1Kwa 7:19 - Hdi

¹⁹ Dər tsanaghuha lu, haɗ skwi tsanagha tsi wu, dər tsanaghu a lu wu, haɗ skwi tsanagha tsi wu, snata zlaha Lazglafta mala ni.

1Kwa 7:19 Mawu Ofanana

Mata 5:19

« Tsaya tama, dər wa ta kwalaghutá snatá dər ya kwitikw mataba tsa zlahuha ya, ka tagha magay manda tsa ŋa ni ya ŋa sanlaha ná, dzaʼa nzakway tsa mndu ya ka sagəŋ gudzekw ma ga mghama Lazglafta. Ama ka sna sna mndu ta tsa zlahu ya, ka tagha magay manda tsa ŋa ni ya ŋa sanlaha guli ná, ka mndu dagala tsa mndu ya dzaʼazlay ma ga mghama Lazglafta.

Yuhwana 15:14

Ka ta magay kuni ta skwi ta mnaghunata yu ná, nda nza kuni ka graha ɗa.

La Ruma 3:30

kabga turtuktuk Lazglafta. Tsatsi dzaʼa nanafta ka gwal tɗukwa ta gwal nda tsa fafaɗa taŋ nda ma zlghay nda ŋuɗufa taŋ. Tsatsi dzaʼa nanafta ka gwal tɗukwa ta gwal kul nzakway ka la Yahuda nda ma zlghay nda ŋuɗufa taŋ guli.

1Kwa 8:8

Skwa zay a dzaʼa kladamaghata da Lazglafta wa. Dər má ta zay mu, dər má za a mu wu, haɗ skwi tsamagha tsi wu, haɗ skwi htamaghu tsi guli wa.

Galat 3:28

Ma tsaya tama, ta haɗ skwi ta dganatá la *Yahuda nda la *Grek wu, haɗ skwi ta dganatá vuʼa nda mndu kul nzakway ka vuʼa wu, haɗ skwi ta dganatá zgun nda marakw wa. Kaghuni demdem, ka skwa turtuk kuni ma ndiʼatá vgha ghuni nda Yesu Kristi.

Galat 5:6

Ka nda ndiʼa mndu nda *Yesu Kristi katsi, dər nda tsa fafaɗa ni, dər tsa a tsi wu, haɗ ghəzliwa ni wa. Zlghafta nda ŋuɗuf, ka mara tsa zlghay ya nda ma ɗvutá sanlaha vərɗa skwi.

Galat 6:15

Tsatá fafaɗ ná, sana skwi a wu, kwal kul tsatá guli ná, sana skwi a wa. Nzata mndu nda hafu vlama Lazglafta, na mali ma skwi.

Kwalus 3:11

Ndanana tama, ta haɗ mnay kazlay: La *Grek yehaya, la *Yahuda yehaya, gwal nda tsa fafaɗa taŋ yehaya, gwal kul tsaku fafaɗa taŋ yehaya, gwal ma mtak yehaya, gwal kul gunaku ghəŋa taŋ yehaya, la vuʼa yeya, gwal flaʼu vgha taŋ yehaya ya kəʼa wa. Mamu *Kristi ta nzakway ka hɗatani ma inda taŋ.

Yəhusuwa 5:5

Tsaw inda mnduha la Israʼila ta sliʼafta ma Masar ná, si ɗatsana ɗatsa lu ta fafaɗ ta həŋ. Ama inda mnduha ya yaga lu ta tvi ma mtak tahula saba taŋ ma Masar ya ná, haɗ ya tsana lu ta fafaɗ ta həŋ wa.

Suna Yuhwana 22:14

Nda tfa wi ta ghəŋa gwal ta ghuɓaptá lguta taŋ. Hahəŋ gwal dzaʼa mutsaftá laviŋta za yakwa fwa hafu, nda lami nda ta wa tgha tsa luwa ya.

1Sam 15:22

Ka Samuyel mantsa: « Mal zɗəganata pla ghəŋ ŋa dray tsuh tsuh, nda sanlaha ma skwa pla ghəŋ ta Yawe, ka snatá gwaɗa ni ra? Mantsa a wa! Mal snatá gwaɗa, ka pla ghəŋha. Malaghu mala fatá sləməŋ ɗina, ka ghwaviɗa maŋazak.