1Mgh 14:21 - Hdi

²¹ Ma Yuda, ta ga Rəhavgham, zwaŋa Salumuŋ ta mgham. Fwaɗ mbsak ndeŋ mida ima Rəhavgham ta nzatá tsi ka mgham. Ghwaŋpəɗ ndəfáŋ vakwa ni ta gá mgham ma Ursalima, luwa ya zbap Yawe mataba inda mndəra la Israʼila ŋa nzakwa hga ni. Naghama hga ma ni ma Rəhavgham, makwa la Ghamuŋ ya.

1Mgh 14:21 Mawu Ofanana

1Mgh 11:1

Ka ɗvutá mgham Salumuŋ ta ndəghata kwagha mayəm zlanaha lu ta makwa Firʼawna, ka hlaftá tsi ta kwagha la Muwav, nda la Ghamuŋ, nda la Idum, nda la Tsiduŋ, nda la Het.

1Mgh 11:32

Ama mndəra mndu turtuktuk dzaʼa pɗata da tsi dabga kwalva ɗa Dawuda nda Ursalima, luwa ya zbap yu mataba mndəra la Israʼila demdem.

1Mgh 11:36

Dzaʼa zlanaŋ zla yu ta mndəra mndu turtuk ta zwaŋa Salumuŋ, kada gɗavata pitirla kwalva ɗa Dawuda ta kəma ɗa ma Ursalima, luwa ya zbap yu ŋa nzakwa hga ɗa.

1Mgh 11:43

Tahula tsa, ka laghu Salumuŋ da dzidzíha ni, ka paɗamtá lu ma luwa da ni Dawuda. Ka lam zwaŋa ni Rəhavgham da gá mgham ma vla ni.

1Mgh 12:17

Ta ghəŋa la Israʼila ta nzakway ma luwaha la Yuda kweŋkweŋ yeya ta snaŋta kazlay na Rəhavgham mgham kəʼa.

1Mgh 14:20

Hisambsak his mida vakwa Yaruvgham ta ga mgham, ka laghu tsi da dzidzíha ni. Ka lam zwaŋa ni Nadav da gá mgham ma vla ni.

1Mgh 14:31

Ka laghu Rəhavgham da dzidzíha ni, ka paɗamtá lu ta vata dzidzíha ni ma luwa Dawuda. Naghama hga ma ni, makwa la Ghamuŋ. Ka lam zwaŋa ni Aviyam da gá mgham ma vla ni.

1Mgh 22:42

Hkən mbsak hutaf mida ima Yəhusafat ta lam tsi da gá mgham, hisambsak hutaf mida vakwa ni ta gá mgham ma Ursalima. Ghazuva hga ma ni, makwa Silhi.

1Mgh 8:16

“Daga baɗ hlagapta ɗa ma Masar ta mnduha ɗa la Israʼila, haɗ luwa ya zbap yu mataba inda mndəra la Israʼila ŋa baftá həga ŋa nzakwa hga ɗa wu, ama zbap zba yu ta Dawuda ŋa gay ni ta mgham ta ghəŋa mnduha ɗa, la Israʼila,” kaʼa.

1Mgh 8:29

Ka fafta ka ta ira gha nda rviɗik tani, nda fitik tani ta na həga na, ta na vli mnə kagha kazlay na: “Hada, dzaʼa nzata yu!” kəʼa ya. Sna ta duʼa kwalva gha ta magay nda təv na vli na!

1Mgh 8:44

Ka lagha mnduha gha ka sliʼagapta ŋa dzaʼa da vulu nda ghuma taŋ, nda ta tviha ya mnanaf ka ta həŋ, ka ndəɓ həŋ ta dzvu da Yawe, ka mbəɗavata ka ngha vli nda təv luwa ya zbap ka, nda ya nda təv na həga baf yu ŋa vlaŋtá sgit ta hga gha na katsi,

2Rus 12:1

Dihanata Rəhavgham ta gá mghama ni, ka mutsaftá mbraku ná, ka zlanavatá tsi kawadaga nda la Israʼila demdem ta zlaha Yawe.

2Rus 12:13

Ka dihanatá mgham Rəhavgham ta gá mghama ni ma Ursalima, ka gə tsi ta mgham. Fwaɗ mbsak ndeŋ mida ima Rəhavgham ta nzatá tsi ka mgham. Ghwaŋpəɗ ndəfáŋ vakwa ni ta gá mgham ma Ursalima, luwa ya zbap Yawe mataba inda mndəra la Israʼila ŋa nzakwa hga ni. Naghama hga ma ni ma Rəhavgham, makwa la Ghamuŋ ya.

2Rus 13:7

Lagha falaya mnduha, nda gwal kul zɗaku hafa taŋ, ka gwaftá vgha nda tsi ta ghəŋa Rəhavgham, zwaŋa Salumuŋ. Ta ka zwaŋ Rəhavgham, tska a hiɗakwa ni wu, kwal tsi ŋaŋta da həŋ.

Sabi 20:24

Ka magaɗifta kuni ta gwir ka haɗik. Tida dzaʼa plihata kuni ta ghəŋ nda rina fisika ghuni, nda slaha ghuni, ŋa dray tsuh tsuh, nda pla ghəŋa zɗaku guli. Ma inda dər wati ma vli dzaʼa havaghunakta yu ta hga ɗa ya ná, dzaʼa sagha sa yu da kaghuni, ŋa tfaghunaghata ɗa ta wi.

Vrafta ta zlahu 12:21

Ka si diʼiŋ tsa vli zbap Yawe, Lazglafta ghuni ŋa fatá hga ni ya nda kaghuni katsi, dzaʼa laviŋ lava kuni ta ghwanaftá sla ghuni ka rina fisika ghuni a tsi ya vlaghuna Yawe, ka magata ghuni manda ya mnaghunaf yu, ka zay ghuni ma luwaha ghuni manda ya ta kum kuni.

Vrafta ta zlahu 12:5

Ama ka dzaʼa kuni da tsəlɓu ŋa ni ma vli ya dzaʼa zbafta Yawe, Lazglafta ghuni mataba inda mndəra ghuni, ŋa fata hga ni, ka nzata ni hada. Hada da dzaʼa kuni.

Vrafta ta zlahu 23:3

Lamta a masagwa da taba guyatá ghəŋa mnduha Yawe wa. Lamta a ya dər turtuk mataba zwana ni da taba guyatá ghəŋa mnduha Yawe ha ka labi ta maghwaŋa zivira taŋ wa.