Baghal, ka tsəlɓu tsi ta tsəlɓu ta kəma ni.
Ka tsaftá Ahav guli ta skwa wuyay Asera. Nda ma slna ni, ka ganaftá tsi ta ɓasa ŋuɗuf ta Yawe, Lazglafta la Israʼila, ka malaghutá ŋa inda mghamha la Israʼila ta tiŋlaghutá tsatsi.
Ka mag tsi ta ghwaɗaka skwi ta wa ira Yawe. Ka ksaftá tsi ta saɗa i da ni, nda ma ni, nda ghwaɗaka tva Yaruvgham, zwaŋa Nəvat ta hlamtá la Israʼila da ga dmaku ya.
Ka mag tsi ta ghwaɗaka skwi ta wa ira Yawe, ama nza a manda ŋa i da ni nda ma ni wa. Ka zlaɗiŋtá tsi ta dzagwatá palaha ŋa Baghal, si dzagwana da ni.
Na gi nghaŋta Yuram ta Yehu, ka ɗaw tsi da tsi, kaʼa mantsa: « Zɗaku suʼu ta klaktá kagha na? » kaʼa. Ka Yehu zlghaftá wi mantsa: « Waká a dzaʼa nzakway ka zɗaku, tata kɗaŋ kɗa ma gha Izabel ta tsəlɓu ŋa skwa wuyay, ka ga tsa ma muta muta ni ta ndəghuta ya na? » kaʼa.
ama ka ksaftá ka ta saɗa mghamha la Israʼila. Hlam hla ka ta la Yuda nda la Ursalima da hliri, manda ya maga la ga Ahav. Psla psla ka ta vərɗa zwana ma gha sa kuni ma huɗa turtuk, ka ŋərma mnduha ta malaghutá kagha ya.