1Mgh 1:48 - Hdi

⁴⁸ Kaʼa mnata guli na: “Rfu ŋa Yawe, Lazglafta la Israʼila ta vlata gita ta mndu ŋa nzafta ta dughurukwa ga mghama ɗa, ka nghaŋtá ira ɗa,” kaʼa, » kaʼa.

1Mgh 1:48 Mawu Ofanana

Zlrafta 14:20

Zləzləvama Lazglafta Dagala, kabga tsatsi ta vlaghatá ghumaha gha ma dzva gha, » kaʼa. Ka hlaftá Abram ta zaka ma inda tsa skwiha hlak tsi ya, ka vlaŋta.

2Sam 24:3

Ka Yuʼav nda mgham mantsa: « Má ka nanaf na Yawe, Lazglafta gha ta mnduha dərmək (100) səla ka malaghuta ndəghata ni, ka nghaŋta rveri, mghama ɗa nda ira ni! Ama kabgawu kəl rveri, mghama ɗa, ka kuma magata manda tsaya na? » kaʼa.

2Sam 7:12

Tahula hɗamta fitika gha, laghu la ka da dzidzíha gha ya, dzaʼa zlaganap zlaga yu ta mndu turtuk mataba zivirha gha, ya dzaʼa sabi ma kagha. Dzaʼa dihana diha yu dar ta ga mghama ni.

1Mgh 1:49

Ka ghudzaku inda mbalata graha Aduniya ta ghudzaku snaŋər həŋ ta tsa gwaɗa ya, ka sliʼaftá həŋ, dər wa ta hwayaghuta ta ŋa ni tvi.

1Mgh 2:4

kada hɗanamta Yawe ta gwaɗaha ya mniha tsi: “Ka ta nghap ngha zivira gha ka nzakwa taŋ, ka mbaɗa nda zɗaku ta kəma ɗa, nda hya hya ŋuɗufa taŋ, nda kɗavakta hafa taŋ, mantsa, haɗ ka dzaʼa pɗata ɗekɗek ta ŋa gha mndu ta dughurukwa ga mghama la Israʼila wa.”

1Mgh 3:6

Ka Salumuŋ mantsa: « Maranaŋ mara ka ta zɗaku dagala ta kwalva gha da ɗa Dawuda, kabga mbaɗa ni ta kəma gha ka mndu tɗukwa ŋa faftá ghəŋ tida, ka ŋərma mndu. Ka kɗaŋta ka ta maranaŋtá ta zɗaku dagala nda ma vlaŋtá gha ta zwaŋa zgun ta nzaku ta dughurukwa ga mghama ni gita.

1Mgh 8:20

Hɗam hɗa Yawe ta gwaɗa ni ya mna tsi nda wa ni. Iʼi ta lami da vla da ɗa Dawuda, ka nzaftá yu ta dughurukwa ga mghama la Israʼila, manda va ya mna Yawe, ka baftá yu ta na həga na ŋa vlaŋtá sgit ta Yawe, Lazglafta la Israʼila.

1Rus 17:17

Tsaw ta nda hta na maga ka na ta wa ira gha rki ní, Lazglafta ɗa, ta wana ka ta mna gwaɗa ta la ga kwalva gha, ya kəʼa dzaʼa nzakway dazlay. Ta nghə ka mndu dagala ka ta iʼi a Yawe, Lazglafta!

1Rus 29:10

Ka rfanaghatá Dawuda ta Yawe ta kəma inda guyatá ghəŋ, kaʼa mantsa: « Rfu ŋa gha daga manda ghalya ha ŋa ɗekɗek, Yawe, Lazglafta Israʼila, dzidza ŋni!

1Rus 29:20

Tahula tsa, ka Dawuda nda inda guyatá ghəŋ mantsa: « Kdəkwakdək! Rfanaghawa rfa ta Yawe, Lazglafta ghuni, » kaʼa. Ka rfanaghata inda guyatá ghəŋ ta Yawe, Lazglafta dzidzíha taŋ. Ka dzadzatá həŋ ta ghəŋ, ka tsətsəlɓata ta kəma Yawe, nda ya ta kəma mgham.

Nəhemiya 9:5

Ka la Levi i Yəhusuwa, nda Kadmiyel, nda Bani, nda Hasabniya, nda Sereviya, nda Hudiya, nda Səbaniya, nda Pətahya mantsa: « Sliʼafwa sliʼa, zləzləvawa Yawe, Lazglafta ghuni dər yawu tsi ŋa ɗekɗek. Ka zləzləva inda mndu ta glakwa hga gha ta malaptá inda zləzləvu nda inda ghubu, » ka həŋ.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Afisus 1:3

Zləzlvama Lazglafta ta nzakway ka Da ni mamgham *Yesu *Kristi. Tsatsi ta tfamaghatawi ma vlamata ni ta inda skwi ɗina ɗina daga ta luwa ŋa kataŋtá sulkuma mu. Nda ma ndiʼatá vgha mu nda Yesu Kristi magamata tsi.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

1Sam 25:32

Ka Dawuda nda Abigayel mantsa: « Ta rfanagha rfa yu ta Yawe, Lazglafta la Israʼila, ta ghunagaghatá kagha gita ŋa guyaku nda iʼi!