1Mgh 11:14 - Hdi

¹⁴ Ka zlaganaptá Yawe ta ghuma ŋa Salumuŋ: Tsaya Hadat, mnda la Idum, mataba zivira mgham Idum.

1Mgh 11:14 Mawu Ofanana

2Sam 24:1

Ka ɓasglaftá Yawe ta ŋuɗuf ta ghəŋa la Israʼila. Ka tiŋwaftá tsi ta Dawuda ŋa dika taŋ, kaʼa mantsa: « La ka mbəɗafta ka ta mbsaka la Israʼila nda la Yuda, » kaʼa.

2Sam 7:14

Dzaʼa nzakway yu ka da ka ŋa ni, ta nzatá tsatsi guli ka zwaŋ ka ŋa ɗa. Ka maga maga tsi ta ghwaɗaka skwi, dzaʼa klaf kla yu ta mnduha ŋa zlahay, ŋa nzakwa mnda səla ka saraka zlahay.

1Mgh 11:13

Haɗ yu dzaʼa zluʼaghutá inda ga mghama ni guli wu, dzaʼa zlanaŋ zla yu ta mndəra mndu turtuk, dabga kwalva ɗa Dawuda, nda ya dabga Ursalima luwa ya zbap yu, » kaʼa.

1Mgh 11:15

Ghalya ta fitika zata Dawuda ta ghwa ta ghəŋa la Idum, ka laf Yuʼav mala gwal vulu da papaɗamtá mbliha la Israʼila. Tahula tsa, ka pslatá tsi ta inda zgwana ma Idum.

1Mgh 11:23

Ka zlaganaptá Lazglafta ta sana ghuma ŋa Salumuŋ. Tsaya Rəzuŋ, zwaŋa Ilyada, si ta hwayapta ga daŋahəga ni Hadadghezer, mghama Tsuva ya.

1Mgh 12:15

Mantsa tama, fana a mgham ta sləməŋ ta mnduha ka sna skwi ta ɗaw həŋ da tsi wu, kabga Yawe ta mbəɗanaftá tsa skwi ta magaku ya, ŋa hɗamtá gwaɗa ya mnana tsi ta Yaruvgham, zwaŋa Nəvat, nda ma wa Ahiya mnda la Silu.

1Rus 5:26

Mantsa tama, ka gagaftá Lazglafta la Israʼila ta Pul, mghama la Asur ta nzakway ka Tiglatʼpilʼeser. Ka hlaghatá tsi ta la Rubeŋ, nda la Gat, nda rita mndəra la Mənase. Ka hlaghatá tsi ta həŋ da Halah, da Havur, da Haraʼ, nda ya ta wa zala Guzaŋ. Hada nzata həŋ ha gita.

Mbsak 24:18

Dzaʼa za za lu ta ghwa ta ghəŋa haɗika Idum, dzaʼa za za lu ta ghwa ta ghəŋa haɗika Seghir, ghumaha ni, la Israʼila dzaʼa maraŋtá mbrakwa taŋ.

1Sam 26:19

Ndanana, kdəkkdək, ka fa fa mgham rvera ɗa ta sləməŋ ka sna gwaɗa kwalva ni. Ka Yawe ta famtá kagha ŋa ŋawa iʼi katsi, ka tsuʼaf tsuʼa tsi ta mbəha urdi! Ama ka mnduha tsi katsi, ka nza həŋ nda ksiʼa ta kəma Yawe. Ta ghəzla iʼi həŋ gita ŋa bəghiɗta ma za həga Yawe nda mnay kazlay na: “La da maganatá slna ta sana lazglaftaha!” kəʼa.