1Kwa 8:9 - Hdi

⁹ Aŋ mndani, laviŋ lava kuni ta za inda skwi ta kum kuni, ama ɗasuwa ka kuni da nzaku kuni ka skwa tuthun da gwal nda hta mbrakwa taŋ ma zlghay nda ŋuɗuf nghər həŋ ta kaghuni.

1Kwa 8:9 Mawu Ofanana

La Levi 19:14

Ma raz kuni ta matghəm, ma fa kuni ta tuthun ta tva mndu nda ghulpa. Ka zləŋa kuni ta Lazglafta ghuni. Iʼi ná, Yawe yu.

Mata 18:10

« Ɗasuwa ka kuni da hərtətatá kuni ta ya dər turtuk mataba tsəna zwani na. Ka yu ta mnaghunata ná, duhwalha Lazglafta ta gɗata ta ngha kuma Da ɗa ta nzakway ta luwa ta ngha həŋ. [

La Ruma 15:1

Na amu nda mbra ma zlghay nda ŋuɗuf na ná, kataŋma kata ta gwal nda hta mbrakwa taŋ. Ma laghu mu da zba skwi ta zɗəgamata.

1Kwa 10:24

Ma laghu kuni ngha skwi ta dzaʼa kata kaghuni, nghawa skwi ta dzaʼa kataŋtá sana mndu.

1Kwa 10:28

Ka « sluʼa pla ghəŋ ŋa skwa wuyay ya, » ka ka mndu nda kaghuni katsi, yaha kuni da zay da famta kuni ta tsa mndu ta mnaghunata ya ma ndanu.

1Kwa 10:29

Ndana kaghuni a mnə yu wu, ndana tsa sana mndu ya. Iʼi ná, laviŋ lava yu ta za inda skwiha. « Kabgawu tama ŋa mnay kazlay: Ma zə ka, yaha ka famtá sana mndu ma ndanu kəʼa? »

1Kwa 10:32

Ma nza kuni ka tuthun dər ka ŋa la *Yahuda, dər ka ŋa la *Grek, dər ka ŋa Igliza Lazglafta.

1Kwa 8:10

Tsa lagha mndu kul mbraku ma zlghay nda ŋuɗuf ka nghaŋtá kagha nda « sna ta skwi » ya kay, ta nzaku ma həga skwa wuyay ta za sluʼa skwa wuyay katsi ní, haɗ tsatsi dzaʼa mnay: Ka za iʼi guli kəʼa ra?

1Kwa 8:12

Ma tsa magay ghuni ta dmaku ka zlabiŋtá zwana ma ma ndanu kul haɗ mbrakwa taŋ ya, maganatá vərɗa Kristi kaghuni ta tsa dmaku ya.

1Kwa 9:22

Ka mataba gwal nda hta mbrakwa taŋ ma zlghay nda ŋuɗuf yu ya, manda hahəŋ ka yu ta nzaku, kada mbranafta yu ta həŋ. Mantsa ya fata iʼi ta ghəŋa ɗa, ka nzaku ta vata dər wati ma mndu tsi ka maga inda kɗavakta hiɗakwa ɗa ŋa mbaʼatá sanlaha.

2Kwa 11:21

Ta ksə ka hula mnay ta aŋni, trap tra aŋni ta magay manda tsaya. Ndanana ná, dzaʼa gwaɗay yu ta gwaɗa manda ŋa rgha. Ka si ta ghərɓaku sanlaha ya ná, dzaʼa ghərɓay iʼi guli ta ghərɓaku.

2Kwa 11:29

Htuta mbrakwa mndu ya ná, manda skwi iʼi ya ka ghəŋa ɗa. Zləmbamtá mndu ma dmaku, ndaɗaʼa kəʼa ta dra iʼi ta wa ŋuɗuf wa.

2Kwa 6:3

Va a ŋni ta ksafta mndu ta aŋni nda dmaku ma slna ta mag ŋni wu, tsaya ta kəl ŋni ka ŋavata ka maga skwi ŋa kwal kul zləmbiŋtá mndu.

Galat 5:13

Zwana ma ɗa, hgaghuna hga Lazglafta ŋa kwala ghuni nzakway ka vuʼa zlahu. Ala ka si mantsa tsi, ma klaf kuni ta tsa plata vgha ghuni ya ka skwi ŋa dzaʼa ghuni maga skwi ta kum sluʼuvgha. Katək ná, ɗvuvuswaɗva ta vgha ghuni, ka katuvusta kuni ta vgha ghuni mataba ghuni.

Kwalus 2:8

Ɗaswa ka kuni, da nanaghata mnduha ta kaghuni nda ndana ghəŋa haɗik, ka nda baru ta sabi ma ndana ghəŋa mnduha ta sladafta ta mbrakwa ghəŋa haɗik, kul haɗ Kristi ya a tsi.

1 Piyer 2:16

Nzawa nza ka gwal flaʼu vgha taŋ. Nziya nza tsi ná, ma nza tsa flauʼwatá vgha ghuni ya, ka skwi ŋa bukwanatá ghwaɗaka skwi. Ama nzawa nza ta nzaku ya ta maraŋtá nzakwa ghuni ka gwal ta ksanatá slna ta Lazglafta.

2 Piyer 2:19

« Flaʼu vgha ghuni dzaʼazlay, » ka həŋ ta mnay ŋa taŋ. Hahəŋ ya kay tataŋ, nda ghada nzatá həŋ ka vuʼa ɓədzaku ta kla həŋ da zaɗaku. Nda sna kuni ná, ka nu tsa skwi ta hbutá tsa mndu ya ná, vuʼa tsa skwi ya tsa mndu ya.

Suna Yuhwana 2:14

Ama wya skwiha ta dvaghaghata yu: Mamu sanlaha mataba ghuni ta ɗvutá tagha skwa Bilʼam, ya ta taghanaftá Balak, ka pghamta zwana la Israʼila da ga dmaku, ŋa za sluʼa skwa wuyay, nda ya ŋa maga sliʼiŋsliʼiŋ ya.